Ɛfɛsa 2:12 - ALLALA KUMƐ

¹² Wo ye nya min nun fɔlɔ, wo ni wo hɛnkili to wo ko. Wo wati ya a taran, wo ma ma wɛ Kirasititɛ la. Wo ye sibolo-gbɛrɛyɛ la nun. Wo sa Allata mɔgɔ-yabɔnɛnu tɛma nun. Wo kɔma, Alla ya sarama-kan min kiri anubɛ ala mɔgɛnu tɛma, wota fenfen sa wo rɔ nun. Wo tumɛ ya a taran, Alla sa wo bolo nun, ado yigi sa wo ma mumɛ!

Ɛfɛsa 2:12 Iomraidhean Croise

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

2 Ko-Kɔrɔta-Karan 15:3

Wati donu bara tenbi, wole Isirɛla mɔgɛnu sa Allatayɛ la nun, ado saraka-masɔla sa wo bolo nun minnu si wo labila Alla wara-koe la. Wo sa tɔn kɔrɔ wo wati rɔ.

Ɛsira 4:3

Sarababulu anubɛ Yɛsuwa anubɛ kebila-kunyɛnu ya a fɔ anu ye ko, “Ma sa nyinina wola dɛnbɛnɛ ma mata Mari Alla Bato-Bɔn sɔ tinɛ bawo a ti bɛn. Ma si a sɔ ma nyɛrɛ ma iko Pasiya Mansa Sairasi ya ma sɔ nya min.”

Bɔ-Koe-Iyipiti 12:45

“Tenbi-sundannu anubɛ wola wɔli-kɛlɛnu, wonu fenfen kana a dɔn.

Aiseya 14:1

Mari si kinikini Isirɛla mɔgɛnu ma tun ka anu ma atɛ la. A si a ma, anu ni sigi anu halala-nyamanɛ rɔ tun baff! Sibolo-gbɛrɛnu si sigi anu tɛma.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 45:20

Mari ko, “Nyamanɛla buiyi kɔmɛ, wole sibolo-gbɛrɛ minnu tora wo niyi la, wo ni wo kundɛn kan-tina-kelen kiti kan ma. Wole minnu bi wo wasila wola bɛsɛnu na wo bolo ka bɛsɛ wonu madiya minnu ti ke wo kisila, hɛnkili-wo-hɛnkili sa wo bolo.

Aiseya 61:5

Wole ata mɔgɛnu, sundannu si na ka wola kolo-fannu fɛ-bira wo ye. Nyamani-gbɛrɛkɛ-mɔgɛnu fanan si na wola ki-fannu fɛ-bira.

Yɛrɛmaya 14:8

Alla, Isirɛla mɔgɛnu yigi le ile la. Isirɛla mɔgɛnu ya yakɔrɔ-mamɔɛ sɔrɔn tuma-wo-tuma, i si anu denkun. Kɔnɔ kaka gbɛ, ile ye sundanyɛ le la nyamanɛ kɛ rɔ. I mani de iko mɔgɛ min bi belenna kila ka tenbi.

Yɛrɛmaya 17:13

Mari, Isirɛla mɔgɛnu yigi le ile la. Mɔgɔ-wo-mɔgɔ wa a kan-kɔ sɔ i la, wo tigi si miliya. Min bi a bɔla ile Marita kilɛ fɛ, wo tigi mani de iko tɔgɛ min sɛbɛnɛ gbangban rɔ. Wo sa mɛla bawo a ara ile Mari boloka. Tenke-kimanɛ le ile Mari la.

Isikiyɛli 13:9

Ka a tɛgɛ anuna ko-rayirɛ anubɛ anuna foninya-wɔlɔyiya-kuma-fɔɛ wo ma, a ara to sɛ, n ni bila anu tɔ. Nna mɔgɛnu ba anu kundɛn ka koe latɛgɛ anu nyɛrɛ ma, foninya-nɛbi wonu ti bɛn wo rɔ. Isirɛla dugurannu tɔgɛ sɛbɛnɛ kan min, anu denu tɔgɔ ti taran nyɔ hali! Anu ti sɛgi anuna nyamanɛ wo rɔ tun. Wo wa ma tumɛ min, anu si a lɔn ko wo Tigi Mari le nde la.

Isikiyɛli 37:26

Ma si sara koe do ma ma nyɔgɔn tɛma ka a tɛgɛ anuna habadan-sigi lafɛrɛ ma. N si anu ma dugurɛn bɛrɛbɛrɛ la ka anu nasiyaya. N si nta Bato-Bɔn sɔ nyamanɛ wo rɔ, a si to kan min tolon!

Isikiyɛli 47:22

A ni ma wo halala-nyamanɛnu na tolon! Sibolo-gbɛrɛ minnu siginɛ wo tɛma, ado min bara dannu sɔrɔn wo tɛma nyɔ, wonu fanan ni anuta nyamanɛ sɔrɔn. Wo ni anu bira iko wo ye Isirɛla mɔgɛnu birala nya min. Wonubɛ Isirɛla mɔgɛnu ni korɔn lakɛ wo nyɔgɔn tɛma ka dugi ratala.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Yilan-Yilan Koe 18:19

“Isirɛla mɔgɛnu si kɔ-fan minnu di n ma, n bara wonu bɛɛ ma ile anubɛ ila denbayɛnutɛ la. Habadan-lanyiri le kɛ la min ti tinya mumɛ!”

Luka 1:72

A ko a si kinikini ma benbanu ma nun ka a fonde to ala sarama-kan-sɛnimɛ ko.

