Tɔn-Fɔɛ-Fila-Nyɔgɛ 4:1 - ALLALA KUMƐ

¹ Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 4:1 Iomraidhean Croise

Yaburi 105:45

A ya wo ma le alako ala mɔgɛnu ni ala tɔnnu bira ka ala sereya bɛɛ to a gbɛ rɔ. Mari ni tanto!

Yaburi 119:4

Mari, i nyɛrɛ le ya ila tɔnnu di ma ma, ado i ya a fɔ ma ye le ko ma ni anu bira lanayɛ la gben!

Bɔ-Koe-Iyipiti 18:20

I ni mɔgɛ kɛnu karan Allata kumɛnu anubɛ ata tɔnnu na. A bɛnta, anu ni kilɛ min tagama anubɛ ka koe minnu kɛ, i ni wonu yira anu na.

Yɛrɛmaya 11:6

Mari ya a fɔ n ye ko n ni wɔlɔyiya-kumɛ kɛ fɔ Yerusalɛm soe burɔ anubɛ Yuda nyamanɛ bɛɛ rɔ. A ko anu ni anu tole masɔ sarama-kan-kumɛ kɛnu na ka anu bira anu bolo filɛ la gben!

Isikiyɛli 11:20

Wo kɔma, anu si anu telen ka nna tɔnnu bira. Anu si ma nta mɔgɛnu na. Nde fanan si ma anuta Alla la.

Isikiyɛli 20:11

N ya nna sereyanu fɔ anu ye ka anu karan nna tɔnnu ma, ado ni min ya wonu bira, wo si siyimayɛ sɔrɔn.

Isikiyɛli 20:21

“Kɔnɔ fonike wonu fanan sɛgira n bɔrɔbɔla tun. Anu ya nna tɔn anubɛ sereyanu tinya feu, ado ni min ya tɔn wonu bira, wo si siyimayɛ sɔrɔn. Wonu fanan ya nna Sulen-Tele wo bɔrɔbɔ. Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ.

Isikiyɛli 36:27

N si nta sɛnbɛ di anu ma min si a ma, anu ni nta tɔn bira a kilɛ fɛ, n ya minnu di anu ma nun, kɔni.

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Saraka-Masɔlɛnuta Tɔnnu 18:5

Wo ni nta tɔnnu bira ka a ma iko n ya a fɔ wo ye nya min. Ni wo ya wo ma, wo si kisi. Nde le wota Mari la min bi kɛ fɔla wo ye.”

Saraka-Masɔlɛnuta Tɔnnu 19:19

“Wo ni nta tɔnnu bira. Wo kana kolo-fen subolo filɛ lamara kan tinɛ kelen. Anu kana anu nyɔgɔn yɛlɛ. Wo kana fen subolo filɛ ki sɛnɛ kelan rɔ. Wo kana kurɛ don wo kan na min nadannɛ yesekari subolo fila la.

Saraka-Masɔlɛnuta Tɔnnu 19:37

wo ni n kuman-kan anubɛ nna tɔnnu bira gben, bawo wo tigi le nde la.”

Saraka-Masɔlɛnuta Tɔnnu 20:8

A ko wo ni ata tɔnnu bira bawo ale le wota Mari Alla la min si wo sɛninya.

Saraka-Masɔlɛnuta Tɔnnu 22:31

“Mari ko wo ni ata tɔnnu bira bawo ale le wota Mari Alla la.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Luka 1:6

Anu filɛ bɛɛ telennɛ Alla yala. Anu ya Marita tɔn anubɛ sereya bɛɛ bira a kila-bɛrɛbɛrɛ fɛ.

Yɔni 15:14

Ni wo ya nna kumɛ bira, n diyana-mɔgɛnu de wole la.

Romu 10:5

Nɛbi Musa ya kɛ le sɛbɛ ka a bɛn telen-koe ma Alla yala tɔn-birɛ fɛ. A ko, “Ni min bi a fɛ ka to a niyi la, fɔ a ni tɔn-kitabu bɛɛ bira minnu sɛbɛnɛ Allala kitabu rɔ.”

