Tɔn-Fɔɛ-Fila-Nyɔgɛ 3:2 - ALLALA KUMƐ

² Mari ya a fɔ nde, Musa ye ko ma kana kilan anu na. A ko a si mansɛ wo don ma bolo ka ala nyamanɛ di ma ma anubɛ ala kɛlɛ-dannu tɛrr! A ko Amora Mansɛ Saihɔn min siginɛ Hɛsibɔn soe burɔ nun, ma ni a ma ale mansɛ la iko ma ya a ma wo la nya min.

Tɔn-Fɔɛ-Fila-Nyɔgɛ 3:2 Iomraidhean Croise

2 Ko-Kɔrɔta-Karan 20:17

Wole ti anu kɛlɛ. Wo ta wo sɔ-bole rabɛn ka anu makɔni. Wo si a yen, Mari ye nɔlɛ dila wo ma nya min. Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo kana kilan ka sika. Wo ta kɛlɛ-kɛ-tinɛ. Mari si taran wo fɛ!”

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 43:5

Ma kana kilan bawo a ye ma fɛ. A ko a si na mala mɔgɛnu na ka bɔ tele-bɔɛ anubɛ tele-yigi pon!

Yilan-Yilan Koe 14:9

Wo kana murutiya Mari ma. Wo kana kilan nyɔ-mɔgɛnu na. Ma si mɔgɛ wonu nɔ le yɛlefɛ! Mari ye ma fɛ. Anu lanɛ anuna bɛsɛ minnu na ko wonu si anu kandan. Fanka ye mata Mari la ka tenbi wonu na. Wo kana kilan hali doni bɛrɛni!”

Yilan-Yilan Koe 21:34

Kɔnɔ Mari ya a fɔ Musa ye ko, “Wo kana kilan anu na. N bara ban fanka dila wo ma mɔgɛ kɛnu kuma. Wo ni a ma Mansa Ɔku la iko wo ya a ma Mansa Saihɔn la nya min.”

Kɛwɔlɛnu 18:9

Suyi do rɔ, Pɔli ya ko-rayirɛ do yen. Mari ya a fɔ a ye wo rɔ ko, “I kana kilan. Mɔgɔ-wo-mɔgɔ ti ke i madumala bawo n bi i fɛ. I ni to kawandili bɔla. I kana bandan bawo ntɛ le mɔgɔ siyaman na soe kɛ burɔ.”

Kɛwɔlɛnu 27:24

Wo ya a fɔ n ye ko, ‘Pɔli, i kana kilan. A fɛrɛ sa fɔ i ni i sɔ Romu nyamanɛ kun-tigi-ba yakɔrɔ. I ta-nyɔgɛ bɛɛ min bi kulɔn kɛ rɔ, Alla ara anu bɛɛ niyi latanka ala nyimayɛ rɔ.’

Tɔn-Fɔɛ-Fila-Nyɔgɛ 20:3

‘Wole Isirɛla mɔgɛnu, wo ni wo tole masɔ n kuman-kan la. Wo ni wo yisi gbɛlɛya. Wo kana kilan wo yogenu na ka wo buri anu kɔrɔ.

Tɔn-Fɔɛ-Fila-Nyɔgɛ 3:1

Musa ya a fɔ tun ko, “Wo kɔma, ma tara Basan nyamanɛ rɔ kantɔ-wara la. Ma ya a taran, Mansa Ɔku anubɛ ala kɛlɛ-dannu bara kilɛ tɛgɛ ma ma ma kɛlɛ-koe la Ɛdiriya soe dafɛ.

Tɔn-Fɔɛ-Fila-Nyɔgɛ 3:11

(Mansa Ɔku kelen pe le tonɛ a niyi la nun Rɛfɛnnu tɔ. Kɔnɔ tɔ-a-la, anu ya a faga. A ya ala nɛgɛ-sofa min nadan, wola yanyɛ, nunkan-nya kɔnɔntɔ. A kɔnɛ, nunkan-nya nani. Ha kaka, ala nɛgɛ-sofa ye Raba soe burɔ Amonnuna nyamanɛ rɔ.)

Tɔn-Fɔɛ-Fila-Nyɔgɛ 3:3

“Ma Mari ya a ma, ma ya nɔ-ko sɔrɔn Mansa Ɔku anubɛ ala kɛlɛ-dannu ma ka anu bɛɛsi faga.

Yasowa 10:8

Mari ya a fɔ Yasowa ye ko, “I kana kilan bawo n bara mɔgɛ wonu don wo bolo. Hali mɔgɔ kelen ti sɔ wo yarɔ ka wo nɔ.”

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.