Daniyɛli 9:22 - ALLALA KUMƐ

²² Wo kɔma, Yibirila ya a fɔ nde, Daniyɛli ye ko, “N bara yigi yan alako i ni wɔlɔyiya-kumɛ kɛ kɔrɛ lɔn.

Daniyɛli 9:22 Iomraidhean Croise

Daniyɛli 10:11

Melika wo ya a fɔ n ye ko, “Ile Daniyɛli, i di Alla ye. I lasɔ. I ni i tole masɔ n kuman-kan kɛ la n bi min fɔla i ye. Alla le ya n sɔ i wara.” Wo ban kɛ fɔla, n ya n nasɔ kɔnɔ ha bi, n bi yɛrɛyɛrɛnna.

Daniyɛli 10:12

A ko, “Daniyɛli, i kana kilan. Ka a bi a fɔlɔfɔlɛ rɔ, i ya i famayigi alako i ni ko-rayen kɛ kɔrɛ lɔn, Alla ya ila matarali-kan wo lamɔɛn. Nde fanan bara na alako ila mataralɛ ni yabi.

Daniyɛli 10:14

Wo le ya a to, n bara na alako i ni a lɔn min bi nala mala ila mɔgɛnu na yarɔ. I ye ko-rayen min tayenna kɛ la, sinan-ko-rayen le wo la.”

Daniyɛli 7:16

N tara melika kelen taran melika-siyamɛ kɛnu tɔ ka a manyinika ni kiyo kɛ kɔrɛ ye min na.” A ya a kɔrɛ fɔ n ye.

Daniyɛli 8:16

N ya hadama-den-kan lamɔɛn ka bɔ yi-nɛ wo kuma min tɔgɛ Wulai. A ko, “Yibirila, ko-rayen kɛ kɔrɛ rakaran ale Daniyɛli ye.”

Emɔsi 3:7

Ni yarɛ wɔrɔndɔra, mɔgɔ kuma ti kɔ, wa? Allatala ti ko-wo-ko ladan a ti min kɔrɛ fɔ male nɛbinu ye. Woletɔ ni Allatala kumara, male nɛbinu ti a kuman-kan latenbi, wa?

Sakaraya 1:14

Wo kɔma, Mari ya min fɔ, melika wo ko n ni wo rakaran wole, Isirɛla mɔgɛnu ye. A ko keninteya-belebele ye a bolo ata so-yabɔnɛ Yerusalɛmna ko la.

Sakaraya 1:9

Melika min bi ko-rayirɛ kɛ kɔrɛ yirala n na, n ya wo manyinika ko, “N fa, soee kɛnu kɔrɛ ye kama?” Wo ya a fɔ n ye ko a si a kɔrɛ yira n na.

Lankɛnimayɛ 4:1

Wo kɔma, n ya Arinyɛnɛ dɛ-lakanɛ yen ko-rayirɛ rɔ. N ya kuman-kan min namɔɛn fɔlɔn, min manɛ iko buru-fɛ-kan, wo ya a fɔ n ye ko, “Yɛlɛ yan tɔ. Koe minnu si na ma yarɔ, n ni wonu yira i la.”