Daniyɛli 9:25 - ALLALA KUMƐ

²⁵ I tole masɔ bɛrɛkɛ! Ka a bi anu ya Yerusalɛm sɔ-koe fɔ a kurɛ la tumɛ min ha Allata-Mɔgɔ-Yabɔnɛ ni na, fɔ san wɔrɔnfila sigi tina wɔrɔnfila (49) wa tenbi. Anu si soe wo tarɛ kɔmɛ lafoo denka-rayan-bɛ la ka so-burɔ-luyinu tabɛn a kilɛ fɛ. A si san bi-wɔrɔ san fila sigi tina wɔrɔnfila (434) bɔ, soe wo sɔnɛ si to. Kɔnɔ wati wo bɛɛ si ma anu bolo tɔrɔyɛ la.

Daniyɛli 9:25 Iomraidhean Croise

2 Samuwɛli 15:25

Mansa Dawuda ya a fɔ Sedoki ye ko, “Wo ni tɔn-kenkirɛ lasɛgi a gbɛ rɔ tun Yerusalɛm soe burɔ. Ni n di Mari ye, a si a ma, n ni na tɔn-kenkirɛ kɛ yen n yɛ la a gbɛ rɔ tun, yɔ!

Ɛsira 4:24

Bato-Bon-sɔɛ danta Yerusalɛm soe burɔ tumɛ min, anu ma wɔli-wo-wɔli kɛ ha Dariyasita mansayɛ san fila nyɔgɛ ma Pasiya nyamanɛ rɔ.

Ɛsira 7:1

San-siyaman tenbinɛ, wo tumɛ Atasakasi ye mansayɛ la Pasiya nyamanɛ rɔ, kei do ye nyɔ nun min tɔgɛ Ɛsira. Saraka-Masɔla-Kun-Tigi-Wɛ Aruna matiyi le ale la. Ale Ɛsira fa tɔgɛ le Sɛraya. Sɛraya wo fa tɔgɛ le Asaraya. Asaraya wo fa tɔgɛ le Helikaya.

Ɛsira 7:8

Anu bɔra Babilɔn san wo karɛ fɔlɛ, a tele fɔlɔtɛ le ma. Anu donta Yerusalɛm soe burɔ Alla baraka rɔ san wo karɛ loli nyɔgɛ, a tele fɔlɔtɛ ma.

Nihɛmaya 3:1

Tarɛ sɔra nya min, wo le kɛ la. Saraka-Masɔla-Kun-Tigi-Wɛ Ilayasibu anubɛ a ta-nyɔgɔ saraka-masɔlɛnu, wonu ya tarɛ don-dɛ sɔ min tɔgɛ ko Sagɛ. Anu ya a dantɛgɛ Mari ma ka a don-dɛ latogon. Anu bara so-tarɛ ladan ka a bi kan-tina-layan-bɛ min tɔgɛ ko Kɛmɛ ka ta ke kan-tina-layan-bɛ ma min tɔgɛ Hananɛli. Anu ya tarɛ wo sɔ-kurɛ-kɛ ka a dantɛgɛ.

Nihɛmaya 4:2

A kɛnɛna a fɔla a na-kelen-nyɔgɛnu anubɛ Samariya kɛlɛ-dannu yala ko, “Yahudiya-manyimanɛ kɛnu miri ye nfen ma? Soe kɛ mumɛ ladan-sɔgɛ le ye anu na, wa? Kɛnu miri ko anu si banna soe kɛ mumɛ bɛɛsi ladanna tele kelen kɔrɔ saraka-bɔɛ fɛ? Anu si buriburi-mintantɛ-kɛ yɛlɛma kurinu na ka bɔn sɔ anu na?”

Nihɛmaya 4:8

Woletɔ anu ya yanfɛ kiri ma ma alako anu ni na ma kɛlɛ Yerusalɛm soe burɔ ka ma kɔndɔfili.

Nihɛmaya 6:15

Karɛ min tɔgɛ Eluli, wo tele mogan-ni-lolɛ ma, ma ya tara-ko-wɔlɛ ban. Ma ya tele bi-loli ani tele fila le bɔ a wɔlɛ rɔ.

Yaburi 71:10

N faga-sɔgɛ ye n yogenu na. Anu bi n tasɛla ka yanfɛ rabɛn n kan ma.

Makawandili Kumɛnu 3:3

Mɔgɔ-faga-wati ye nyɔ, a dandan-wati ye nyɔ. Fen-wayan-wati ye nyɔ, a sɔ-wati ye nyɔ.

Aiseya 55:4

Mari ya Dawuda ma kun-tigi anubɛ kɛlɛ-kurugbɛ la sibolenu ye. Mari ya ata fanka mayira anu na Dawuda le tɔ.

