Ɛfɛsa 2:4 - ALLALA KUMƐ

^4-5 Ma faganɛ fɔlɔ-nun mala kuma-birabɛlitayɛ bolo kɔnɔ hali wo, Allata hinɛ waranɛ ma ma. Ala keninteyɛ kolo ma ye min kɛ, a ya ma lawuli tun alako ma ni ni-kurɛ sɔrɔn Kirasiti baraka rɔ. Ma kisinɛ Allata hinɛ le fɛ.

Ɛfɛsa 2:4 Iomraidhean Croise

Nihɛmaya 9:17

Anu ma sɔn anu tole sigila ita kumɛ kɔrɔ. I wara kabana-koe min bɛɛ ma anu ye nun kɔrɔma la, anu nyinara wonu ko salon! Anu bilara anu kun-telenmɛ fɛ ka anuna kun-tigi yabɔ min si anu kunyɛ don yɔɔnyɛ rɔ tun iko anu taranta nya min Iyipiti. Kɔnɔ kinikini-mansɛ le ile la. Anu di i ye, ado i si ko-nyimɛ kɛ anu ye. I fonde ti bɔ anu kuma yona. Ila kinikinɛ kolo anu bara la, ado i ma anu boloka mumɛ!

Yaburi 145:8

Mari fanɛ keninteyɛ anubɛ kinikinɛ la. A ti diminya tiriya, ado dan sa ala keninteyɛ la.

Yaburi 51:1

E, Alla, i yandi, kinikini n ma ka a tɛgɛ ita hinɛ ma. N hakɛ firan n ma ka a tɛgɛ ita kinikinɛla ko ma.

Yaburi 86:15

Kɔnɔ ile n tigi, ila keninteyɛ kolo, ado i kinikinite. I munyara, i nyimayanɛ, ado i lanaya-tigi.

Yaburi 86:5

E, n tigi, i nyimayanɛ ma ye, ado i ye ma makotola. Minnu bi i madiyala, ila hinɛ ye wonuna ko la.

Bɔ-Koe-Iyipiti 33:19

Mari ko, “N si a ma, i ni nna gbiliyɛ yen tenbila i yakɔrɔ. N si n sereka-tɔgɛ lawasa i ye bi. Mari le nde la. Minna kinikinɛ wa don n tɔ, n si kinikini wo ma.

Aiseya 63:7

A di n ye, n ni Marita keninteya-dan-natɛgɛbɛlɛ wara-koe fɔ. N si a tanto ka a tɛgɛ a ara min bɛɛ kɛ ma ye. A ara fen-nyima-siyaman di ma ma. A ara Isirɛla mɔgɛnu bira a kin na! Mari ara ata kinikinɛ yira ma la. A nyimayanɛ ma ma dɔgɔma-ma-de!

Yɛrɛmaya 31:3

a ya a nyɛrɛ yira wo la wula-yan la. A ko wola habadan-keninteyɛ ye a rɔ, ado a ko a si to keninteyɛ wo kun na.

Daniyɛli 9:9

Hali ma murutiyanɛ i ma, i wara kinikini ma ma ka ma makoto.

Yona 4:2

A ya a fɔ Mari ye ko, “Yanni n ni bɔ n barɛ, n ya a lɔn ko i ye anu makotola le, woletɔ n ya n buri. N ko n ni ta Sipeni. N ya a lɔn nun ko mɔgɛnu di i ye kosɛbɛ, i kinikinite. I si i munyu mɔgɛnu kɔrɔ, i kɛ-nya kin. Hali i si mɔgɛ minnu halaki kɔnɔ i latiri i fonde yɛlɛmana ka kinikini anu ma.

Luka 1:78

bawo mata Alla, kinikini anubɛ hina-tigi le. Ma kisilɛ ye nala ma wara la iko sun-tele-tiyi.

Romu 10:12

a Yahudiya wo, a sibolo-gbɛrɛ wo. Ma damasi kelen. Alla kelen pe le Mari la mɔgɛ bɛɛ ye. Minnu ba Mari rakele, a si ata duwɛ layigi wonu kuma foninsereyɛ rɔ.

Romu 2:4

Allala nyimayɛ wo, ata dinyɛ wo, anubɛ ata munyu-waranɛ wo, wo ara tɛgɛ wonu tɔ, nyɛ? Ko Alla ye ko-nyimɛ kɛla wo ye alako wo ni tubi a ma, wo ma wo lɔn, ba?

Romu 5:8

Ma di Alla ye nya min, a ara wo yira ma la bawo ma ye hakɛ-tigiyɛ la wati min, Allata-Mɔgɔ-Yabɔnɛ fagara ma ye.

Romu 9:23

A ya ala gbiliyɛ min nabon ma kuma, a si wo waranɛ labɔ gbɛ ma fanan. A bɛnta, male min ni ala kinikinɛ lɔn, a ara male rabɛn ala gbiliyɛ-sɔrɔn-koe la,

Ɛfɛsa 1:7

Kirasiti ya a nyɛrɛ ma sarakɛ la alako a yele ni ma hɔrɔya ma hakɛnu ma. A ya wo ma Allala hina-warani-bɛla ko la,

Ɛfɛsa 2:7

Alla ya a latɛgɛ wo nya na le alako a ni ala hina-waranɛ labɔ gbɛ ma, ado a ya hinɛ wo yira ma la Yisa Kirasiti le tɔ.

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

2 Tɛsalonaika 2:13

Ma na-kelen-nyɔgɛnu, Mari ara wo keni. Wo le ya a to, ma si baraka bira Alla ye wolela ko la tumɛ bɛɛ. Kebi fɔlɔ, Alla ya wole yabɔ alako wo ni kisi ata Ni-Sɛnimɛ baraka rɔ. A ara wole ma a nyɛrɛta mɔgɛ la bawo wo lara tonyɛ la.

1 Timoti 1:14

Ma Mari Yisa ya ala hina-waranɛ labɔn n kuma ka dɛnkɛninyɛ anubɛ diyanayɛ di n ma, ado matɛ le wonu na Yisa Kirasiti baraka rɔ.

2 Timoti 1:9

Alla ya ma kisi ka ma yabɔ ko ma ni ma ata mɔgɔ-sɛnimɛnu na. A ma ma yabɔ mata kɛwɔlɛnuna ko la fɔ a nyɛrɛ sako anubɛ ata hinɛ baraka rɔ. Yanni duninya ni dan, a ya ata hina-wɛ yira ma la Yisa Kirasiti rɔ.

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.