Tɔn-Fɔɛ-Fila-Nyɔgɛ 1:3

Mansa filɛ min bi Amora mɔgɛnu kun na nun, mansa kelan wo tɔgɛ le Saihɔn. Wo siginɛ soe do rɔ min tɔgɛ Hɛsibɔn. Doi min tɔgɛ Ɔku, wo le ye Basan nyamanɛ kun na. A siginɛ soe do rɔ min tɔgɛ Asitɔra. Isirɛla mɔgɛnu ya Mansa Ɔku faga Ɛdiriya soe burɔ. Anu ya Mansa Saihɔn fanan faga wulɔn. Wo kɔma, Isirɛla mɔgɛnu tara anu sigi Mohabu nyamanɛ rɔ Yorodan bɛ dafɛ tele-bɔɛ wara la. Anu bɔɛ Iyipiti san bi-nani, karɛ tan-ni-kelan, a tele fɔlɔtɛ ma, Musa ya Marita kumɛ faranfasi anu ye nyɔ.

Tɔn-Fɔɛ-Fila-Nyɔgɛ 1:8

A ko, ‘Nde, Mari ara nyamanɛ wo mumɛ di wo ma. N ya lanyiri kiri Iburayima fɔlɔn ye nun anubɛ ala dan Isiyaka anubɛ Isiyakata dan Yakoba ye ha ka ta a sigi anu kegeyɛnu na. Wo ta nyamanɛ wo mumɛ bi ka wo sigi nyɔ.’ ”

Tɔn-Fɔɛ-Fila-Nyɔgɛ 11:1

Musa ya a fɔ tun ko, “Wo ni wota Mari Alla keni ka ata tɔn bɛɛ bira tuma-wo-tuma.

Tɔn-Fɔɛ-Fila-Nyɔgɛ 11:32

wo ni a ma wo fɛrɛma tɔn kɛnuna ko la n bara min di wo ma kɛ la bi.”

Tɔn-Fɔɛ-Fila-Nyɔgɛ 13:1

“Tumado wɔlɔyi do ya wo taran, ni wo ma, kiyo-kɔrɔ-takarannɛ. Hali a ya a fɔ ko kabana-koenu si kɛ,

Tɔn-Fɔɛ-Fila-Nyɔgɛ 16:20

Wo ni to ko-latelennɛ kɛla ka to latelan rɔ. Wo si a ma, wo si simayɛ sɔrɔn lanyiri-nyamanɛ wo rɔ Mari Alla ye nala min dila wo ma.”

Tɔn-Fɔɛ-Fila-Nyɔgɛ 30:16

N bara tɔn min di wo ma kɛ la bi, ni wo ya wota Mari Allala kuman-kan bira ka a latɔnbagaya ka Alla keni, wo ye wɔlɛ min bɛɛ kɛla worɔ, wonu si sabati wo bolo. Wo bɔnsɔnnu si siyaya. Wo ye tala sigila nyamanɛ min tɔ, wota Mari Alla si ata duwɛ layigi wo kuma nyɔ.

Tɔn-Fɔɛ-Fila-Nyɔgɛ 30:19

Kaka, nde nyɛrɛ fanan bi fɛrɛ dila wo ma ka wota bi duwɛ anubɛ dankɛ tɛma, simayɛ anubɛ fagalɛ tɛma. San-kole anubɛ dugu-kole si ma sereyɛ la wota bi-koe kɛ rɔ. Nde, Musa ko wo ni simayɛ bi.

Tɔn-Fɔɛ-Fila-Nyɔgɛ 30:20

Wo ni wota Mari Alla keni wo sɔndɔmɛ bɛɛ la ka ma telenbagɛnu na Alla ye ka ata kumɛnu bira. Wo le si a ma, Mari ya nyamanɛ min lanyiri kiri wo benbanu ye, Iburayima anubɛ Isiyaka anubɛ Yakoba, kɔni, wobɛ wo kegeyɛnu si simayɛ sɔrɔn ka mɛ sigini nyɔ rɔ.”

