Daniyɛli 8:13 - ALLALA KUMƐ

¹³ Wo kɔma, n ya a yen, melika fila ye kumala anu nyɔgɔn na. Doi ko, “Koe min bi mala ko-rayen kɛ rɔ, wo si to a kun na ha wati nyamintan? Kisimiriya-koe kɛnu si to a kun na ha wati nyamintan sarakɛnu gbɛ rɔ? Anu si to Arinyɛnɛta-kɛlɛ-dannu anubɛ Bato-Bɔn ratɛntɛnna ha wati nyamintan?”

Daniyɛli 8:13 Iomraidhean Croise

Yaburi 74:10

E, Alla, ma yogenu si to yɛlɛnna i ma ha tumɛ nyamintan? Anu si to i mamɔɛnna le, wa?

Yaburi 74:9

Mala kabana-ko-tamasere bɛɛ ara tunu don! Hali mala nɛbinu, anu ma anu to anu kɔma, ado mɔgɔ ma kɛ laban-wati lɔn.

Yaburi 79:5

Mari, i fondo-bɔnɛ si to ma kuma tolon, wa? I fonde si to bɔni ma kan ma iko tɛ tenbi kikɔlɛ la, wa?

Aiseya 28:18

Wobɛ sayɛ ya sarama-kan min kiri wo nyɔgɔn tɛma, a ko a ara wo tinya pɔ! Wobɛ lakira ya sarama-kan min kiri, a ko a ya tɔn sigi wo la. Kasarɛ wa yigi wo kuma, a si wo ratɛntɛn dugu la.

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Aiseya 63:18

Ila Bato-Bɔn taranta ma bolo wati-kundu-ni kɔrɔ. Kɔnɔ ma yogenu bara anu kian sɔ kan-tina-sɛnimɛ wo rɔ.

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Yɛrɛmaya 12:10

Sibolo-gbɛrɛ kun-tigi-siyaman si nta ki-fannu tinya. Anu si ki-fan wonu tatɛntɛn ka anu nunku tɔi! Anu si nna sɛnɛ-hakikɛ ma iko wula-da-rakolɔn.

Daniyɛli 11:31

Ala kɛlɛ-kɛ-dan donu si Alla Bato-Bɔn tinya. Anu si tɔn sigi sɔgɔma ani wurala-saraka-bɔɛnu na. Anu si kisimiriya-bɛsɛ sɔ Alla Bato-Bɔn kan-tina-sɛnimɛ rɔ.

Daniyɛli 12:11

“Ka a bi tɔn-sigi-wati ma sɔgɔma ani wurala-saraka-bɔ-koe rɔ, ha anu si kisimiriya-bɛsɛ sɔ Alla Bato-Bɔn kan-tina-sɛnima rɔ, wo si tele waga kelen, tele kɛmɛ fila ani tele bi-kɔnɔntɔ (1,290) bɔ.

Daniyɛli 12:8

Melika kɛ ya min fɔ, n ya wo lamɔɛn kɔnɔ nde, Daniyɛli ma a kɔrɛ lɔn. Woletɔ n ya nyinikalɛ sa, n ko, “N fa, koe kɛ damasi si a laban kama?”

Daniyɛli 4:10

“N bi kinɔgɔ rɔ tumɛ min, n ya ko-rayen-kɛ. N ya kɔlɔma-kuru-belebele kelen yen dugi tɛma.

Daniyɛli 4:13

“N bi n mirila kɔlɔma kɛ ladan-bole ma tumɛ min, n ya melika-su-do yen yigila ka bɔ san ma.

Daniyɛli 4:23

Ale Daniyɛli ya a fɔ n ye tun ko n ya melika min yen yigila ka bɔ san-kole rɔ, wo ya a fɔ nun ko ka kɔlɔma tɛgɛ. Melika ya a fɔ nun fanan ko ka a ratɛgɛtɛgɛ kɔnɔ a kuri, wo ni to dugi rɔ. A ko ka nɛgɛ anubɛ silɛɛ sa a ma ka a kiri. A ko ka a gbankan to sani binyɛ tɛma. Duri ni to yigila a ma. A ni to sogenu tɛma san wɔrɔnfila kɔrɔ.”

Daniyɛli 7:16

N tara melika kelen taran melika-siyamɛ kɛnu tɔ ka a manyinika ni kiyo kɛ kɔrɛ ye min na.” A ya a kɔrɛ fɔ n ye.

Daniyɛli 7:23

“Melika kelan wo ya kiyo kɛ kɔrɛ rakaran n ye nya min, wo le kɛ la. A ko a sogo-ferema-nani-nyɔgɛ kɛ si ma mansa-bon-nani-nyɔgɛ la. Dan-nafarɛ ye mansa-bon sawɛ anubɛ a nani-nyɔgɛ kɛ tɛma. A nani nyɔgɛ si duninya kɛ rakese-kesen ka a nunku.

Daniyɛli 9:27

Ale kun-tigi-sɛnbɛmɛ wonubɛ mɔgɔ-siyaman si lanyiri kiri anu nyɔgɔn tɛma san wɔrɔnfila kɔrɔ. Wati wo wa tala a tɛma, a si tɔn sigi saraka-mintantɛnu anubɛ saraka doinu na. Kun-tigi wo si kisimiriya-bɛsɛ do sigi Alla Bato-Bɔn la kan-tina-sɛnimɛ rɔ. A si to nyɔ ha min ya ale bɛsɛ ladan, wo tɔrɔya-wati ni na iko Alla ya a rabɛn a ye nya min.”