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Daniyɛli 8:11

Kere wo nyɛrɛ bilara Alla nyɛrɛ la, ale min bi Arinyɛnɛta-kɛlɛ-dannu kun na, kɔni. Anu bi sarakɛ minnu bɔla Alla ye tele-wo-tele, a ya wo tinya. A ya Mari Bato-Bɔn tinya.

Daniyɛli 8:25

Ka a tɛgɛ ala kɛwuyɛ wo ma, ala yanfanteyɛ wo bɛɛ ra si bɛn a ma. A si ma mɔgɔ-makawanɛ la a nyɛrɛ yala. Hali a ma minnu nalɔn, a si wonu natɛrɛna ka anu kasara. Hali wo, a si Mansɛ-Bɛɛta-Mansɛ kɛlɛ, Alla nyɛrɛ, kɔni. Kɔnɔ tɔ-a-la, a si kasara kɔnɔ a tɔgɔ ti to hadama-den na.

Daniyɛli 9:23

Kebi i ya ila mataralɛ dabira wati min, Alla ya ila matarali-kan wo lamɔɛn. I di a ye woletɔ ko-rayirɛ min kera i ye, n bara na ka wo kɔrɛ yira i la.

Maika 5:1

“Kɔnɔ kaka gbɛ, wo ni wola kɛlɛ-dannu nadɛn kan-tina-kelen bawo ma yogenu bara na bui ma ma ka ma kɛlɛ. Anu bara Isirɛla mansɛ dɛ ratii a kɔrɔ-sɔ-sewuri la.”

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Matiyu 13:23

Sugi min buira dugu-lamonɛ rɔ, wo mani de iko mɔgɛ min bi kumɛ lamɔɛnna ka a nya-yen. A si gbɔ. Do si kɛmɛ kelen bɔ, do bi-wɔrɔ, do bi-sawa.”

Matiyu 24:15

“Nɛbi Daniyɛli ya kisimiriya-koe minna ko fɔ, wo si wo sɔnɛ yen Kan-Tina-Sɛnimɛ rɔ Alla-Bato-Bɔn la. (Minnu bi kɛ karanna, anu ni anu taya a kɔrɛ-lɔn-koe ma!)

Maraka 13:14

“Wo si ‘kisimiriya koe’ sɔnɛ yen kan tinɛ do rɔ, a sɔ tina ma min na. (Minnu bi kɛ karanna, anu ni anu taya a kɔrɛ-lɔn koe ma!) Minnu bi Yudiya nyamanɛ rɔ, wonu ni anu buri ka yɛlɛ kɔnkɛnu kuma.

Yɔni 1:41

Anduru ya min fɔlɔn ma, a tara a na-kelen-nyɔgɔn Saimon yen tinɛ. A ya a fɔ a ye ko, “Alla ya mɔgɛ min yabɔ ma kisi-koe la, anu bi min kelela ko Masiya, ma ara wo yen.” (Masiya kɔrɛ le ko, “Kirasiti.”)

Yɔni 4:25

Musi wo ya a fɔ a ye ko, “Anu bi Allata-Mɔgɔ-Yabɔnɛ min kelela ko Kirasiti, n ya a lɔn ko wo ye nala. A wa na tumɛ min, a si koe bɛɛ faranfasi ma ye.”

Kɛwɔlɛnu 3:15

Ale min bi ni-bɛrɛ dila mɔgɛnu ma, wole ya wo faga kɔnɔ Alla le ya a lawuli ka bɔ furinu tɛma. Ata sereyɛ le male la.

Kɛwɔlɛnu 5:31

Alla ya a lawuli ka a sigi a kɔɛn-nyimɛ rɔ ka a ma kun-tigi anubɛ kisilɛ la. A ya wo ma alako Isirɛla mɔgɛnu ni fɛrɛ sɔrɔn tubi-koe la. Anu ba wo ma, Alla si anu makoto anu hakɛ ma.

Kɛwɔlɛnu 8:30

Filipi ya a buri ka ta. A ya a lamɔɛn, a ye Nɛbi Aiseyata buku karanna. Woletɔ a ya a manyinika ko, “I ye min karanna wo la, i wara hɛnkili sɔrɔn wo ma, wa?”

Ɛfɛsa 5:16

Wo kana wo nyɛrɛ matanbani. Wo ni wo raya ko-nyima-kɛ koe ma bawo tele kɛnu ma kin.

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.

Lankɛnimayɛ 19:16

Tɔgɛ kɛ sɛbɛnɛ ala duruku-yan anubɛ a wore ma ko, “Mansɛnuna Mansɛ anubɛ marinuna Mari.”