Ɛfɛsa 1:1 - ALLALA KUMƐ

¹ Nde, Pɔli le ye kɛdi kɛ sɛbɛla. Nde mara Yisa Kirasitita kilayɛ la iko Alla ya a latɛgɛ nya min. Kɛ sɛbɛnɛ Alla batolɛnu ma Ɛfɛsa soe burɔ minnu sɔnɛ Kirasiti Yisa ye yiri!

Ɛfɛsa 1:1 Iomraidhean Croise

Yilan-Yilan Koe 12:7

Kɔnɔ nta lanaya-mɔgɛ le Musa la, woletɔ n ya a sigi Isirɛla mɔgɛ bɛɛsi kun na.

Luka 16:10

Minnu telennɛ ko-mɛsɛnu tɔ, wo si lanayɛ kɛ ko-wɛnu fanan tɔ. Min kensunyanɛ ko-mɛsɛnu tɔ, wo si kensunyɛ kɛ ko-wɛnu fanan tɔ.

Kɛwɔlɛnu 16:15

Wobɛ ala bonna-mɔgɛ bɛɛ batasira. Wo kɔma, a nɔrɔta a fɔla ma ye ko, “Ni wo lara a la ko n bara dɛnkɛninya Mari Yisa ma, wo na yiya n barɛ.” A kirita ma ma ha ma sɔnta.

Kɛwɔlɛnu 18:19

Anu sawɛ ke Ɛfɛsa soe burɔ, Pɔli ya Akuwila anubɛ Purusila to nyɔ. Yanni a ni Ɛfɛsa soe boloka, a tara Yahudiya-dina-bɔn la kawandili bɔ tinɛ Yahudiyanu ye.

Kɛwɔlɛnu 18:21

A ya a masara anu na ka a fɔ anu ye ko, “Ni Alla sɔnta, n bi nala tun.” A donta kulɔn rɔ Ɛfɛsa soe nyɔ ka ta Sɛsariya soe burɔ.

Kɛwɔlɛnu 9:13

Ananayasi ya a yabi ko, “Mari, kei wo ara ko-yogomɛ min kɛ ila mɔgɛnu na Yerusalɛm soe burɔ, mɔgɔ-siyaman bara wo wara-koe fɔ n ye,

Romu 1:1

Nde, Pɔli le ye kɛdi kɛ sɛbɛla wo ma. Alla ara nde yabɔ alako n ni ma Yisa Kirasitila wɔli-kɛlɛ la anubɛ ata kilayɛ. A ya n kele Allala kibara-nyimɛ-lake-wɔli ma.

Romu 1:7

Alla ara wole Romu kɛnu yabɔ ka ma atɛ la bawo wo di a ye. N bi wo damasi kɔndɔnna. Ma Fa Alla anubɛ ma Mari Yisa, Allata-Mɔgɔ-Yabɔnɛ ni hinɛ anubɛ yisi-kimɛ di wo bɛɛ ma.

Romu 8:1

Wole minnu bi Kirasiti Yisa rɔ kaka, yiliki-wo-yiliki sa wo ma

1 Kɔrɛnti 4:12

Ma ye boloma-wɔlɛnu kɛla ka ma nyɛrɛ makoenu nyinya. Anu ba ma danka, male si duwa anu ye. Anu ba a lagbɛlɛya ma kuma, ma si ma munyu.

1 Kɔrɛnti 4:17

Ka a tɛgɛ wo ma, n bi Timoti latala wo ma. N diyana-dan le ale la Mari rɔ, ado n lara a la feu! N bi ni-kura-kilayɛ minnu nakela chɔchi bɛɛ rɔ kan-bo-kan Kirasiti Yisa rɔ, a si wo labila wo bɛɛ la.

2 Kɔrɛnti 1:1

Nde, Pɔli le ye kɛdi kɛ sɛbɛla wo ma. N mara Kirasiti Yisala kilayɛ la bawo wo diyara Alla ye. Mabɛ ma na-kelen-nyɔgɛ Timoti le ya kɛdi kɛ sɛbɛ. Ma ya kɛdi kɛ lata Allala chɔchi-mɔgɛnu ma minnu nadɛnnɛ Kɔrɛnti soe burɔ anubɛ Allala mɔgɛ min bɛɛ ye Akeya nyamanɛ rɔ.

Kalesiya 1:1

Nde, Pɔli le ye kɛdi kɛ sɛbɛla, ado mɔgɔ ma n sɔ wɔlɛ kɛ la. Mɔgɔ ma n ma kilayɛ la fɔ Yisa Kirasiti anubɛ ma Fa Alla min ya Yisa lawuli ka bɔ furinu tɛma.

Kalesiya 3:26

Wo dama ara ma Allala dan la ka a tɛgɛ wola dɛnkɛninyɛ Yisa Kirasiti ma.

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Kalesiya 3:9

Iburayima dɛnkɛninyara min kɛ, a ya Allata duwɛ sɔrɔn. Woletɔ min bɛɛ dɛnkɛninyanɛ, wonu bi duwɛ sɔrɔnna le iko ale.

Ɛfɛsa 1:15

Nba, wola dɛnkɛninyɛ Mari Yisa ma anubɛ wola keninteyɛ wo nyɔgɔn tɛma, kebi n ya wonu namɔɛn,

Ɛfɛsa 2:10

Alla nyɛrɛ le ya ma dan. A ya ma dan ko-nyimɛ kɛ-koe le la. Ma tenbi Yisa Kirasiti rɔ, ma si to ko-nyimɛ kɛla bawo ale nyɛrɛ ara ban wonu tabɛnna ma ye, bi ko ma!

Ɛfɛsa 2:13

Ka a tɛgɛ Yisa Kirasiti ma, wole minnu fɛ-yan Alla la nun, wo gbɛrɛnnɛ Alla ma kaka. Kirasiti Yisa yele mara wola sarakɛ la.

Ɛfɛsa 2:6

Ma faganɛ nun ma hakɛnu tɔ min kɛ, a ya mabɛ Kirasiti Yisa lawuli ma nyɔgɔn fɛ. Kaka, ma ye kun-tigiyɛ kɛla a fɛ ata sɛnbɛ baraka rɔ.

Ɛfɛsa 6:21

Ma na-kelen-nyɔgɛ Tikika, ma diyana-mɔgɛ, kɔni, mɔgɛ le wo la min si Allala wɔlɛ kɛ a sɛbɛ la. Min bi mala n na, ale le si wo bɛɛ fɔ wo ye.

Kɔlɔsi 1:2

ka a lata wole, Allata mɔgɛnu ma Kɔlɔsi soe burɔ. Ma na-kelen-nyɔgɛ le wole la ka a tɛgɛ wola dɛnkɛninyɛ ma Kirasiti rɔ, ado lanaya-mɔgɛ le wole la fanan. Alamɛ ma Fa Alla hinara wo la ka yisi-kimɛ di wo ma.

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!