Tɔn-Fɔɛ-Fila-Nyɔgɛ 4:3 - ALLALA KUMƐ

³ “Wo tumɛ ma ye Piyɔri kɔnkɛ fɛ, wo nyɛrɛ-nyɛrɛ ya a yen Mari ya min ma wo wati rɔ. Minnu ya Beyali bɛsɛ kɔ, Mari ya wonu faga nya min, wo ya a yen wo nyɛrɛ yɛ la serr!

Tɔn-Fɔɛ-Fila-Nyɔgɛ 4:3 Iomraidhean Croise

Isikiyɛli 20:18

Woletɔ n ya fonikenu makawandi anu tɔ ko anu kana anu benbanuna namunyɛnu bi. N ko anu kana anu nyɛrɛ latinya anuna bɛsi-kɔ-koe la.

Hoseya 9:10

Mari ara a fɔ ko a bɛn fɔlɛ wole, Isirɛla mɔgɛnu na, wo manɛ iko kɔlɔma min gbɔnɛ kan-tina-ragbalanɛ rɔ. A ko, “Wo benbanu yen fɔlɛ nde, Mari bolo, anu diya donnɛ n tɔ nun iko toro-kuri gbɔ fɔlɔtɛ. Wo benbanu ke Piyɔri kɔnkɛ ma, anu donta Beyali kɔ-koe rɔ nyɔ. A ma mɛ lefan, anu gboyara nde, Mari ye iko bɛsɛ wonu gboyanɛ n ye nya min.

Yilan-Yilan Koe 26:64

Ka dabira Musa anubɛ Aruna ya mɔgɛnu dan tumɛ min ka a sigi ha Ɛliyasa anubɛ Musa ya mɔgɛ dan tumɛ min, mɔgɔ-wo-mɔgɔ ma to a niyi la fɔ mɔgɔ fila pe.

Yilan-Yilan Koe 31:16

Wo ya a lɔn serr, ko musi kɛnu denu bilara Nɛbi Belam kuman-kan fɛ alako mɔgɛnu ni Beyali kɔ Piyɔri kɔnkɛ kuma.

Tɔn-Fɔɛ-Fila-Nyɔgɛ 11:7

Tonyɛ le, wole ara kabana-koe kɛ damasi yen wo yɛ la.”

Tɔn-Fɔɛ-Fila-Nyɔgɛ 4:4

Kɔnɔ mɔgɛ minnu ya anu telen wota Mari Alla ye wo wati rɔ, ha kaka wonu kɛndɛ.

Yasowa 22:17

Wo ara hakɛ min kɛ kɛ, wo mani de iko ma ya hakɛ min kɛ Piyɔri soe burɔ tumɛ min, Mari ya ma tɔrɔya kiraya-fitinɛ la. Ha bi, ma ye tɔrɔla wo sufa hakɛla ko la. Ha kaka, wo ye a fɛ ka hakɛ wo sufa kɛ tun, ba?