Tɔn-Fɔɛ-Fila-Nyɔgɛ 8:2 - ALLALA KUMƐ

² Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

Tɔn-Fɔɛ-Fila-Nyɔgɛ 8:2 Iomraidhean Croise

Ko-Dabirɛnu 22:1

Wati tenbinɛ, Alla ya Iburayima kele alako a ni a kɔrɔbɔ. A ya a fɔ a ye ko, “Iburayima.” Iburayima ya a labira, a ko, “O-o.”

2 Ko-Kɔrɔta-Karan 32:31

Hali Babilɔn mɔgɔ-banu nara tumɛ min ka a manyinika tamasere wo ma min bara kɛ ala nyamanɛ rɔ, Alla ya a bɔ a fɛ alako a ni a lɔn a yisi ye nya min.

2 Ko-Kɔrɔta-Karan 33:12

Ka a tɛgɛ ala tɔrɔyɛ wo ma, a ya a famayigi ka di ata Mari Alla dala alako wo ni a kunyɛ bɔ gbaran wo rɔ.

2 Ko-Kɔrɔta-Karan 33:19

Ale mansɛta mataralɛ wo, Allata yabilɛ wo, ale mansɛ ara hakɛ min kɛ nun yanni a ni tubi wo, a ya ko-yogomɛ min kɛ wo, a ya bɛsi-kɔ-tinɛ minnu nadan wo, anubɛ a ya bɛsi-musi Asurala muninyɛ lɛsɛ wo, anu ya wo bɛɛ sɛbɛ nɛbiya-buku do rɔ.

Nihɛmaya 9:19

Kɔnɔ hali wo, i ma anu boloka wula-da-rakolɔn rɔ bawo ila kinikinɛ da rakolo. Ta-mɛlan wo, banda-fin-gbɛ wo, i ma wonu bi anu bolo. I tora kilɛ yirala anu na su-ni-tele.

Yobu 33:17

alako anu ni fara hakɛ kɛla. Anu kana na wasi.

Yaburi 103:2

N ni Mari matɔgɔ n sɔndɔmɛ bɛɛ la. A ye ko-nyimɛ minnu kɛla n ye, n kana nyina wo do-wo-do ko.

Yaburi 106:7

Ma benbanu ma Allata kabana-koenu nya-yen Iyipiti nyamanɛ rɔ. Alla ara ala keninteya-su-siyamɛ minnu yira anu na nun, anu nyinara wonu ko. Anu murutiyara Alla Sɛnbɛ-Bɛɛ-Tigi ma Kɔgɔ-Yi-Wulan dafɛ.

Yaburi 136:16

A sɔra mɔgɛ kɛnu yarɔ ka ta wulɛ rɔ. Ala keninteyɛ dan sa.

Yaburi 77:11

Mari, n yili ye ila wɔli-nyimɛnu ko. I wara ko-makawanɛ minnu kɛ kɔrɔma la, n hɛnkili ye wonu dama ko.

Yaburi 81:7

Wo ye kɔndɔfili rɔ tumɛ min, wo ya n takele. N ya wo lakisi.” Alla ko, “N dogonnɛ ya a labira banda-fin-gbɛ rɔ. N ya wo kɔrɔbɔ wulɔn kan tinɛ do rɔ anu bi min kelela Sɔnkɔ-Sɔnkɔ tenke.”

Bɔ-Koe-Iyipiti 15:25

Musa dira Mari dala, woletɔ Mari ya kɔn-kundi do yira a la. Musa ya kɔlɔma wo bi ka a lakɛ yi wo rɔ. Yi wo diyara kɔikɔi! Anu bi nyɔ wati min, Alla ya tɔn di anu ma, anu si minnu bira. Wo kɔma, a ya anu kɔrɔbɔ nyɔ.

Bɔ-Koe-Iyipiti 16:35

Isirɛla mɔgɛnu tora Allata biredi wo dɔnna ha san bi-nanɛ da fara ha anu tara Kenan nyamanɛ-dan ma, anu bi nala sigila nyamanɛ min tɔ, kɔni.

Bɔ-Koe-Iyipiti 16:4

Mari ya a fɔ Musa ye ko, “N si dɔn-fan do layigi wo ma ka bɔ san-kole rɔ. Mɔgɛnu si dɔn-fan min ban tele kelan kɔrɔ, anu ni wo le dɔrɔn bi tele-wo-tele. N si anu kɔrɔbɔ kɛ rɔ ni anu si n kuman-kan latɔnbagaya, ka, ni anu ti a latɔnbagaya.

Bɔ-Koe-Iyipiti 20:20

Musa ya a fɔ mɔgɛnu ye ko, “Wo kana kilan. Alla ara na ka wola dɛnkɛninyɛ kɔrɔbɔ. Alla ye a fɛ, wo ni a gbiliya alako wo kana kilɛ boloka ka hakɛ kɛ.”

Hɛnkilimaya-Kumɛnu 17:3

Sɛnɛ anubɛ wodi-gbɛ kɔrɔ si bɔ tɛ rɔ kɔnɔ Mari le si mɔgɔ yisi kɔrɔbɔ.

Aiseya 2:17

A si hadama-dannuna wasinteyɛ ban ka anuna nyɛrɛ-kɔrɔta-fan wonu kasara. Anuna bɛsɛ wonu si tunu yen! Mari kelen pe si to gbiliyɛ rɔ wo wulun tele.

