Daniyɛli 9:5 - ALLALA KUMƐ

⁵ “Kɔnɔ male ara hakɛ kɛ ka ko-yogomɛ anubɛ karagbɛlɛyɛ ladan. I ya min fɔ ma ye, ma ara ma ban wonu na. I ya ko-telennɛ-kilɛ min yira ma la, ma ara ma kan-kɔ sɔ wo la ka bila ma nyɛrɛta kilɛ fɛ.

Daniyɛli 9:5 Iomraidhean Croise

2 Mansɛnu 18:12

Samariya soe kasarata bawo Isirɛla mɔgɛnu ya hakɛ kɛ anuta Mari Alla la. Min sanɛ wo kuma, anubɛ Mari sarata min ma, anu ya wo tinya. Marita wɔli-kɛla Musa nyɛrɛ ya tɔn min bɛɛsi di anu ma, anu ya wonu tinya. Anu ma anu tole masɔ ka tɔn wonu bira.

2 Mansɛnu 21:15

Ni i ya a yen n bi kɛ mala, kebi anu benbanu bɔra Iyipiti nyamanɛ rɔ ka na yan, anu bi hakɛ kɛla n na tolon! Anu bara a ma, n bara diminya kosɛbɛ!”

Ɛsira 9:6

N ya a matara, n ko, “E, nta Alla, n bara miliya n kunyɛ kɔrɔbila i ye. Ni ma ya mala hakɛnu nadɛn, wonu kun ta si yanya ma ko iko san-kole fɛ-yan ma la nya min.

Yaburi 106:6

Male ara hakɛ kɛ iko ma benbanu. Ma sɔn ma kin.

Yaburi 119:102

Ila karan-sɔgɛ la ma bɔ n na bawo n karan-mɔgɔ-bɛrɛbɛrɛ le ile la.

Yaburi 119:176

Ni n tora yilan-yilanna iko saga-tununɛ, i ni i kolan layigi nde, ila wɔli-kɛlɛ ma alako n ni kanan bawo n ma ita tɔnnu boloka mumɛ!

Yaburi 18:21

N ya Marita tɔn bɛɛ bira, ado n ma n kan-kɔ sɔ nta Alla la.

Aiseya 53:6

Ma dama ara yilan-yilan iko sagɛnu. Bɛɛ ara ta a kun fɛ. Kɔnɔ Mari ara tɔrɔyɛ sigi ale ma ka a tɛgɛ mala ko-yogomɛnu ma.

Aiseya 59:13

Ma ara hakɛ kɛ ka bila Mari la. Ma ara ma kan-kɔ sɔ a la. Ma ya ma rabɛn mɔgɛnu tanban-koe la alako ma si Alla sɔsɔ nya min. Yanfanteyɛ anubɛ foninya-fɔɛ ye bɔla ma yisi le tɔ.

Aiseya 64:4

Kebi fɔlɔ, mɔgɔ ma Alla wara-koe lamɔɛn min makawara iko ile, ado mɔgɛ yɛ la ma tii Alla-gbɛrɛ ma ile kɔma. Minnu lanɛ ile la, i ye wonu dɛnbɛna.

Yɛrɛmaya 14:20

Mari, ma ara ma sɔn a la i ye ko ma wunduyogo ka a dan-natenbi. Ma ara ma sɔn a la ko ma benbanu ma a nyima sigi i ma. Ma ara hakɛ kɛ i la kati!

Yɛrɛmaya 14:7

Mari, ma ara a lɔn ko ma hakɛ le ye ma tɔrɔ-tinɛ. Ma dɛnbɛ alako i kana tɔgɔ-tinya sɔrɔn. Ma ara i magboya-siyaman kɛ ka bila ile nyɛrɛ la yati!

Yɛrɛmaya 3:25

“Fɔ ni ma ya ma sa miliyɛ bolo gbɛ! Ma ni yarabiyi burun ma ma. Ma ara hakɛ kɛ ile mata Mari Alla la. Mabɛ ma fanu bara hakɛ kɛ. Ka a bi ma dennɛ ma ha kaka, ma sa ile mata Mari Alla sako kɛla.”

Yɛrɛmaya 30:14

Wo diyana-mɔgɛ sibolo-gbɛrɛ bɛɛsi ara nyina wo wara-koe la. Anuna ko ti taran wola ko rɔ. Mari ko a ya wo kɛlɛ iko wo yogenu. Wola tɔrɔyɛ ara gbɛlɛya wo kuma bawo wo hakɛ ara siyaya, ado wola karagbɛlɛyɛ ara wara.

