Daniyɛli 9:16 - ALLALA KUMƐ

¹⁶ Kebi fɔlɔ, ile le ya ma latanka. Hali i fonde ma ma gboya Yerusalɛm soe ma bawo i halalɛ le wo la, ita kɔnkɔ-sɛnimɛ, kɔni. Ka a tɛgɛ ma benbanu anubɛ maleta hakɛ ma, sibolo-gbɛrɛ minnu bi mala foolɛ rɔ, wonu yoonɛ ma ma.

Daniyɛli 9:16 Iomraidhean Croise

Nihɛmaya 9:8

I ya a yisi-telennɛ yen i wara la. Wobɛ ya sarama-kan kiri wo nyɔgɔn tɛma. Kenannu siginɛ kan min wo, Hɛtinu anubɛ Amoranu siginɛ kan min wo, Perasanu anubɛ Yebusinu anubɛ Kagasanu siginɛ kan min wo, i ya ale Iburayima yili-madiya ko wonuna nyamanɛ si ma a kegeyɛnutɛ la, ado i wara ila sarama-kan wo latɔnbagaya bawo i telenta.

Yaburi 143:1

Mari, i wɔlɔ matɔlɔ nta madiyalɛ la. N di-kɛ-kan lamɔɛn bawo i lanaya-tigi. N yabi telenbagayɛ la.

Yaburi 31:1

Mari, n nara i wara le nna kanan-koe rɔ alako n kana na miliya. I telennɛ min kɛ, woletɔ n bi i madiyala alako i ni n nakisi.

Yaburi 41:13

Ma ni baraka bira Isirɛlata Mari Alla ye. Ma ni a tanto bi ha habadan! Amina! Amina!

Yaburi 71:2

N dɛnbɛ ka n nakisi bawo i telenta. I wɔlɔ matɔlɔ n na ka n nakanan.

Yaburi 79:4

Sibolo-gbɛrɛ minnu bi mala foolɛ rɔ, wonu bi ma mɔɛnna. Anu bi yɛlɛnna ma ma ka ma manyini.

Yaburi 85:4

E, ma kisilɛ Alla, i ni ma lasɛgi i ma tun! I fara i fonde bɔla ma kuma.

Yaburi 89:51

E, Mari, i yogenu bi nde, ita mansa-yabɔnɛ lafɛyala. N ba ta kan-bo-kan, anu bi n manyinina le.

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Aiseya 5:25

Mari fonde bɔnɛ wole, ata mɔgɛnu ma, ado a ara a kɔɛn kɔrɔbi wo tɔrɔ-koe la. Kɔnkɛnu si yɛrɛyɛrɛn. Minnu bi fagala, wonu furi-bolokanɛ si to belenna lu-kolenu ma iko yefe-gbalɛ. Kɔnɔ hali wo, wo ti a ma, Marita fondo-bɔɛ ni ban. A si wo tɔrɔ serr!

Yɛrɛmaya 24:9

A ko a ye kasarɛ min sigila wo ma, wo si a ma, duninya mumɛ bɛɛ ni kilan. Mɔgɛnu si wo mayɛlɛn. Anu si wo ma yɛlɛnma-fan la. Anu si wo tɔgɛ ma dankali-kɛ-fan la.

Yɛrɛmaya 29:18

A ko a si kɛlɛ anubɛ kɔnkɛ anubɛ kirayɛ ma anu gben-fan la, ado sibolo-gbɛrɛnu ba anu yen tumɛ min, anu kuma si tɛgɛ wao! Mɔgɛnu si anu manyini ka anu tɔgɛ ma dankali-kɛ-fan la.

Yɛrɛmaya 32:31

Ka a bi soe kɛ sɔ-wati ma, a ko dugu dannu bara a ma, a ara kɔrɔtɔ wɛ kɛ. Woletɔ a ara soe kɛ kasara-koe latɛgɛ

Yɛrɛmaya 32:32

bawo anu bara karagbɛlɛyɛ dan-natenbi soe kɛ burɔ. A Yerusalɛm ka wo, hali a Yuda ka to wo, a mansa wo, a mɔgɔ-ba wo, a saraka-masɔla wo, a nɛbi wo, a bɛɛ wunduyogo.

Isikiyɛli 22:4

A yilikinɛ mɔgɔ-fagɛ kɛla ko la. A ara a nyɛrɛ latinya bɛsi-kɔ-koe la. Woletɔ ale fananta wati ara ke. Wo le ya a ma, sibole doinu donta a manyinɛ rɔ. Nyamani-gbɛrɛkɛ-mɔgɛnu bi a rasɛla.

Isikiyɛli 5:14

Sibolo-gbɛrɛ minnu tenbi tenbila wo la, wonu bi nyimala wo rɔ ka anu masɛgi wo la.

Daniyɛli 11:45

Alla Bato-Bɔn ye kɔnkɛ min kuma wo, kɔgɔ-yi wo, ale mansɛ si ala fani-bon-hakikɛnu sɔ wonu tɛma. Kɔnɔ tɔ-a-la, ale mansɛ si faga, a dɛnbɛna fenfen sa nala a taranna.”

Daniyɛli 9:20

N tora matarali-kɛla ka n sɔ mabɛ Isirɛla mɔgɛnu hakɛ la. N bi nta Mari Alla matarala ko a ni ata Bato-Bɔn sɔ-kurɛ-kɛ.

Yowɛli 3:17

A ko wole, Isirɛla mɔgɛnu si a lɔn wati wo rɔ ko wota Mari Alla le ale la. A ko ale le ye a mayigila ata kɔnkɔ-sɛnimɛ kuma. A ko Yerusalɛm soe si ma so-sɛnimɛ la. Sibolo-gbɛrɛnu ti nɔ-ko sɔrɔn a ma tun!

Sakaraya 8:3

A ko a si a ya-lamunun Yerusalɛm soe la ka ta a mayigi ata so-sɛnimɛ wo rɔ tun. A ko mɔgɛnu si to soe wo kelela ko Soe Min Telennɛ a ye. A ko anu si Mari Sɛnbɛ-Bɛɛ-Tigita kɔnkɛ kele ko Kɔnkɔ-Sɛnimɛ.

2 Tɛsalonaika 1:6

ado minnu bi wole tɔrɔla, yoe ye Alla bolo ka wonu fanan tɔrɔ.

1 Yɔni 1:9

Ni ma ya ma sɔ ma hakɛ la Alla ye, a si ma sɛninya ka ma bɔ mala ko-yogomɛ-bɛɛ rɔ, ado ale min telennɛ, a ye wo le mala. A si ma hakɛ makoto.

1 Samuwɛli 2:7

Ale Mari si donu nama-a-la ka donu fanan tabunden. Ale le si donu famayigi ka donu famayɛlɛ.