Yɛrɛmaya 2:6

Hali a ya anu kunyɛ bɔ gbaran rɔ Iyipiti nyamanɛ rɔ ka wulɛ ratɛgɛ kasan, wo benbanu ma ale Mari tɔgɛ rakele mumɛ! A bɔra anu na kuru-gbɔgɔsa-gbagasa-nyamanɛ rɔ min tagbalanɛ todo! A bɔra anu na setani-nyamanɛ rɔ min tapinpinɛ. A tenbira anu na kan do mɔgɔ ti tagama kan min, ado mɔgɔ ti sigi nyɔ. Kɔnɔ wo bɛɛ rɔ, anu ma ale Mari tɔgɔ rakele muk!

Isikiyɛli 20:19

N ya a fɔ anu ye nun ko anuta Mari Alla le nde la. Anu ni nna tɔnnu bira.

Yilan-Yilan Koe 14:33

Wola dannu si yilan-yilan wo fɛ wulɛ rɔ san bi-nani kɔrɔ. Anu si tɔrɔyɛ sɔrɔn wola dɛnkɛninyabɛlitayɛla ko la ha kina wo dama ni faga.

Luka 18:14

N bi a fɔla wo ye, duti-makelelɛ kɛ, a latelennɛ sɛgira a warɛ Alla yala, Farisi wo ma de, ado min ba a nyɛrɛ kɔrɔbi, wo la si yigi. Min ba a nyɛrɛ famayigi, wo la si yɛlɛ.”

Yɔni 2:25

Mɔgɔ ti mɔgɔla ko rakaran Yisa ye bawo a ya mɔgɛ bɛɛ sɔndɔmɛ lɔn bɛrɛkɛ!

Tɔn-Fɔɛ-Fila-Nyɔgɛ 1:3

Mansa filɛ min bi Amora mɔgɛnu kun na nun, mansa kelan wo tɔgɛ le Saihɔn. Wo siginɛ soe do rɔ min tɔgɛ Hɛsibɔn. Doi min tɔgɛ Ɔku, wo le ye Basan nyamanɛ kun na. A siginɛ soe do rɔ min tɔgɛ Asitɔra. Isirɛla mɔgɛnu ya Mansa Ɔku faga Ɛdiriya soe burɔ. Anu ya Mansa Saihɔn fanan faga wulɔn. Wo kɔma, Isirɛla mɔgɛnu tara anu sigi Mohabu nyamanɛ rɔ Yorodan bɛ dafɛ tele-bɔɛ wara la. Anu bɔɛ Iyipiti san bi-nani, karɛ tan-ni-kelan, a tele fɔlɔtɛ ma, Musa ya Marita kumɛ faranfasi anu ye nyɔ.

Tɔn-Fɔɛ-Fila-Nyɔgɛ 13:3

wo kana wo tole masɔ a la. Ko-sufa wonu si ma wo kɔrɔbɔ-koe le la wota Mari Alla bolo ka a lɔn ni wo ya ale Alla keni wo yisi bɛɛ la.

Tɔn-Fɔɛ-Fila-Nyɔgɛ 2:7

“Wo ni wo miri wo ara koe min bɛɛsi ma ko wota Mari Allata duwɛ tora wo kuma wonu tɔ. A ya wo fɛ-bira ka wo kandan wo tumɛ wo ye wula-da-rakolɔn rɔ. San bi-nanɛ kɛ mumɛ bɛɛsi kɔrɔ, wo ye nyinina min bɛɛsi ma, a ya wonu di wo ma.

Tɔn-Fɔɛ-Fila-Nyɔgɛ 29:5

San bi-nani kɔrɔ, Mari ye wo yarɔ wula-da-rakolɔn rɔ, wola kurɛnu ta ma fara anubɛ wola sanbarɛnu.

Tɔn-Fɔɛ-Fila-Nyɔgɛ 32:7

“Wo ni wo miri ko-tenbini-kɔrɛnu ma. Wo ni wo fanu manyinika min mara wo wati rɔ. Wo ni kɛmɔgɛnu manyinika. Anu ni fɔlɔfɔlɔ-koenu takaran wo ye.

Tɔn-Fɔɛ-Fila-Nyɔgɛ 8:16

Wo ye wula-da-rakolɔn tumɛ min, a ya ata biredi di wo ma nyɔ, hali wo benbanu ma min dɔn fɔlɔ nun. Mari ya gbɛlɛyɛ lana wo kuma ka wo kɔrɔbɔ. Wo dama wa tenbi wo kuma tumɛ min, a si ata duwɛ layigi wo kuma worɔ ka wo makoenu nyinya.

Yemesi 1:3

Wo ni a lɔn ko anu ba wo kɔrɔbɔ wola dɛnkɛninyɛla ko la tumɛ min, wo si a ma, wo ni wo munyu.

Yemesi 4:10

Wo ni wo famayigi Alla ye. Ni min ya wo ma, a si wo mɔgɛ layɛlɛ.

Yemesi 4:6

Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.

Kɛlɛ-Kurugbɛnu 2:22

Mari ko tun, “N si anuna kuma-birɛ mafɛlɛn sibolo-gbɛrɛnu fɛ ni wole Isirɛla mɔgɛnu bi n fɛ iko wo benbanu bi n fɛ nya min nun.”

Kɛlɛ-Kurugbɛnu 3:4

Mari ya a ma, sibolo-gbɛrɛ kɛnu denu si ma Isirɛla mɔgɛnu kɔrɔbɔlɛnu na ka a lɔn ni anu si ata kumɛ bira le iko Musa ya a latenbi anu benbanu ma nya min.