Ɛfɛsa 1:13 - ALLALA KUMƐ

¹³ Wole fanan mara a halalɛ la wo nya na le. Wo ya tonyɛ lamɔɛn tumɛ min, wo dɛnkɛninyara Kirasiti ma. Kibara-nyimɛ wo nara kisi-koe la wo ye. Alla ya wo ma atɛ la ka ata tamasere sigi wo kuma, ata Ni-Sɛnimɛ, kɔni, ado lanyiri kirinɛ ata Ni-Sɛnimɛ wo le di-koe rɔ wo ma nun ka a yira ko Allatɛ le wole la.

Ɛfɛsa 1:13 Iomraidhean Croise

Yaburi 119:43

N dɛnbɛ, n ni to tonyɛ fɔla wati bɛɛ rɔ bawo n yigi sanɛ ita tɔnnu kuma.

Yowɛli 2:28

A ko wo wa ban, a si ata Ni-Sɛnimɛ layigi mɔgɛ bɛɛ ma. A ko wola den-keinu anubɛ wola dunmusinu si wɔlɔyiya-kumɛnu fɔ. Wola kinanu si kiyonu sa, ko-rayen si kɛ wola kemini-mɛsɛnu ye.

Luka 11:13

Hali wole min sɔn yogo, wo ya a lɔn ko a kin ka fen-nyimɛ di wola dannu ma. Wo Fa min bi Arinyɛni tɔ don, wo ti fen di wo ma min tenbira wo la, wa? Minnu bi a tarala, ale le sa Allata Ni-Sɛnimɛ dila wonu ma, wa?”

Luka 24:49

N fa ya lanyiri kiri min na, nde nyɛrɛ si wo lana wo ma. Kɔnɔ wo ni to Yerusalɛm fɔlɔn ha sɛnbɛ wo ni na ka bɔ san ma ka yigi wo kuma.”

Yɔni 1:17

Alla ya tɔn don Nɛbi Musa bolo kɔnɔ hinɛ anubɛ tonyɛ, ale Yisa Kirasiti le nara wonu na.

Yɔni 14:26

N Fa Alla ye nala min sɔla n tɔgɔ rɔ wo dɛnbɛn tinɛ, Allata Ni-Sɛnimɛ, kɔni, ale le si wo karan koe bɛɛ la. N bara min bɛɛ fɔ wo ye, a si wo hɛnkili labila wo bɛɛ ko.

Yɔni 15:26

“Dɛnbɛnɛ-kɛlɛ-dogbɛrɛ si na ka bɔ n Fa Alla warɛ, Allata Ni-Sɛnimɛ, kɔni. Wo le si tonyɛ lagbɛ wo ye Alla wara-koe rɔ. N si a sɔ ka bɔ n Fa Alla warɛ. Nba, a si nde fanan wara-koe fɔ wo ye.

Yɔni 3:33

Min ba ala kumɛ bira, wo ara a yira ko Alla ara min fɔ, tonyɛ le.

Yɔni 6:27

Wo kana wɔli dɔn-fanla ko la min si tinya. Wo ni wɔli dɔn-fanla ko la min si habadan-nimayɛ di wo ma. Nde, Hadama-dan si dɔn-fan min di wo ma, wo ni wo raya ka wo sɔrɔn bawo n Fa Alla ara sɔn nta wɔli ma.”

Kɛwɔlɛnu 1:4

Anu nadɛnta fen dɔn tinɛ tumɛ min, a ya a fɔ anu ye ko a ya kɔ-fan minna ko fɔ anu ye, anu kana bɔ Yerusalɛm ha anu ni wo sɔrɔn, ado anu Fa Alla ya lanyiri kiri kɔ-fan wo di-koe ma anu ma nun.

Kɛwɔlɛnu 13:26

“Nba, n na-kelen-nyɔgɛ Isirɛla mɔgɛnu, Iburayima bɔnsɔnnu, wobɛ sibolo-gbɛrɛ min bi Alla batola yan, Alla ya male sɔ ko wo ni a lɔn wo si kisi nya min, ado bɛɛta sarakanɛ le wo la.

Kɛwɔlɛnu 2:33

A yɛlɛta ka sigi Alla kɔɛn-nyimɛ rɔ. A ya Allala Ni-Sɛnimɛ sɔrɔn iko a Fa Alla ya lanyiri kiri a ye nya min, ado Alla ara ata Ni-Sɛnimɛ wo labɔn ma kuma iko wo ye min yenna kaka ka a lamɔɛn nya min.

Romu 1:16

N lanɛ kibara-nyimɛ la gben! Allala sɛnbɛ le wo la alako mɔgɛ bɛɛ si na kisi nya min, a fɔlɔtɛ le Yahudiyanu na, wo kɔma sibolo-gbɛrɛnu fanan, min bɛɛ lanɛ Yisa la, kɔni.

