Daniyɛli 9:17 - ALLALA KUMƐ

¹⁷ E, mata Alla, nta matarali-kan lamɔɛn. Ila Bato-Bɔn min bara tinya, i ni wo sɔ-kurɛ-kɛ tun. A sɔ a kurɛ la woletɔ mɔgɛ bɛɛ si a lɔn ko ile le Alla la.

Daniyɛli 9:17 Iomraidhean Croise

1 Mansɛnu 8:28

E, Mari Alla, ila wɔli-kɛlɛ le nde la. Hali wo, i ni i wɔlɔ matɔlɔ n di-kɛ-kan anubɛ nna matarali-kan la.

Nihɛmaya 1:6

I yandi, n mafɛlɛn i kolan la ka i wɔlɔ matɔlɔ nna matarali-kan la. N bi mataralɛ kɛla Isirɛla mɔgɛnu ye su-ni-tele. N bara n sɔ a la ko mabɛ Isirɛla mɔgɛnu bara hakɛ kɛ. Min sanɛ wo kuma, wo le n fata kebilɛtɛ la.

Yaburi 119:135

I ni nyimayɛ kɛ nde, ita wɔli-kɛlɛ ye. I ni n karan ita sereyanu na fanan.

Yaburi 4:6

Mɔgɔ-siyaman kɛnɛna a fɔla ko, “E, Mari, a ma, ma ni sabati tun. I ni ko-nyimɛnu kɛ ma ye.”

Yaburi 67:1

E, Alla, kinikini ma ma ka ita duwɛ layigi ma kuma. I ni ko-nyimɛnu kɛ ma ye.

Yaburi 67:2

Woletɔ duninya-mɔgɛ bɛɛ si i kɛ-nya lɔn. Anu si a lɔn ko kisi-ko-sɛnbɛ ye i bolo.

Yaburi 74:3

I ni so-kasaranɛ kɛ ratagama. I kolan lata Bato-Bon-mirannu tinya-nya ma ma yogenu bolo.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Yaburi 80:19

E, Mari Alla Sɛnbɛ-Bɛɛ-Tigi, sɛgi ma la tun! Kinikini ma ma alako ma si kisi nya min.

Yaburi 80:3

E, Alla, sɛgi ma la tun! Kinikini ma ma alako ma si kisi nya min.

Yaburi 80:4

E, Mari Alla Sɛnbɛ-Bɛɛ-Tigi, i fondo-bɔnɛ si to ila mɔgɛnuna madiyalɛla ko la ha tumɛ nyamintan?

Yaburi 80:7

Alla Sɛnbɛ-Bɛɛ-Tigi, sɛgi ma la tun! Kinikini ma ma alako ma si kisi nya min.

Aiseya 48:11

Tɔ-a-la, a ko a ye koe kɛ bɛɛ kɛla a nyɛrɛ le ye. A ti sɔn a tɔgɛ la ni fɛya Ala gbiliyɛ kana ta mɔgɔ-gbɛrɛ ma. A kelen pe le si wo sɔrɔn.

Nimisa Koe 3:56

N ya i madiya n dɛnbɛn-koe la tumɛ min, i ya a lamɔɛn de, yɔ!

Daniyɛli 9:19

E, n tigi, i wɔlɔ matɔlɔ ma la. E, n tigi, ma makoto. E, n tigi, ma makoe kɛnu nyinya. I kana matanbani kɛ woletɔ mɔgɛ bɛɛ si a lɔn ko ile le Alla la, ado i ya a lɔn ko i tɔgɛ ye soe kɛ anubɛ ila mɔgɛnu kuma.”

Yɔni 16:24

Ha bi, wo ma fenfen tara wɛ n tɔgɔ rɔ. Wo ni tarali kɛ, wo si a sɔrɔn alako wola sewɛ ni wo munanfaga.”

2 Kɔrɛnti 1:20

Kirasiti le Allata lanyiri bɛɛ lakanbalila. Wo le ya a to, ma ye a fɔla ko, “Amina” Yisa Kirasiti baraka rɔ Allata gbiliyɛla ko la.

Lankɛnimayɛ 21:23

Soe wo mako mumɛ sa tele anubɛ karɛ la bawo Allala gbiliyɛ ye malanna a burɔ. Ata lɛnpu le saga-dan la.