Daniyɛli 8:15 - ALLALA KUMƐ

¹⁵ Nde, Daniyɛli ye ko-rayirɛ kɛ kɔrɛ lɔn-koe rɔ tumɛ min, latiriya-bole wo ma, n ya fan do yen sɔni n yakɔrɔ min muninyanɛ hadama-dan la.

Daniyɛli 8:15 Iomraidhean Croise

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Daniyɛli 10:16

Wo kɔma, melika min sɔnɛ n dafɛ nun, wo nara a bole tugun n da-gbole la. N dɛ fulenta. N ya a fɔ a ye ko, “N tigi, n mɔlɔkɔnɛ ko-rayen kɛ bolo. Ha bi, n bi yɛrɛyɛrɛnna.

Daniyɛli 10:18

A ya a bole tugun n na tun. N tagbɛlɛyara.

Daniyɛli 10:5

N ya n yɛ lata ka melika sɔnɛ yen iko hadama-dan, linɛn-kurɛ bilanɛ a kan na, a buta kirinɛ sɛnɛ-hakikɛ la.

Daniyɛli 12:8

Melika kɛ ya min fɔ, n ya wo lamɔɛn kɔnɔ nde, Daniyɛli ma a kɔrɛ lɔn. Woletɔ n ya nyinikalɛ sa, n ko, “N fa, koe kɛ damasi si a laban kama?”

Daniyɛli 7:13

“Nna kiyo kɛ rɔ, n ya fan do yen min muninyanɛ hadama-dan la. A ye nala n magbenna, a lafoonɛ banda-finyɛ la. A tara a sɔ Habadan-Tigi-Alla dafɛ, anu ya a raka wo la.

Daniyɛli 7:28

“N ya koe min bɛɛsi yen nna kiyo rɔ, wo le kɛ la. N kilanta furr, ha n mɔlɔkɔnta kɔnɔ n ya a bira n tɔ.”

Daniyɛli 8:1

Bɛlisasata mansayɛ san fila, a sawa nyɔgɛ ma Babilɔn nyamanɛ rɔ, ko-rayira fila nyɔgɛ kera nde, Daniyɛli ye.

Daniyɛli 8:19

A ko, “Allata diminya-wati ye nala a labanna nya min, n bi nala wo le fɔla i ye kɛ la. Alla ara wati min natɛgɛ watila ban wara-koe rɔ, ko-rayirɛ kɛ kolomɛ le wo wara-koe la.

Sakaraya 1:9

Melika min bi ko-rayirɛ kɛ kɔrɛ yirala n na, n ya wo manyinika ko, “N fa, soee kɛnu kɔrɛ ye kama?” Wo ya a fɔ n ye ko a si a kɔrɛ yira n na.

Matiyu 13:36

Wo kɔma, Yisa bɔra nyama tɛma ka don bɔn la. Ala karan-dannu nara a wara. Anu ko, “Bin-kole min bi sɛnɛ rɔ, tili wo kɔrɛ fɔ ma ye.”

Matiyu 24:15

“Nɛbi Daniyɛli ya kisimiriya-koe minna ko fɔ, wo si wo sɔnɛ yen Kan-Tina-Sɛnimɛ rɔ Alla-Bato-Bɔn la. (Minnu bi kɛ karanna, anu ni anu taya a kɔrɛ-lɔn-koe ma!)

Matiyu 24:30

Wo kɔma, nde, Hadama-dan tamasere si bɔ gbɛ rɔ san ma. Duninya bɔnsɔn bɛɛ wa nde, Hadama-dan yen nala banda-fin-gbɛ rɔ tumɛ min sɛnbɛ anubɛ gbiliya-ba rɔ, anu si di biribiri!

Maraka 13:14

“Wo si ‘kisimiriya koe’ sɔnɛ yen kan tinɛ do rɔ, a sɔ tina ma min na. (Minnu bi kɛ karanna, anu ni anu taya a kɔrɛ-lɔn koe ma!) Minnu bi Yudiya nyamanɛ rɔ, wonu ni anu buri ka yɛlɛ kɔnkɛnu kuma.

Maraka 4:12

Woletɔ (iko a sɛbɛnɛ Allata kitabu rɔ nya min), ‘Anu si to fan yenna kɔnɔ anu ti a ragbɛ. Anu si to anu tole masɔla kɔnɔ anu ti a nya-yen. Bawo ni anu ya ko ragbɛ ka a nya-yen, anu si yɛlɛma Alla wara la. A si anu makoto worɔ.’ ”

Yasowa 5:14

Kei wo ya a yabi ko, “Marila kɛlɛ-den-kun-tigi le nde la.” Yasowa ya a sa dugi ma a kɔrɔ ka a bato. A ya a fɔ kei wo ye ko, “Ila wɔli-kɛlɛ le nde la. I ye a fɛ, n ni nfen ma?”

Lankɛnimayɛ 1:13

N ya dali-fan do yen wonu tɛma min manɛ iko hadama-dan. Duruki ye a kan na min yiginɛ fɔɔ a kin-nɔlɔnɛ. Sɛnɛ-butɛ-kiri-fan kirinɛ a kɔgɛ ma.

Lankɛnimayɛ 13:18

Bɛɛ ni hɛnkili sɔrɔn kɛ ma. Hɛnkili ye min bolo, wo si ke ka sogo-feremɛ wo tɔgɛ-yatɛ-kɔrɛ lɔn bawo mɔgɛ-tɔgɛ-yatɛ le wo la. A yatɛ le kɛmɛ wɔrɔ, bi-wɔrɔ ani wɔrɔ (666) la.