Tɔn-Fɔɛ-Fila-Nyɔgɛ 4:40

N bi tɔn minnu dila wo ma bi, wo ni wonu bira a kila-bɛrɛbɛrɛ fɛ. Ni wo ya wo ma, ka a bi wole ma ka a sigi wo kegeyɛnu na, koe bɛɛ si bɛn wole ma. Wota Mari Alla ye nala nyamanɛ min natenbila wo ma kɛ la, wo si simayɛ sɔrɔn wo rɔ. A si to wo bolo habadan!”

Tɔn-Fɔɛ-Fila-Nyɔgɛ 4:45

anu bɔɛ Iyipiti nyamanɛ rɔ. A ye a karanna anu ye tumɛ min, wo ya a taran, anu bi Yorodan bɛ dafɛ Bɛti-Piyɔri soe da kɔrɔ. Dugi kan tinɛ wo ye Amora Mansa Saihɔn le bolo nun. Wo siginɛ Hɛsibɔn soe burɔ nun.

Tɔn-Fɔɛ-Fila-Nyɔgɛ 4:8

Hali sibolo-gbɛrɛkɛ-mɔgɛnu siyayara ka tenbi ma la kɔnɔ tɔn sa anu bolo minnu natelennɛ iko n bara wo karan min na kɛ la bi.

Tɔn-Fɔɛ-Fila-Nyɔgɛ 5:1

Musa ya Isirɛla mɔgɛnu nadɛn anu nyɔgɔn fɛ ka a fɔ anu ye ko, “Wole Isirɛla mɔgɛnu, n bi nala tɔn minnu karanna wo ye bi, wo ni wo tole masɔ wonu na. Wo si anu karan a kila-bɛrɛbɛrɛ fɛ. Wo ni la anu na serr, ka anu bira gben!

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”

Tɔn-Fɔɛ-Fila-Nyɔgɛ 6:1

Musa ya a fɔ Isirɛla mɔgɛnu ye tun ko, “Mata Mari Alla ya tɔn kɛnu don n bolo ka wo karan anu na. Wo ye nala wo sigila wola nyamanɛ min tɔ kaka, wo wa ke nyɔ rɔ, wo si tɔn kɛnu bira.

Tɔn-Fɔɛ-Fila-Nyɔgɛ 6:24

Mata Mari Alla ya a fɔ ma ye ko ma ni tɔn kɛnu bira ka ale Mari gbiliya. Ni ma ya wo ma, a si ma kandan ka ma makoenu nyinya iko a ye wo mala nya min kaka.

Tɔn-Fɔɛ-Fila-Nyɔgɛ 7:11

Woletɔ n bara wo karan tɔn min na kɛ la bi, wo ni anu bira wo bolo filɛ la.

Tɔn-Fɔɛ-Fila-Nyɔgɛ 8:1

“N bara Marita tɔn kɛ minnu di wo ma kɛ la bi, wo ni anu bara-koe ma wo fɛrɛma. Ni wo ya wo ma, wo si taran wo diya ka siyaya. Wo si mɛ sigini lanyiri-nyamanɛ wo rɔ.

Tɔn-Fɔɛ-Fila-Nyɔgɛ 8:11

“Wo ni a ma wo fɛrɛma de! Wo kana nyina wota Mari Alla ko. N bara ata tɔn minnu takaran wo ye kɛ la bi, wo kana anu boloka.

Tɔn-Fɔɛ-Fila-Nyɔgɛ 9:1

Musa ya a fɔ Isirɛla mɔgɛnu ye ko, “Wo ni wo tole masɔ! A ara to doni, wo ni Yorodan bɛ kɛ tɛgɛ ka ta wo sigi mɔgɔ-ragbɛlɛmɛnuna nyamanɛ rɔ, ado anu siya wo ko kati! Anuna soenu kolo dɔgɔma-ma-de! Anuna tarɛnu yan pon!

Yasowa 3:9

Yasowa ya a fɔ mɔgɛnu ye ko, “Wo na yan. Mata Mari ya min fɔ n ye, n si wo fɔ wo ye.