Tɔn-Fɔɛ-Fila-Nyɔgɛ 8:3 - ALLALA KUMƐ

³ A ya a yira wo la ko wo makoe ye ale la woletɔ a ya wo lakɔnkɔ. Wo kɔma, a ya biredi-su do di wo ma hali wo benbanu ma min dɔn nun. A ya wo ma alako wo kana wo to dɔntɛ dɔrɔn ma, fɔ ale Allata kumɛ, wo ni ma wola dɔn-fan la.

Tɔn-Fɔɛ-Fila-Nyɔgɛ 8:3 Iomraidhean Croise

Yaburi 105:40

Anu ya mataralɛ kɛ tumɛ min, Alla ya wonderenu di anu ma. A ya dɔn-fan layigi ka bɔ san-kole rɔ min si anu tabɔ.

Yaburi 37:3

La Mari la. I ni ko-nyimɛ kɛ. Wo si a ma, i ni sigi i fanbolo ila nyamanɛ rɔ.

Matiyu 4:4

Yisa ya a yabi ko, “A sɛbɛnɛ Allata kitabu rɔ ko, ‘Hadama-dan ti a to dɔntɛ dɔrɔn ma kɔnɔ a si Allala kumɛ ma ata dɔn-fan la.’ ”

Luka 4:4

Yisa ya a yabi ko, “A sɛbɛnɛ Allata kitabu rɔ ko hadama-dan ti a to dɔntɛ dɔrɔn ma.”

1 Kɔrɛnti 10:3

Anu dama ya dɔn-fen kelan wo dɔn min bɔra Alla bolo.

Tɔn-Fɔɛ-Fila-Nyɔgɛ 29:5

San bi-nani kɔrɔ, Mari ye wo yarɔ wula-da-rakolɔn rɔ, wola kurɛnu ta ma fara anubɛ wola sanbarɛnu.

Tɔn-Fɔɛ-Fila-Nyɔgɛ 29:6

Wo wati mumɛ bɛɛ rɔ, wo ma biredi dɔn hali ka nɔnbɔ-gbɔ-yi anubɛ gbɛɛ min. Kɔnɔ wota Mari Alla le ya wo de-nyini ka wo makoe bɛɛ nyinya alako ka a yira wo la ko wota Alla le ale la.

Tɔn-Fɔɛ-Fila-Nyɔgɛ 32:47

Fufafu ma karan kɛ la de! Wo niyi-kole le kɛ la. Ni wo ya a bira, wo si simayɛ sɔrɔn lanyiri-nyamanɛ rɔ Yorodan bɛ kɔgɔma wo ye nala tala kan min.”

Tɔn-Fɔɛ-Fila-Nyɔgɛ 9:9

Wobɛ Mari sarata min na, wo sɛbɛnɛ kuru-walannu ma. N tara kɔnkɛ kuma kuru-walan wonu bi tinɛ ka su bi-nani ani tele bi-nani le bɔ nyɔ. N ma fenfen dɔn hali ka n min.