Daniyɛli 9:9 - ALLALA KUMƐ

⁹ Hali ma murutiyanɛ i ma, i wara kinikini ma ma ka ma makoto.

Daniyɛli 9:9 Iomraidhean Croise

2 Samuwɛli 24:14

Mansa Dawuda ko, “Kɔndɔfili-bɛrɛbɛrɛ le kɛ la n bolo. A ma di n ye n hadama-den-nyɔgɛ ni n tɔrɔ. Yanni wo ni ma, ale Mari nyɛrɛ ni n tɔrɔ bawo kinikinɛ ye ale rɔ.”

1 Mansɛnu 8:30

Isirɛla mɔgɛnu fanan ba anu ya-lamunun bɔn kɛ la tumɛ min, i yandi, i ni i wɔlɔ matɔlɔ anuta matarali-kɛ-kan la. I ni ma kan lamɔɛn i warɛ san-kole rɔ ka ma makoto ma hakɛ la.

Nihɛmaya 9:31

Kɔnɔ hali wo, bawo ita kinikinɛ da rakolo, i ma anu boloka. I ma anu nato. E, Alla, ila nyimayɛ anubɛ kinikinɛ da rakolo.”

Yaburi 130:4

Kɔnɔ i ye ma makotola alako ma kawanɛ ni to i ma.

Yaburi 130:7

Isirɛla mɔgɛnu, wo ni la Mari la gben! Bawo ala keninteyɛ ti wo baya, ado tumɛ bɛɛ, a rabɛnnɛ wo kisi-koe la.

Yaburi 62:12

ko ale letan ye keninteya-dannatɛgɛbɛlɛ la. E, n tigi, ile si bɛɛ sara iko bɛɛta kɛ-nya ye nya min.

Yaburi 86:15

Kɔnɔ ile n tigi, ila keninteyɛ kolo, ado i kinikinite. I munyara, i nyimayanɛ, ado i lanaya-tigi.

Yaburi 86:5

E, n tigi, i nyimayanɛ ma ye, ado i ye ma makotola. Minnu bi i madiyala, ila hinɛ ye wonuna ko la.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Aiseya 63:7

A di n ye, n ni Marita keninteya-dan-natɛgɛbɛlɛ wara-koe fɔ. N si a tanto ka a tɛgɛ a ara min bɛɛ kɛ ma ye. A ara fen-nyima-siyaman di ma ma. A ara Isirɛla mɔgɛnu bira a kin na! Mari ara ata kinikinɛ yira ma la. A nyimayanɛ ma ma dɔgɔma-ma-de!

Yɛrɛmaya 14:7

Mari, ma ara a lɔn ko ma hakɛ le ye ma tɔrɔ-tinɛ. Ma dɛnbɛ alako i kana tɔgɔ-tinya sɔrɔn. Ma ara i magboya-siyaman kɛ ka bila ile nyɛrɛ la yati!

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Daniyɛli 9:5

“Kɔnɔ male ara hakɛ kɛ ka ko-yogomɛ anubɛ karagbɛlɛyɛ ladan. I ya min fɔ ma ye, ma ara ma ban wonu na. I ya ko-telennɛ-kilɛ min yira ma la, ma ara ma kan-kɔ sɔ wo la ka bila ma nyɛrɛta kilɛ fɛ.

Daniyɛli 9:6

Mala mansɛnu wo, mala mɔgɔ-banu wo, ma benbanu wo, anubɛ mala nyamanita-mɔgɛ bɛɛ, i ya nɛbinu sɔ ka ila kumɛ fɔ ma ye kɔnɔ ma ma ma tole masɔ wo fenfen na.

Daniyɛli 9:7

Ile n Tigi, i ya ko-wo-ko ma, wo telennɛ kɔnɔ male waralɛ, ma ara koe min bɛɛsi ma, fenfen sa wo kɔma fɔ miliya-koe gbansan! A mara Yuda nyamanita-mɔgɔ la wo, a mara Yerusalɛm so-burɔ-mɔgɔ la wo, a Isirɛla mɔgɔ to wo, kɛlɛ tara minnu na wo, kɛlɛ ma ta minnu na wo, ma damasi ye kɛ yilikiyi kɔrɔ.

Daniyɛli 9:8

E, Mari, mala mansɛnu wo, mala mɔgɔ-banu wo, anubɛ ma benbanu, anu damasi ara hakɛ kɛ ile Mari la ka miliya-koenu ma.

Yona 4:2

A ya a fɔ Mari ye ko, “Yanni n ni bɔ n barɛ, n ya a lɔn ko i ye anu makotola le, woletɔ n ya n buri. N ko n ni ta Sipeni. N ya a lɔn nun ko mɔgɛnu di i ye kosɛbɛ, i kinikinite. I si i munyu mɔgɛnu kɔrɔ, i kɛ-nya kin. Hali i si mɔgɛ minnu halaki kɔnɔ i latiri i fonde yɛlɛmana ka kinikini anu ma.