Romu 4:11

Iburayima telenta Alla yala ka a tɛgɛ ata dɛnkɛninyɛ ma. Wo kɔma, a kemininyara alako ala kemininyɛ ni ma koe kɛnu tamasere la. Woletɔ minnu bara dɛnkɛninya Alla ma, Iburayima mara wonu bɛɛsi benba la. Alla ara wonu lɔn mɔgɔ-latelennɛ la, hali anu kemininyabɛlɛ.

Romu 6:17

Fɔlɔ-nun, wo ye yɔɔnyɛ rɔ hakɛ kɔrɔ kɔnɔ kaka, ma si Alla tanto! Wo ara karan min sɔrɔn Alla wara-koe rɔ, wo ye wo birala wo yisi bɛɛ la.

2 Kɔrɛnti 1:22

A ara ma ma atɛ la ka ata tamasere sigi ma kuma, ata Ni-Sɛnimɛ, kɔni. A ya wo ladon ma yisi rɔ alako min bɛɛ ye a bolo ma ye, ale Allata Ni-Sɛnimɛ le wo kun-fɔlɛ la.

2 Kɔrɛnti 6:7

Ma ya tonya-kumɛ fɔ ka Allala sɛnbɛ yira alako ka a yira ko Allata wɔli-kɛlɛ le male la. Telenbagayɛ le mala kɛlɛ-kɛ-miran la. Ma si bui mɔgɛnu ma wo la ka ma nyɛrɛ matanka a la fanan.

Kalesiya 3:14

Wo bɛɛ mara le alako male fanan ni Allata Ni-Sɛnimɛ sɔrɔn dɛnkɛninyɛ fɛ iko Alla ya lanyiri kiri ma ye nya min nun. Alla ya lanyiri min kiri Iburayima ye, sibolo-gbɛrɛnu fanan ni lanyiri kelan wo sɔrɔn ka a tɛgɛ Yisa Kirasiti ya min ma ma ye.

Ɛfɛsa 4:21

Wo ya a wara-koe lamɔɛn tumɛ min ka ma aletɛ la, wo ya ata tonyɛ le karan, wo ma?

Ɛfɛsa 4:30

Mɔgɔ kana Allata Ni-Sɛnimɛ ladiminya bawo ata Ni-Sɛnimɛ le Allala tamasere la wo kuma ko a halalɛ le wole la. Tamasere le ale ata Ni-Sɛnimɛ la ko Marita Tele wa na, a si ma hɔrɔya wulɔn.

1 Tɛsalonaika 2:13

Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.

2 Timoti 2:15

I ni i se-koe-bɛɛ kɛ ka ma wɔli-kɛla-nyimɛ la. Alla ni i lɔn wɔli-kɛlɛ la min miliyani ma ala wɔlɛla ko la. I ni to mɔgɛnu karanna Allala tonya-kumɛ la a kilɛ fɛ.

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

2 Timoti 3:15

Kebi i dennɛ, i wara Allala kitabu-sɛnimɛnu lɔn. Wonu denu si ke hɛnkili dila i ma alako i si dɛnkɛninya Yisa Kirasiti ma nya min ka kisi.

Taita 2:11

Alla ara ala hinɛ yira mɔgɛ bɛɛ la alako anu si kisi nya min.

Hiburunu 2:3

Min tenbira wo la, ma Mari Yisa nyɛrɛ fɔlɔn ya kisi-koe min nabɔ gbɛ rɔ ma ye, ni ma ma ma tole masɔ kisi-ko-wɛ wo la, ma kunyɛ si bɔ a rɔ kama? Minnu ya a lamɔɛn, wonu ya a yira ma la ko tonyɛ le.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!

Yemesi 1:21

Wo ni ko-latinyanɛ bɛɛ boloka anubɛ kɛ-nya-yoge bɛɛ. Wo ni sɔnnaya Alla ye ka ala kumɛ bira min siginɛ wo yisi rɔ, ado kumɛ wo si ke wo kisila le.

1 Pita 2:10

Fɔlɔ-nun, Allala mɔgɔ ma wo la kɔnɔ kaka, wo ara ma ata mɔgɛnu na. Fɔlɔ-nun, wo ma Allala kinikinɛ lɔn kɔnɔ kaka, wo ara ala kinikinɛ sɔrɔn.

Lankɛnimayɛ 7:2

Alla ara dugu-kole anubɛ kɔgɔ-yi-tinya-sɛnbɛ di melika nanɛ wonu ma. A ya wonu kele a kan-bɛ la. N ya melika-gbɛrɛ namatoe yen ka bɔ tele-bɔɛ-wara la. Alla nimɛta mandan ye a bolo.