Daniyɛli 8:8 - ALLALA KUMƐ

⁸ Baa-kɔrɔn wo tora a kɔnkɔnna ata sɛnbɛla ko la kɔnɔ a sɛnbɛ ke a dan ma, a kere kelan wo kerita. A kere sɔnɛ kan min nun, kere nani bɔra nyɔ. Wo bɛɛ sungban latanɛ a dan na.

Daniyɛli 8:8 Iomraidhean Croise

2 Ko-Kɔrɔta-Karan 26:16

Mansa Yusaya ya sɛnbɛ sɔrɔn mansayɛ rɔ wati min, a wasira. Wo le ya a bɔ mansayɛ la. Bawo a ma bɛn, ale nyɛrɛ ni ta ata Mari Alla Bato-Bɔn la ka isɛnti mintan nyɔ kɔnɔ ale le bilara Mari la wola ko la.

Ɛsita 9:4

Ale Mɔdekɛyai, mɔgɔ-ba le ale la mansɛla bolɔn la, ado a sɛnbɛ ma ye tala kofula. A mankan ye tala nyamanɛ wo tonko nanɛ bɛɛ rɔ.

Yɛrɛmaya 49:36

A si fɔn-digidigi-wɛ latugu anu ma ka bɔ duninya-tonko-nanɛ bɛɛ rɔ. Fɔnyɔ wo si Ilam kɛ wonu tanyɛnsɛn duninya kun na. Duninya-tɛngbɛnya fenfen ti taran Ilam kɛ kɛnu ti ke kan min.

Yɛrɛmaya 5:27

Iko sansan lafanɛ sisinu na nya min, ka a tɛgɛ anuna yanfanteyɛ la, karagbɛlɛ kɛnu bara anuna bɔnnu nafa kankanya-fannu na wo nya na le. A bɛɛ ara ma-a-la kankanya-fan le tɔ.

Isikiyɛli 16:7

N ya a ma, i sabatira iko ki-fan. I ragbɛlɛyara gbon! I mara iko sunkurun-pose. I kinyɛnu tugura a rɔ. I yatelenma-siyi nanfara kɔnɔ hali wo, i makolɔn tora.

Isikiyɛli 28:9

Anu ba na a faga-tinɛ tumɛ min, a si to a fɔla ko Alla le ale la, wa? Anubɛ a fagalɛ yakɔrɛ wa ma kelen na, a si a lɔn worɔ ko hadama-den-gbansan le ale la. Alla ma ale la feu!

Daniyɛli 11:4

Kɔnɔ ala mansayɛ wa wara ha ka a dan-natenbi, ala nyamanɛ wo si tala nyamani nani na kɔnɔ mansa nanɛ wonu fenfen ti ma a kebila-nyɔgɔn la. Kɔnɔ hali wo, anu ti sɛnbɛ sɔrɔn ka ke ale mansɛ rɔ.

Daniyɛli 4:31

“Yanni n ni ban kumɛ wo fɔla, kuman-kan bɔra san ma. Wo ye a fɔla ko, ‘Ile Mansa Nɛbukanasa, i tole masɔ n kuman-kan la. Ila sɛnbɛ ara bɔ i bolo bi.

Daniyɛli 5:20

Kɔnɔ bawo a wasira ka ma tolo-gbɛlɛ anubɛ wunduyoge la, woletɔ Alla ya a bɔ ata sɔ tinɛ rɔ. A foora ala gbiliyɛ dama la.

Daniyɛli 7:2

Daniyɛli ko, “Nna kiyo kɛ rɔ, n ya fɔnyɔ yen bɔla duninya-tonko-nanɛ bɛɛ rɔ. A ye kɔgɔ-yi ralonkon-lankanna.

Daniyɛli 7:6

“N bi kɛ fanan mafɛlan kun na tumɛ min, n ya a sogo-sawa-nyɔgɛ yen. Wo manɛ le iko kuli kɔnɔ a kanban nani sɔnɛ a kɔɛ ma. Wonu manɛ iko konatɛ, ado a kunyɛ nani. Mansaya-sɛnbɛ dira a ma.

Daniyɛli 8:22

I ya a kere min yen kerila wo la, kere nani bɔra a gbɛ rɔ baa-kɔrɔn wo kunyɛ ma, wo kɔrɛ le ko Kirisi nyamanɛ si fara. A ni ma nyamani nani na. Kɔnɔ nyamani nani kɛnu ti sɛnbɛ sɔrɔn iko anu nakofunɛ wati min.

Daniyɛli 8:5

Nba, n bi n mirila kɛ kɔrɛ ma tumɛ min, n ya baa-kɔrɔn-burimatoe yen bɔla tele-yigi wara la. A manɛ iko a kin sa tugula dugi la. A kere-wa kelen sɔnɛ a ya filɛ tɛma, ado mɔgɔ nɛn-naban a yenna, i yɛ si bɛn a kere fɔlɔn na.

Daniyɛli 8:7

A ye saga-yigi wo kɛlɛla, n yɛ bɛnnɛ a ma. Saga-yigi wo tɔntɔn a bolo, wo kere filɛ kerita paun! Sɛnbɛ-wo-sɛnbɛ ma taran saga-yigi wo bolo tun. Baa-kɔrɔn ya a latosokoro dugu ma ka to a ratɛntɛnna. Mɔgɔ-wo-mɔgɔ ma ke a kisila.

Matiyu 24:31

Buru-wɛ si fɛ. N si nna melikanu nata duninya-tonko-nanɛ bɛɛ rɔ. Anu si nna mɔgɔ-yabɔnɛnu nadɛn ka bɔ duninya-tonko-nanɛ bɛɛ rɔ.

Maraka 13:27

N si nta melikanu nata duninya-tonko-nanɛ bɛɛ rɔ. Anu si nna mɔgɔ-yabɔnɛnu nadɛn ka bɔ duninya kan tinɛ bɛɛ rɔ.

Tɔn-Fɔɛ-Fila-Nyɔgɛ 31:20

N bara anu benbanu yili-madiya nyamani-hakikɛ min na, n si anu bi ka ta anu na nyɔ rɔ. Anu bi nyinina dɔn-fan min bɛɛsi ma, anu si wo bɛɛsi sɔrɔn nyɔ rɔ. Anu si taran anu diya nyɔ. Kɔnɔ hali wo, anu si anu kan-kɔ sɔ n na ka don bɛsi-kɔ-koenu tɔ. Anu si anu ban n na ka ma-tɛma-sarama-kan tinya.

Lankɛnimayɛ 7:1

Wo kɔma, n ya melika nani sɔnɛ yen dugu-kole-tonko-nanɛ rɔ. Dugu-kolo-fɔn-nani biranɛ anu bolo alako fɔnyɔ kana tugu dugu-kole anubɛ kɔgɔ-yi anubɛ kɔlɔmanu ma tun.