Sakaraya 1:19

Ale melika min bi ko-rayirɛ kɛ kɔrɛ yirala n na, n ya wo manyinika tun, n ko, “Kere kɛnu kɔrɛ ye kama wo?” Ale ko, “Wonu denu bi duninya-fanka-tiginu tamasereyɛ la min bara a ma, Yuda anubɛ Isirɛla nyamanita-mɔgɛnu anubɛ Yerusalɛm so-burɔ-mɔgɛnu ta ara nyɛnsɛn.”

Sakaraya 14:5

A tɛmɛ wo si ma wunban la. Wunban wo si ma wo buri-kɛ-kilɛ la. Wo si wo buri iko wo benbanu ya a ma nya min dugu-yɛrɛyɛran kɔrɔ Yuda Mansɛ Yusayata wati rɔ. Nta Mari Alla si na ata melika bɛɛ la a bolo.

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Matiyu 24:15

“Nɛbi Daniyɛli ya kisimiriya-koe minna ko fɔ, wo si wo sɔnɛ yen Kan-Tina-Sɛnimɛ rɔ Alla-Bato-Bɔn la. (Minnu bi kɛ karanna, anu ni anu taya a kɔrɛ-lɔn-koe ma!)

Maraka 13:14

“Wo si ‘kisimiriya koe’ sɔnɛ yen kan tinɛ do rɔ, a sɔ tina ma min na. (Minnu bi kɛ karanna, anu ni anu taya a kɔrɛ-lɔn koe ma!) Minnu bi Yudiya nyamanɛ rɔ, wonu ni anu buri ka yɛlɛ kɔnkɛnu kuma.

Luka 10:22

“N Fa ara fan bɛɛ dantɛgɛ n ma. Mɔgɔ-wo-mɔgɔ ma nde, ala dan lɔn fɔ n Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.”

Luka 21:20

“Wo wa Yerusalɛm lafoonɛ yen kɛlɛ-dannu na tumɛ min, wo si a lɔn worɔ ko a kasara-tumɛ ara gbɛrɛn.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Yɔni 1:18

Mɔgɔ ma Alla yen bɛ. Allatalata Den kelen pe, Alla nyɛrɛ, kɔni, wo ara a Fa yira ma la, ado a gbɛrɛnnɛ a Fa ma.

Tɔn-Fɔɛ-Fila-Nyɔgɛ 33:2

A ya a fɔ ko, “Mari ya a nyɛrɛ yira ma la Sinayi kɔnkɛ kuma. A bɔra gbɛ rɔ ma ye iko sun-tele-tiyi Idɔm nyamanɛ rɔ, Sira kɔnkɛ ye kan min. A ya waan raka ma ma Paran kɔnkɛ dafɛ. Mari nara melika waga tan tɛma. Ta-mɛlan ye dugula wara la.

1 Tɛsalonaika 3:13

Alamɛ wo yisi ragbɛlɛyara alako ma Mari Yisa anubɛ ata mɔgɔ-sɛnimɛnu ba na tumɛ min, wo sɛninyanɛ ni taran ma Fa Alla yala.

Hiburunu 10:29

Nba, ni anu ma kinikini mɔgɔ-su wo ma, mɔgɛ min bi Allata dan lafɛyala don? Wotɛ si ma kama? Alla ya lanyiri kiri yele min fɛ, ni min ya wo bi iko fan min dɛ ma gbɛlɛ, wotɛ si ma kama? Ado nfan, yele wo ya a sɛninya. Ata Ni-Sɛnimɛ min si hina ma la, min bi wo lafɛyala don? Wo si tɔrɔyɛ min nyɔgɔn sɔrɔn, i miri wo ma tun!

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.

Yude 1:14

Ma benba Hadama bɔnsɔn wɔrɔnfila nyɔgɛ, n fa Inɔki, kɔni, wo ya wɔlɔyiyɛ kɛ foninya-karan-mɔgɔ wonuna ko la kebi fɔlɔ. A ko, “Wo ni wo tole masɔ! Mari si na ala melika-sɛnimɛ waga siyaman na a bolo

Lankɛnimayɛ 11:2

Kɔnɔ kata-burɛ minnu bi Alla-Bato-Bɔnla minɛ rɔ, i kana nyɔ suman bawo kan tinɛ wonu bara di sibolo-gbɛrɛnu ma. Anu si So-Sɛnimɛ kɛ radɔn karɛ bi-nani ani karɛ fila (42) kɔrɔ.

Lankɛnimayɛ 6:10

Anu gbele-gbelenta kan-ba la ko, “Ma Mari Sɛnbɛ Bɛɛ Tigi, sɛninya-tigi anubɛ tonya-tigi le ile la! I si duninya-mɔgɛ bɛɛ kiti ka anu tɔrɔ ma faga-koela ko la tumɛ nyamintan?”

Kɛlɛ-Kurugbɛnu 13:18

Melika ya a manyinika, a ko, “N tɔgɛ-lɔn-sɔgɛ ye i la kama? N tɔgɔ nya ti yen wo bolo.”