Daniyɛli 9:27 - ALLALA KUMƐ

²⁷ Ale kun-tigi-sɛnbɛmɛ wonubɛ mɔgɔ-siyaman si lanyiri kiri anu nyɔgɔn tɛma san wɔrɔnfila kɔrɔ. Wati wo wa tala a tɛma, a si tɔn sigi saraka-mintantɛnu anubɛ saraka doinu na. Kun-tigi wo si kisimiriya-bɛsɛ do sigi Alla Bato-Bɔn la kan-tina-sɛnimɛ rɔ. A si to nyɔ ha min ya ale bɛsɛ ladan, wo tɔrɔya-wati ni na iko Alla ya a rabɛn a ye nya min.”

Daniyɛli 9:27 Iomraidhean Croise

Aiseya 28:15

Wo ko wobɛ sayɛ ara sarama-kan kiri, ko wobɛ lakira ara sarama-kan kiri. Wole miri ko kasarɛ wa na wo kunyɛ si bɔ a rɔ. Wo lanɛ foninyɛ anubɛ yanfanteyɛ le la ko wonu si anu kankan wole ya ma.

Aiseya 28:22

Wo kana yɛlɛn nna makawandili-kumɛnu ma. Ni wo ya wo ma, wo si dunɛ lawara wo nyɛrɛ kuma. Nyamanɛ kɛ mumɛ kasara-koe Mari Sɛnbɛ-Bɛɛ-Tigi bolo, n bara wo lamɔɛn feu!

Aiseya 42:6

ale Mari le ya a kele ka sɛnbɛ di a ma alako telenbagayɛ ni wara dugu-kole kuma. A ko ka a tɛgɛ ata wɔli-kɛlɛ ma, sarama-kan si kiri anubɛ mɔgɛ bɛɛ tɛma. Ka a tɛgɛ ale ma, Mari si waan raka sibole bɛɛ ma.

Aiseya 53:11

Ala tɔrɔyɛ mumɛ bɛɛ wa tenbi a kun na, wo si a laban a bolo sewɛ ma. Wo kɔma, a ni to a lɔnna ko a ma tɔrɔ-fu kɛ. Mari ko ata wɔli-kɛlɛ si a ma, mɔgɔ-siyaman na ni telen Mari ye. A si ta anu hakɛ la a bolo.

Aiseya 55:3

A ko wole, ata mɔgɛnu, wo ni wo tole masɔ a la ka wo gbɛrɛn a ma. Wo ni wo tole masɔ a la. A si niyi di wo ma. A ko a si habadan-lanyiri kiri wo ye iko a ya Dawuda yili-madiya nya min ata keninteya-dan-natɛgɛbɛlɛ la.

Yɛrɛmaya 7:30

Mari ko fenfen min yogo, wole Yuda kɛnu diyana-koe le wo la. Ale ya a bato-tinɛ min yabɔ wole, ata mɔgɛnu ye, wo ara ta wola kisimiriya-bɛsɛnu sɔla nyɔ. Wo ara kan-tinɛ wo latinya feu!

Daniyɛli 11:31

Ala kɛlɛ-kɛ-dan donu si Alla Bato-Bɔn tinya. Anu si tɔn sigi sɔgɔma ani wurala-saraka-bɔɛnu na. Anu si kisimiriya-bɛsɛ sɔ Alla Bato-Bɔn kan-tina-sɛnimɛ rɔ.

Daniyɛli 11:36

“Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Daniyɛli 12:11

“Ka a bi tɔn-sigi-wati ma sɔgɔma ani wurala-saraka-bɔ-koe rɔ, ha anu si kisimiriya-bɛsɛ sɔ Alla Bato-Bɔn kan-tina-sɛnima rɔ, wo si tele waga kelen, tele kɛmɛ fila ani tele bi-kɔnɔntɔ (1,290) bɔ.

Daniyɛli 7:25

Alla Min Bi Fan Bɛɛ Kun Na, mansɛ wo si wo rasɛ ka ala mɔgɔ-sɛnimɛnu nyankankantan. A si anuta ladɛn-sɛnimɛnu tinya anubɛ anuta tɔnnu, ado Allata mɔgɛnu si taran ata sɛnbɛ kɔrɔ san sawa anubɛ a tala.

Daniyɛli 8:13

Wo kɔma, n ya a yen, melika fila ye kumala anu nyɔgɔn na. Doi ko, “Koe min bi mala ko-rayen kɛ rɔ, wo si to a kun na ha wati nyamintan? Kisimiriya-koe kɛnu si to a kun na ha wati nyamintan sarakɛnu gbɛ rɔ? Anu si to Arinyɛnɛta-kɛlɛ-dannu anubɛ Bato-Bɔn ratɛntɛnna ha wati nyamintan?”

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Matiyu 24:15

“Nɛbi Daniyɛli ya kisimiriya-koe minna ko fɔ, wo si wo sɔnɛ yen Kan-Tina-Sɛnimɛ rɔ Alla-Bato-Bɔn la. (Minnu bi kɛ karanna, anu ni anu taya a kɔrɛ-lɔn-koe ma!)

Matiyu 26:28

bawo n yele le kɛ la Allata sarama-kan kirinɛ min fɛ. N yele bɔnɛ alako mɔgɔ siyaman hakɛ ma si koto nya min.

Matiyu 27:51

Nba, yorolan min dunnɛ Alla-Bato-Bɔn tɛma, wo farata fila la ka a dabira a kuma ha a kɔrɔ. Dugi yɛrɛyɛrɛnta ha kurinu tatiira.

Maraka 13:14

“Wo si ‘kisimiriya koe’ sɔnɛ yen kan tinɛ do rɔ, a sɔ tina ma min na. (Minnu bi kɛ karanna, anu ni anu taya a kɔrɛ-lɔn koe ma!) Minnu bi Yudiya nyamanɛ rɔ, wonu ni anu buri ka yɛlɛ kɔnkɛnu kuma.

Luka 21:20

“Wo wa Yerusalɛm lafoonɛ yen kɛlɛ-dannu na tumɛ min, wo si a lɔn worɔ ko a kasara-tumɛ ara gbɛrɛn.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Romu 11:26

Isirɛla mumɛ bɛɛ si kisi nya min, wo le kɛ la. Iko a sɛbɛnɛ Allala kitabu rɔ nya min, a ko, “Kunkalɛ si bɔ Yerusalɛm. A si ko-yogomɛ bɛɛ ban Yakoba bɔnsɔn rɔ.

Romu 5:15

ado mɔgɔ filɛ kɛnu ma kɛn. Alla ya ma sanba makotolɛ min na, wo mani ma iko ma benba Hadamata hakɛ. Tonyɛ le, mɔgɔ siyaman fagara ale Hadama kelan wo hakɛla ko la. Kɔnɔ Yisa wo ya a ma, Allata hinɛ warata mɔgɔ-siyamanna ko la. Ala hinɛ ya ma sanba Yisa la alako mɔgɔ-siyaman ni makotolɛ sɔrɔn.

Romu 5:19

Mɔgɔ siyaman mara hakɛ-tigi la, mɔgɔ kelan kɛla kuma-birabɛlitayɛla ko la, ado mɔgɔ siyaman la si telen Alla ye ka a tɛgɛ doi wota kuma-birɛla ko la.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.