Yɛrɛmaya 44:3

bawo wole nyɔ-mɔgɛnu bara ko-yogomɛnu nadan ka ale Mari ladiminya. Wo ya bɛsɛnu kɔ ka isɛnti mintan anu ye nyɔ, ado wole wo, wo benbanu wo, wo fenfen ma duru bɛsɛ wonu kɔla nun.

Nimisa Koe 1:18

“Kɔnɔ kɛ dama rɔ, Mari ye a yoe rɔ bawo n bara ata kuman-kan tinya. Duninya-mɔgɛ bɛɛ ni a tole masɔ n na. Wo ma n tɔrɔ-bole yen? Ma yogenu bara ma fonike bɛɛ bira ka ta anu na nyamani-gbɛrɛnu tɔ.

Nimisa Koe 1:20

“E, Mari, i ma a yen, n niyi ra ara gbɛrɛn n ma. N yisi ara tinya ka a tɛgɛ nta murutiyɛla ko ma. N yogenu ya nna dannu faga luyi ma. Fenfen sa bɔnnu na fanan fɔ sayɛ.

Nimisa Koe 3:42

“Male ara murutiya ile Mari ma ka ko-yogomɛ kɛ, ado i ma ma yulumu kafari.

Isikiyɛli 5:6

Kɔnɔ Yerusalɛm mɔgɛnu bara murutiya nna tɔnnu ma. Wo ara a yira n na ko anu wunduyogo sibole doinu ko. Tɔn-tinya di anu ye ka tenbi sibolo-gbɛrɛ doinu na minnu bi anuna foolɛ rɔ. Yerusalɛm mɔgɛnu bara anu kan-kɔ sɔ nna tɔnnu na. Anu ma sɔn nna tɔnnu birala mumɛ!’

Isikiyɛli 6:9

Minnu si to biralɛ rɔ nyɔ rɔ, wonu si anu miri n ma. Anu si a lɔn yati, ko nde le ya anu tɔrɔ ka anu nayarabi bawo bɛsi-kɔ-koe diyara anu ye nde bato koe ko, ado anu bara anu kan-kɔ sɔ nde la. Anu si tɛgɛ anu nyɔgɔn tɔ kasikasi, ka a tɛgɛ anuna wunduyogoyɛ anubɛ kisimiriya-koenu ma.

Daniyɛli 9:11

Male Isirɛla mɔgɛ bɛɛsi ya ila tɔnnu tinya. Anu ma sɔn ila kumɛ birala mumɛ! Ma ara hakɛ kɛ i la, woletɔ ita wɔli-kɛla Nɛbi Musa ya dankɛ minnu sɛbɛ ata buku rɔ, ile le ya a ma, dankɛ wonu ya ma dama bira.

Daniyɛli 9:15

“E, ma Tigi Alla, i nara ila mɔgɛnu na ka bɔ Iyipiti nyamanɛ rɔ tumɛ min, i ya ita sɛnbɛ-makawanɛ yira anu na wulɔn. Ha bi, ma ye ma mirila ita kabana-ko-sɛnbɛ wo ma. Kɔnɔ hali wo, ma ara hakɛ kɛ ka karagbɛlɛyɛ sigi i la.

Daniyɛli 9:9

Hali ma murutiyanɛ i ma, i wara kinikini ma ma ka ma makoto.

Hoseya 1:2

Mari ya kumɛ fɔlɔtɛ min don Nɛbi Hoseya bolo, a ko, “I ni musu-yɛlan furu bawo nyamanɛ bɛɛ ara ma yɛlan la ka a tɛgɛ anuna lanayabɛlitayɛ ma nde, Mari ye. Wobɛ musu-yɛlan kɛ ni dannu sɔrɔn.”

Malakayi 3:7

A ko wole bɔra wo benbanu denu na. Wonu ya ata tɔnnu boloka. Wonu ma sɔn anu bira koe ma. Mari ko wo ni sɛgi a ma tun, a si a ya-lamunun wo la. Kɔnɔ a ko wole ye a fɔla ko, “Ma si nfen ma min si a ma, ma ni sɛgi a ma?”

Hiburunu 3:12

Woletɔ n na-kelen-nyɔgɛnu, wo ni a ma wo fɛrɛma. Ni-yogoyɛ wo, dɛnkɛninyabɛlitayɛ wo, wo fenfen kana taran wo tɛma min si a ma, wo ni wo kan-kɔ sɔ Alla nimɛ la.