Daniyɛli 8:5 - ALLALA KUMƐ

⁵ Nba, n bi n mirila kɛ kɔrɛ ma tumɛ min, n ya baa-kɔrɔn-burimatoe yen bɔla tele-yigi wara la. A manɛ iko a kin sa tugula dugi la. A kere-wa kelen sɔnɛ a ya filɛ tɛma, ado mɔgɔ nɛn-naban a yenna, i yɛ si bɛn a kere fɔlɔn na.

Daniyɛli 8:5 Iomraidhean Croise

Daniyɛli 11:3

“Wo kɔma, Kirisi-mansa-gbɛrɛkɛ do si wuli. Wo si ma kɛlɛ-kurugbɛ la. Ala nyamanɛ si koloya, ado ko-wo-ko diyara a ye, a ye wo le mala.

Daniyɛli 2:32

A kunyɛ, sɛnɛ-bɛrɛbɛrɛ le wo la. A kɔgɛ anubɛ a kɛɛ, wodi-gbɛ le wonu na. A tɛmɛ anubɛ a wore, silɛɛ le wo la.

Daniyɛli 2:39

Ileta wati wa ban, nyamani-tigi-gbɛrɛkɛ si ila nyamanɛ bi. I kiyora a kɔgɛ anubɛ a kɛɛ min na, wodi-gbɛ, kɔni, wo le wo la. Wota mansayɛ ti ke iletɛ rɔ. Wo fanan ba tenbi, mansɛ do fanan si nyamanɛ bi wo bolo. Ile, ma tigi, kiyora tɛmɛ min na, silɛɛ, kɔni, mansɛ wo le wo la. Wota mansayɛ ti ke doi wotɛ rɔ.

Daniyɛli 7:6

“N bi kɛ fanan mafɛlan kun na tumɛ min, n ya a sogo-sawa-nyɔgɛ yen. Wo manɛ le iko kuli kɔnɔ a kanban nani sɔnɛ a kɔɛ ma. Wonu manɛ iko konatɛ, ado a kunyɛ nani. Mansaya-sɛnbɛ dira a ma.

Daniyɛli 8:21

Wo kɔma, i ya baa-kɔrɔn min yen wo la, wo tamasere le Kirisi mansayɛ wara-koe la. Mɔgɔ latiri a kere kelan min yenna wo la, Kirisi mansa fɔlɔtɛ le wo la.

Daniyɛli 8:6

Saga-yigi min bi yi-nɛ wo dafɛ, baa-kɔrɔn wo nara wo wara la. A burimatoe tugura saga-yigi wo kan ma.

Daniyɛli 8:8

Baa-kɔrɔn wo tora a kɔnkɔnna ata sɛnbɛla ko la kɔnɔ a sɛnbɛ ke a dan ma, a kere kelan wo kerita. A kere sɔnɛ kan min nun, kere nani bɔra nyɔ. Wo bɛɛ sungban latanɛ a dan na.