Daniyɛli 9:6 - ALLALA KUMƐ

⁶ Mala mansɛnu wo, mala mɔgɔ-banu wo, ma benbanu wo, anubɛ mala nyamanita-mɔgɛ bɛɛ, i ya nɛbinu sɔ ka ila kumɛ fɔ ma ye kɔnɔ ma ma ma tole masɔ wo fenfen na.

Daniyɛli 9:6 Iomraidhean Croise

2 Mansɛnu 18:12

Samariya soe kasarata bawo Isirɛla mɔgɛnu ya hakɛ kɛ anuta Mari Alla la. Min sanɛ wo kuma, anubɛ Mari sarata min ma, anu ya wo tinya. Marita wɔli-kɛla Musa nyɛrɛ ya tɔn min bɛɛsi di anu ma, anu ya wonu tinya. Anu ma anu tole masɔ ka tɔn wonu bira.

2 Ko-Kɔrɔta-Karan 33:10

Mari ara mansɛ anubɛ ala mɔgɛnu makawandi nun kɔnɔ hali wo, anu ma anu tole masɔ a la.

Ɛsira 9:7

Ka a bi ma benbanuta wati ma ha kaka, male, ita mɔgɛnu, ma hakɛ dan na ara tenbi. Ka a tɛgɛ ma hakɛnuna ko ma, mabɛ mala mansɛnu anubɛ mala saraka-masɔlɛnu kunyɛ ara don sibolo-gbɛrɛnu bolo. Anu bara ma mafaga ka ta mabɛ ma bolo-fannu na biralɛ rɔ pon! Anu bara ma layarabi kosɛbɛ, ado ha bi, ma ye yarabi kelan wo le kɔrɔ.

Nihɛmaya 9:30

San-bo-san, i ye i munyuna anu kɔrɔ ka to anu makawandila tolon! I tora kumɛ donna ila nɛbinu da rɔ ka wo latenbi anu ma kɔnɔ mɔgɛnu tole gberenɛ gben! Woletɔ i ya a ma, sibolo-gbɛrɛnu ya anu nɔ tun.

Nihɛmaya 9:32

“E, mata Alla, i makawara. I makilannɛ ita sɛnbɛ la. Sarama-kan min kirinɛ ma tɛma, ile ara itɛ latɔnbagaya. Kebi Asiriya mansɛnu ya ma tɔrɛ min dabira, ha bi, ma ye tɔrɔya kelen wo le kun na. Mala mansa wo, mala kun-tigi wo, mala saraka-masɔla wo, mala nɛbi wo, ma benbanu wo, anubɛ mala mɔgɛ toenu wo, ma dama ye tɔrɔyɛ wo rɔ. I yandi, i miri mala tɔrɔyɛ yirika ma.

Nihɛmaya 9:34

Ma benbanu wo, mala mansa wo, mala kun-tigi wo, mala saraka-masɔla wo, ma fenfen ma ila tɔnnu bira. Anu ma anu tole sigi ila makawandili-kumɛnu kɔrɔ.

Yɛrɛmaya 26:5

A ko a tora nɛbi minnu nanala wo ma, ala wɔli-kɛlɛnu, kɔni, wo ni wo tole masɔ wonuna nɛbiya-kumɛnu na a kin na kɔnɔ wo sa sɔnna wo tole masɔla.

Yɛrɛmaya 29:19

Mari ko wo ye mala le bawo Yerusalɛm kɛnu ma anu tole masɔ a la. A tora sarakani-siyaman donna ala nɛbinu bolo kɔnɔ a ko Yerusalɛm kɛnu ma anu tole masɔ sarakanɛ wonu na mumɛ!

Yɛrɛmaya 44:16

“I ye min bɛɛ fɔla Mari tɔgɛ rɔ, ma ti ma tole masɔ wo la muk!

Yɛrɛmaya 7:13

Mari ko wole, Isirɛla mɔgɛ damasi bole ye ko-yogoma-kɛ kɛ rɔ. A ye wo makawandila su-ni-tele kɔnɔ a ko wo ma sɔn wo tole masɔla a la. A ya wo rakele kɔnɔ wo ma sɔn a labirala.

Yɛrɛmaya 7:24

Kɔnɔ a ko wo benbanu ma sɔn anu tole masɔla a la. Anu tole gbɛlɛ nun. Anu taranta anu nyɛrɛ diyana-koenu denu mala. Anu ma to tala yarɔ fɔ ka to sɛgila anu kɔma.

Daniyɛli 9:10

E, mata Mari Alla, i ya ila nɛbinu nata ma ma alako ka tɔnnu di ma ma kɔnɔ hali wo, ma ma ma tole masɔ.

Daniyɛli 9:9

Hali ma murutiyanɛ i ma, i wara kinikini ma ma ka ma makoto.

Matiyu 23:37

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Kɛwɔlɛnu 13:27

Yerusalɛm kɛnu anubɛ nyɔ-kun-tiginu, anu ma Yisa lɔn anu kisilɛ la. Hali nɛbinuna kumɛnu, anu bi minnu karanna Sulen-Tele bɛɛ ma, anu ma wonu nya-yen. Woletɔ anu ya Yisa yiliki min kɛ, wo ya a ma, nɛbinuna kumɛnu bɔra-a-la.