Yɔni 10:16

Saga-dogbɛrɛnu bi n bolo minnu sa saga-kulɛ kɛ rɔ. Fɔ n ni na wonu fanan na. Anu si anu tole masɔ n kan la. Wonu si ma kurun kelen na saga-fɛ-birala kelan wo kɔrɔ.

Yɔni 15:5

“Kɔlɔma-kuri le nde la, a bolɔnnu le wole la. Minnu ba to nde rɔ, nde ye wonu denu tɔ. Wo si gbɔ wɛ kɛ bawo wo ti ke ko-wo-ko kɛla nde kɔma.

Yɔni 4:22

Wole Samariya kɛnu, wo ye min batola, wo ma wo lɔn. Kɔnɔ male Yahudiyanu bi min batola, ma ya wo lɔn bawo kisi-koe bɔnɛ Yahudiyanu denu bolo.

Kɛwɔlɛnu 2:39

Alla ya lanyiri wo kiri wobɛ wola dannu ye hali minnu bi wula-yan la, ma Mari Alla ye min bɛɛ kelela a wara, kɔni.”

Kɛwɔlɛnu 28:20

wo le ya a to, n ya madiyali kɛ ko n ni wo yen ka kuma wo la. Male Isirɛla mɔgɛnu yigi sanɛ min kuma, yɔlɔkɛ kɛnu bi n ma wo lela ko la.”

Kɛwɔlɛnu 3:25

Alla ya lanyiri minnu kiri ala nɛbinu baraka rɔ, wotɛ le wonu na. Alla ya lanyiri minnu kiri wo benbanu ye, wo ara wo sɔrɔn iko a ya a fɔ Iburayima ye nya min. A ko duninya-mɔgɛ bɛɛ si na duwɛ sɔrɔn ale bɔnsɔn fɛ.

Kalesiya 4:8

Yanni wole sibolo-gbɛrɛ ni ma Allatɛ la tumɛ min, wo taranta yɔɔnyɛ la wonu sɛnbɛ kɔrɔ, Alla ma minnu na.

Ɛfɛsa 2:19

Woletɔ wole sibolo-gbɛrɛnu, mɔgɔ-gbɛrɛ ma wo la tun, ado sundan ma wo la tun. Wo ara ma duguran la kaka Allata mɔgɛnu tɛma. Wo ye Allata denbayɛ rɔ gbɛ!

Ɛfɛsa 4:18

Anu hɛnkili ye pinpi rɔ. Alla ye nimayɛ min dila male ma, anuta fenfen sa wo rɔ bawo anu ma ko-wo-ko nya-yen anuna yisi-gbɛlɛyɛ bolo.

Kɔlɔsi 1:21

Fɔlɔ-nun, wo gbɛrɛnni ma Alla ma! Wola kɛwɔli-yogomɛ anubɛ wo miriyanu ya a ma, wo mara a yogenu na.

Kɔlɔsi 1:27

ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.

Kɔlɔsi 1:5

ado kebi wo ya kibara-nyimɛ kɛ lamɔɛn a fɔlɔtɛ rɔ, wo tora lala wo la ka wo yigi sa a kuma gben! Wo ye wo mala bawo wota sewɛ maranɛ wo ye Arinyɛni tɔ.

1 Tɛsalonaika 4:13

Ma na-kelen-nyɔgɛnu, minnu bara ta lakira nun, ma ye a fɛ, wo ni a lɔn anu bara-koe ye nya min. Wo le si a ma, wo ma ti kinikini iko minnu yigi sa habadan-nimayɛla ko la.

1 Tɛsalonaika 4:5

A kana a fɛrɛ-bɔnkɛ don nata-yogomɛ rɔ iko sibolo-gbɛrɛ minnu ma Alla lɔn.

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

1 Timoti 1:1

Nde, Pɔli le ye kɛdi kɛ sɛbɛla, Kirasiti Yisala kilayɛ, kɔni. Ma kisilɛ Alla le ya n sɔ ko n ni wɔlɛ kɛ ma, ado ma yigi sanɛ ale Yisa Kirasiti kuma.

Hiburunu 11:34

Anuna dɛnkɛninyɛ le ya a ma, ta-belebelenu nadufenta, anu natankara faga-koe ma faan la. Anu sɛnbɛ sa nun kɔnɔ anu mara kɛlɛ-kurugbɛnu na. Anu ya sɛnbɛ sɔrɔn kɛlɛ rɔ hali ka nyamanɛ gbɛrɛkɛnuna kɛlɛ-dannu nɔ.

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!

Hiburunu 8:6

Kɔnɔ saraka-masɔ-wɔlɛ min dira Yisa ma, wo kolo doi wonutɛ ko pirr! Yisa ya sarama-kan-kurɛ min kiri Alla anubɛ mɔgɛnu tɛma, wo kolo a kɔrɔmɛ ko, ado sarama-kan-kurɛ kɛ kirinɛ fen-kɛndɛnuna ko la minnu bi ma yarɔ.

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

1 Pita 3:15

Min fisa, wo ni Kirasiti gbiliya wo yisi rɔ ka a ma wo Mari la. Yigi min bi wo rɔ, mɔgɔ-wo-mɔgɔ wa wo manyinika wo ma, wo rabɛnnɛ ni taran tuma-wo-tuma ka wo faranfasi mɔgɛ wo ye.

1 Yɔni 3:3

Yigi kɛ ye mɔgɛ min bɛɛ bolo, wo tigi si a nyɛrɛ sɛninyanɛ mara iko Kirasiti sɛninyanɛ nya min.