Tɔn-Fɔɛ-Fila-Nyɔgɛ 13:2 - ALLALA KUMƐ

² alako wo ni bɛsɛ donu kɔ, wo ma duru minnu kɔla nun, wo mɔgɔ-su ye wo kɔndɔfili-koe le tɔ. Hali a si ke le ka kabana-koenu nadan iko a ya a fɔ nya min,

Tɔn-Fɔɛ-Fila-Nyɔgɛ 13:2 Iomraidhean Croise

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Yɛrɛmaya 28:9

Kɔnɔ ni nɛbi nara yisi-kimɛ wara-koe fɔ-tinɛ, ala wɔlɔyiya-kumɛnu ba bɔ-a-la tumɛ min, mɔgɛ si nɛbi wo lɔn Marita nɛbi-bɛrɛ la wo rɔ.”

Tɔn-Fɔɛ-Fila-Nyɔgɛ 18:22

Ni nɛbi kɛ ye kumala Alla tɔgɛ le tɔ kɔnɔ a kuman-kan sa bɔla-a-la, wo si a lɔn worɔ ko kumɛ wo ma bɔ Alla bolo. Nɛbi wo ya a sakorɔ-kumɛ le fɔ. Wo kana kilan mɔgɔ-sufa wonu na.”

Tɔn-Fɔɛ-Fila-Nyɔgɛ 13:6

“Ni a sɔgɛ ya mɔgɛ do bira ka mɔgɛ do sagan kɛwuyɛ la bɛsi-kɔ-koe rɔ, hali wobɛ wo benbanu ma minnu kɔ tele-kelen-bɛrɛni, wo kana kinikini wo mɔgɔ-su ma. Hali a mara i na-kelen-nyɔgɛ le la wo, i halala-dan la wo, i diyana-musi la wo, i diyana-mɔgɔ-bɛrɛ la wo, wo kana mɔgɛ wo madɛnbɛ.

1 Mansɛnu 13:3

Wo kɔma, Allata mɔgɛ wo ya a fɔ ko, “Alla si mantili yira wo la. Saraka mintan tinɛ kɛ ra si fara. Saraka-gbangban wo la ni dɛn dugi ma. Wo wa ma tumɛ min, wo si a lɔn worɔ ko Mari nyɛrɛ-nyɛrɛ ya kɛ fɔ n ye.”

Tɔn-Fɔɛ-Fila-Nyɔgɛ 13:13

wo na-kelen-nyɔgɔ-kuntan do ara mɔgɛnu kɔndɔfili soe do rɔ ka anu nabɔ Allata kilɛ fɛ,

Bɔ-Koe-Iyipiti 7:22

Ale mansɛla kofo-dannu fanan ya a ma wo nya anuta kofo-denyɛ rɔ. Hali wo, mansɛ yisi gbɛlɛyara ka tenbi a fila nyɔgɛ la. A ma sɔn Musa anubɛ Arunata kumɛ birala. Iko Mari ya a fɔ nya min, Mari kuman-kan bɔra-a-la.

Tɔn-Fɔɛ-Fila-Nyɔgɛ 18:20

Ni foninya-nɛbi min kumara Mari Alla tɔgɛ rɔ, a ma min sɔ wo wara, wo tigi si faga. Ni nɛbi min ya bɛsɛ dola koe fɔ wo ye, wo tigi fanan si faga.

Yɛrɛmaya 23:32

Mari ko wo ni wo tole masɔ a la. Nɛbi minnu bi kiyo-rakaran la, wonu burɛ lafanɛ foninyɛ le la. Mari ko a ye wonu kɛlɛla le. Anu bi kiyo-rakaran la alako ka wole, ata mɔgɛnu kunyɛ bɔ ale, Marita kilɛ ma. Fenfen ma wo la fɔ nyɛrɛ-matɔgɛ anubɛ foninyɛ. A ko ale ma anu sɔ mumɛ! A ko anu tɔnɔ-wo-tɔnɔ sa wole, Marita mɔgɛnu ma hali! Ale Mari kan le kɛ la.

Bɔ-Koe-Iyipiti 22:19

“Ni min ya a sa kolo-fan, ni wo ma, soge do fɛ, wo ni wo tigi faga yati!

Yɛrɛmaya 27:9

N ya a fɔ kilayɛ wonu ye ko anu ni n kan natenbi ko anuna mansɛnu kana anu tole sigi foninya-nɛbinu anubɛ bolo-tafɛlɛnnɛnu kan kɔrɔ minnu bi a fɔla ko anu ni anu ban Babilɔn mansɛ la. Ni kiyo-rakarannɛnu kumara anu ye yarɔ-koenu fɔ-tinɛ, ni wo ma, ka yarɔ-koenu fɔ iko furinu denu ya a fɔ anu ye, ni wo ma, ka yarɔ-kumɛnu fɔ kofo-denyɛ rɔ, anu kana anu tole masɔ wo do-wo-do la.

Sakaraya 10:2

Mɔgɛnu si ta bɛsɛnu anubɛ bolo-tafɛlɛnnɛnu bara kɔnɔ anu sa fenfen namɔɛnna nyɔ fɔ kun-takolonya-kumɛ anubɛ foninyɛ. Kiyo-kɔrɔ-takarannɛ le donu na kɔnɔ anu sa fenfen kun na fɔ ka namɛ ladu wo ye. Anu bi wo yisi-kima-koe min fɔla, wo bɛɛ fu! Woletɔ mɔgɛ bɛɛ ye yilan-yilanna iko sagɛ min bara to-a-rɔ. Anu bi nanparan rɔ bawo anu fɛ-birala sa anu bolo mumɛ!