Tɔn-Fɔɛ-Fila-Nyɔgɛ 1:3 - ALLALA KUMƐ

^3-5 Mansa filɛ min bi Amora mɔgɛnu kun na nun, mansa kelan wo tɔgɛ le Saihɔn. Wo siginɛ soe do rɔ min tɔgɛ Hɛsibɔn. Doi min tɔgɛ Ɔku, wo le ye Basan nyamanɛ kun na. A siginɛ soe do rɔ min tɔgɛ Asitɔra. Isirɛla mɔgɛnu ya Mansa Ɔku faga Ɛdiriya soe burɔ. Anu ya Mansa Saihɔn fanan faga wulɔn. Wo kɔma, Isirɛla mɔgɛnu tara anu sigi Mohabu nyamanɛ rɔ Yorodan bɛ dafɛ tele-bɔɛ wara la. Anu bɔɛ Iyipiti san bi-nani, karɛ tan-ni-kelan, a tele fɔlɔtɛ ma, Musa ya Marita kumɛ faranfasi anu ye nyɔ.

Tɔn-Fɔɛ-Fila-Nyɔgɛ 1:3 Iomraidhean Croise

Saraka-Masɔlɛnuta Tɔnnu 27:34

Tɔn kɛnu anubɛ sereya dira Musa ma Sinayi kɔnkɛ kuma Isirɛla mɔgɛnuna ko la.

Yilan-Yilan Koe 1:1

Isirɛla mɔgɛnu bɔɛ Iyipiti nyamanɛ rɔ, wo san fila nyɔgɛ, karɛ filɛ, a tele fɔlɛ ma, Mari kumara Musa ye Sinayi wulɛ rɔ Marita Fani-Bɔn burɔ.

Yilan-Yilan Koe 20:1

Isirɛla mɔgɛnu bɔɛ Iyipiti san bi-sawa ani san kɔnɔntɔ (39) tenbira min kɛ, a san bi-nani nyɔgɛ (40) karɛ fɔlɛ ma, anu kera Sini wulɛ rɔ. Anu ya anu daga makɛ kan tinɛ do rɔ min tɔgɔ Kɛdɛsi. Musa tirisan-musi Miriyam fagara nyɔ le. Anu ya a togon.

Yilan-Yilan Koe 33:38

Saraka-Masɔla Aruna yɛlɛta Hɔ kɔnkɛ kuma iko Mari ya a fɔ a ye nya min. Anu bɔɛ Iyipiti san bi-nani nyɔgɛ, karɛ loli, tele fɔlɛ ma, a fagara nyɔ.

Yasowa 4:19

Kabana-koe kɛ bɛɛ mara anuta karɛ fɔlɛ, a tele tan ma. Karɛ wo tele tan nyɛrɛ ma, Isirɛla mɔgɛ bɛɛ ya Yorodan bɛ tɛgɛ. Anu ya anu daga makɛ kan min, anu ya wo tɔgɔ sa Kiligali, tele-yigi wara la Yɛrikɔ dafɛ.