Daniyɛli 8:22 - ALLALA KUMƐ

²² I ya a kere min yen kerila wo la, kere nani bɔra a gbɛ rɔ baa-kɔrɔn wo kunyɛ ma, wo kɔrɛ le ko Kirisi nyamanɛ si fara. A ni ma nyamani nani na. Kɔnɔ nyamani nani kɛnu ti sɛnbɛ sɔrɔn iko anu nakofunɛ wati min.

Daniyɛli 8:22 Iomraidhean Croise

Daniyɛli 11:4

Kɔnɔ ala mansayɛ wa wara ha ka a dan-natenbi, ala nyamanɛ wo si tala nyamani nani na kɔnɔ mansa nanɛ wonu fenfen ti ma a kebila-nyɔgɔn la. Kɔnɔ hali wo, anu ti sɛnbɛ sɔrɔn ka ke ale mansɛ rɔ.

Daniyɛli 7:6

“N bi kɛ fanan mafɛlan kun na tumɛ min, n ya a sogo-sawa-nyɔgɛ yen. Wo manɛ le iko kuli kɔnɔ a kanban nani sɔnɛ a kɔɛ ma. Wonu manɛ iko konatɛ, ado a kunyɛ nani. Mansaya-sɛnbɛ dira a ma.

Daniyɛli 7:7

“N bi kɛ fanan mafɛlan kun na tumɛ min, n ya a sogo-nani-nyɔgɛ wo yen. A makilanta dɔgɔma-ma-de, ado a fanka kolo. Nɛgɛ-belebelenu denu manɛ a nyin la. A ye fan min birala, a nyin si wo ramɛsɛ-mɛsɛya. A toe min bi tola, a si wo nunku a kian la. Ale faranɛ soge doinu ma feufeu, bawo kere tan ye a kunyɛ ma.

Daniyɛli 8:21

Wo kɔma, i ya baa-kɔrɔn min yen wo la, wo tamasere le Kirisi mansayɛ wara-koe la. Mɔgɔ latiri a kere kelan min yenna wo la, Kirisi mansa fɔlɔtɛ le wo la.

Daniyɛli 8:23

“Nyamani nani kɛnuna wati-laban wa ke tumɛ min, ado anu hakɛ dan na ara tenbi, mansa-gbɛrɛkɛ si wuli anu tɛma nyɔ. Wo si ma mansa-wunduyoge anubɛ karagbɛlɛ anubɛ yanfante la.

Daniyɛli 8:3

N ya n yɛ lata. N ya saga-yigi-sɔnɛ yen yi wo dafɛ. A kere-yan filɛ ye a kuma. Doi yan doi ko kɔnɔ a wurumɛ wo fɔlɔn bɔra. A yanmɛ bɔra ala ban la.

Daniyɛli 8:8

Baa-kɔrɔn wo tora a kɔnkɔnna ata sɛnbɛla ko la kɔnɔ a sɛnbɛ ke a dan ma, a kere kelan wo kerita. A kere sɔnɛ kan min nun, kere nani bɔra nyɔ. Wo bɛɛ sungban latanɛ a dan na.

Sakaraya 6:1

Ko-rayirɛ do kera n ye tun. Kɛ rɔ, n ya kirindi nani yen nala ka bɔ sila-kɔnkɔ fila tɛma.