Daniyɛli 9:24 - ALLALA KUMƐ

²⁴ “Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Daniyɛli 9:24 Iomraidhean Croise

2 Ko-Kɔrɔta-Karan 29:24

Anu ban anu bole sala anu ma, saraka-masɔlɛ wonu ya baa wonu faga. Anu ya wonu yele labɔn saraka-mintan-tinɛ kuma anu hakɛ-sarakayɛ la alako Alla fonde ni kimɛ mansɛ anubɛ ala nyamanita-mɔgɛnuna hakɛnuna ko la nya min.

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 45:7

Ko-latelennɛ di i ye. Ko-radunɛ gbo i ye. Woletɔ ita Alla ara ile mansɛ yabɔ. A ara i lasewa mansɛ bɛɛ ko.

Aiseya 42:4

A yigi ti tɛgɛ, ado ala kerinteyɛ ti dasa. A si telenbagayɛ ki dugu-kole kuma. A lakaran-sɔgɛ si wula-yanna-mɔgɛnu bira sokesoke!

Aiseya 51:6

Wo ni san-kole anubɛ dugu-kole mafɛlɛn. Anu si na tunu yen, iko ta-sisi. Dugu-kole la si murun iko kura-kore. Mɔgɛnu si to yalanna ale dugu-kole ma ka faga iko sisɛnu. Kɔnɔ Marila kunka-koe si to a la habadan! Ala nɔlɛ si ma ko-laban la.

Aiseya 51:8

bawo wonu bara-koe ye nala kala-a-la iko kisinu ba kurɛ dɔn. Kɔnɔ a ko ata lakisi-koe si to nyɔ habadan! Ata nimayɛ si to nyɔ burubukai!

Aiseya 56:1

Mari ya kɛ le fɔ ala mɔgɛnu ye. A ko wo ni don ko-telenni-kɛ rɔ bawo kisi-koe fɛ ma yan wo la tun. Wo kunyɛ si bɔ gbaran rɔ mɔgɛ bɛɛ yala.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Nimisa Koe 4:22

Yerusalɛm kɛnuta tɔrɔyɛ dan na ara tenbi. Mari ti sɔn anu ni ta biralɛ rɔ tun. Kɔnɔ lunyɛ do, a si wole Idɔm kɛnu tɔrɔ ka wo hakɛ labɔ gbɛ rɔ.

Isikiyɛli 28:12

“Ile hadama-dan, ile fanan ni saya-sigi sa i sɛbɛ-kuna-wɛ la ka a tɛgɛ Taya mansɛ kɛ laban-bole ma. Nde, wo Tigi Marita kumɛ kɛ latenbi ko ale Taya mansɛ, ko-latelenni-misalɛ le ale la nun. A hɛnkili ye nun, ado a mafɛlɛn di.

Isikiyɛli 4:6

Wo wa ka-a-la, i ni i sa i bolo ma i bolo-nyimɛ kuma tele bi-nani (40) ka a tɛgɛ Yuda bɔnsɔn-mɔgɛnuna hakɛla ko ma. I ye tele kelen-kelan min bɛɛ bɔla nyɔ, wo si ma anu ma iko san kelen-kelen tɔrɔyɛ.

Saraka-Masɔlɛnuta Tɔnnu 25:8

“San wɔrɔnfilɛ sigi tinɛ wɔrɔnfila, wo le bɛnnɛ san bi-nani san kɔnɔntɔ, a san kɔnɔntɛ wo karɛ wɔrɔnfilɛ tele tan ma,

Saraka-Masɔlɛnuta Tɔnnu 8:15

Musa ya a faga ka a bolo-nɔlɔnɛ layigi a yele rɔ ka do sosa saraka-bɔ-tinɛ bolon nanɛ ma ka wo dantɛgɛ Mari ma. A ya a yele-toe bi ka a rawuya dugi ma saraka-mintan-tinɛ kɔrɔ. Wo le ya a ma, a ya saraka-bɔ-tinɛ dantɛgɛ Mari ma ka a sɛninya.

Sakaraya 4:14

A ko, “Mɔgɔ filɛ le kɛnu na duninya-mumɛ-tigi Mari ara minnu yabɔ ka ma ala wɔli-kɛlɛnu na.”

Yilan-Yilan Koe 14:34

Wo si tɔrɔya wo hakɛla ko la. Wo si san bi-nani bɔ, wo ye yilan-yilanna iko wo ya tele bi-nani bɔ nya min nyamanɛ wo mafɛlɛn tinɛ. Wo si na a lɔn ni n bi nya min ni nde sa wo fɛ!

Matiyu 1:21

A ye nala den-kei sɔrɔnna. I ni a tɔgɔ sa Yisa bawo ale le si ala mɔgɛnu kisi anu hakɛnu ma.”

Matiyu 11:13

Alla ya tɔn min di Nɛbi Musa ma anubɛ nɛbi doinuta kumɛ, wo bɛɛ ye Allala mansaya-koe fɔla ha ka ke Yɔnita wati kɛ ma.

Matiyu 4:5

Wo kɔma, Setanɛ ya Yisa bi ka ta a la Yerusalɛm so-sɛnimɛ rɔ ka a sigi Alla-Bato-Bɔn kun-tɛma-sore la.

Maraka 1:24

A ko, “Yisa, Nasarɛti kɛ, i ye nyinina nfen ma ma bolo? I wara na ma halaki-koe la, wa? Ma ya ile lɔn. Allata mɔgɔ-sɛnimɛ le ile la!”

Luka 1:35

Melika ya a yabi ko, “Allata Ni-Sɛnimɛ si yigi i kuma. Allatalata sɛnbɛ si na i kuma iko ninɛ. Ka a tɛgɛ wo ma, anu si den-sɛnimɛ wo kele ko Allatalata den-kei.

Luka 21:22

Wo bɛɛ si ma tɔrɔya-telenu na, ado Allata kitabu ya min fɔ, wo bɛɛ ni bɔ-a-la.

Yɔni 1:41

Anduru ya min fɔlɔn ma, a tara a na-kelen-nyɔgɔn Saimon yen tinɛ. A ya a fɔ a ye ko, “Alla ya mɔgɛ min yabɔ ma kisi-koe la, anu bi min kelela ko Masiya, ma ara wo yen.” (Masiya kɔrɛ le ko, “Kirasiti.”)

Yɔni 3:34

Alla ara min sɔ, wo si Allala kumɛ fɔ bawo Alla le si ala Ni-Sɛnimɛ di a ma duk!

Kɛwɔlɛnu 3:14

Yisa telennɛ, fɛɛ-wo-fɛɛ sa a la kɔnɔ wo ya wo ban a la. Wo ya Pailɛti madiya ko a ni mɔgɔ-fagalɛ do boloka wo ye.

Kɛwɔlɛnu 3:22

Musa ko wola Mari Alla si nɛbi do lana wo ma iko a ya ale lana nya min. A si bɔ wo nyɛrɛta mɔgɛnu tɛma. A ko ale wa min bɛɛ fɔ wo ye, wo ni wo tole masɔ wo la.

Kɛwɔlɛnu 4:26

Duninya-kɛ-mansɛnu ya anu tabɛn kɛlɛ-kɛ-koe ma. Kun-tiginu ya anu nadɛn Mari anubɛ ale Allata-Mɔgɔ-Yabɔnɛ kan ma.

Romu 5:10

Alla yoge le male la nun kɔnɔ kaka, ma ara ma a diyana-mɔgɛ la ala dan Yisata sayɛ fɛ. Nba, ma ara ma Alla diyana-mɔgɛ la nya min, ma si a lɔn serr, ko ma si kisi Allata tɔrɔyɛ ma fanan ala danta nimayɛ fɛ.

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

Filipai 3:9

N bi a fɛ, n ni tugun ale la feu! N nyɛrɛta telenbagayɛ wo fenfen sa n bolo tun. Mɔgɛ si tɔnɛ sɔrɔn koe minnu fɛ iko tɔn-birɛ, n bara n kan-kɔ sɔ wonu na. N bara telenbagayɛ min sɔrɔn Kirasiti rɔ, wo le ye n bolo kaka. Telenbagayɛ wo bɔnɛ Alla le bolo. A suli ye dɛnkɛninyɛ le tɔ.

Kɔlɔsi 1:20

Fan minnubɛ Alla faranɛ nun, a ya wo bɛɛsi lasɛgi a nyɛrɛ ma tun Yisa Kirasiti baraka rɔ. Alla ya yisi-kimɛ ladon duninya rɔ Yisata sayɛ fɛ kɔlɔma ma. Fan minnu bi dugu-kole kuma wo, fan minnu bi san-kole rɔ wo, a ya fan wo bɛɛ lasɛgi a nyɛrɛ ma ale Yisata sayɛ fɛ.

Kɔlɔsi 2:14

Ma hakɛ minnu sɛbɛnɛ ma kan ma nun anubɛ ma kirinɛ tɔn minnu na, Alla ara wonu gbangban Yisata kɔlɔma ma ka anu ban feu!

Hiburunu 10:14

A ara mɔgɛnu sɛninya anu hakɛ ma ka anu natelen Alla yala ata saraka kelen pe le fɛ habadan!

Hiburunu 2:17

Woletɔ fɔ a ni ma iko male, a na-kelen-nyɔgɛnu, koe bɛɛ rɔ. A ni wo ma alako a si kinikini ma ma nya min ka wɔli Alla ye a yisi bɛɛ la. A mara mala Saraka-Masɔla-Kun-Tigi-Wɛ la min kɛ, a ya sarakɛ bɔ ma ye ma hakɛnuna ko la.

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!

Hiburunu 9:26

Ni wo mara nun, kebi duninya danta tumɛ min, a si tɔrɔ siyaman. Kɔnɔ a wati-kanbalinɛ, Yisa nara iko kelen pe ka dan wo ma ka a nyɛrɛ ma sarakɛ la alako mɔgɛnu hakɛnu ni ban feu!

2 Pita 1:1

Nde, Saimon Pita ye kɛdi kɛ sɛbɛla, nde min bi Yisa Kirasitila wɔli-kɛlɛ anubɛ kilayɛ la, kɔni. Minnu bara dɛnkɛninya-bɛrɛbɛrɛ-wɛ sɔrɔn iko male, n bi kɛ sɛbɛla wonu denu ma. Anu ya wo sɔrɔn ma Kisilɛ Yisa Kirasitila telenbagayɛ baraka le tɔ, mata Alla, kɔni.

1 Yɔni 3:8

Ni min bi tola hakɛ kɛla, Setanɛta mɔgɛ le wo tigi la bawo Setanɛ ye hakɛ kɛla kebi fɔlɔfɔlɔ. Allala den Yisa bɔra gbɛ rɔ alako a ni Setanɛta kɛwɔlɛnu tinya feu!

Lankɛnimayɛ 14:6

Wo kɔma, n ya melika-gbɛrɛ yen firifirila san ma pon! Habadan-kibara-nyimɛ ye a bolo a ye nala min fɔla duninya-mɔgɛ bɛɛ ye, a sibole bɛɛ anubɛ a bɔnsɔn bɛɛ anubɛ a mɔgɔ-su bɛɛ iko anuna kan faranɛ nya min.

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.