Daniyɛli 8:11 - ALLALA KUMƐ

¹¹ Kere wo nyɛrɛ bilara Alla nyɛrɛ la, ale min bi Arinyɛnɛta-kɛlɛ-dannu kun na, kɔni. Anu bi sarakɛ minnu bɔla Alla ye tele-wo-tele, a ya wo tinya. A ya Mari Bato-Bɔn tinya.

Daniyɛli 8:11 Iomraidhean Croise

Aiseya 37:23

A ko ale Sɛnakaribu mirinɛ ko a ye yon nafɛyala? A sa Isirɛlata Mari Alla-sɛnimɛ gbiliyala,

Aiseya 37:29

A ko a ara diminya min kɛ, Mari ara wo nya-yen. A ko a ara ala wasinteyɛ lɔn. Mari ko a si a sunyɛ-sɔgɔ-lunyɛ la ka karafɛ kɛ a dɛ ma ka a lasɛgi a gbere fɛ a bɔra kan min.”

Yɛrɛmaya 48:26

Mari ko, “Wo ni Mohabu kɛnu lamin kɔlikɔli, bawo anu bara murutiya ale Mari ma. Mohabu si a mataragban a nyɛrɛ tesere gbɛ rɔ ha mɔgɛnu ni a mayɛlɛn.

Yɛrɛmaya 48:42

A ko Mohabu nyamanɛ si kasara. A ti ma nyamanɛ la tun bawo a ara murutiya Mari ma.

Isikiyɛli 46:14

Wo kɔma, anu si dɛgɛ-munke pani-kunbɛ-nya fila bɔ fui-fen-sarakayɛ la ka a ramaga tulu-kilasi-nya nani na. Wo si sa saga-dan kuma. Nde, Marita saraka-bɔ-nya kɛnu si ma tɔn la wo ye habadan!

Daniyɛli 11:22

Ni min ya a rasɛ hali a mara Allata saraka-masɔla-kun-tigi-wɛ la, a si a tɔrɔndɔ iko gboron-gboronna yi si yanba-kun-gbalɛ tɔrɔndɔ nya min.

Daniyɛli 11:31

Ala kɛlɛ-kɛ-dan donu si Alla Bato-Bɔn tinya. Anu si tɔn sigi sɔgɔma ani wurala-saraka-bɔɛnu na. Anu si kisimiriya-bɛsɛ sɔ Alla Bato-Bɔn kan-tina-sɛnimɛ rɔ.

Daniyɛli 12:11

“Ka a bi tɔn-sigi-wati ma sɔgɔma ani wurala-saraka-bɔ-koe rɔ, ha anu si kisimiriya-bɛsɛ sɔ Alla Bato-Bɔn kan-tina-sɛnima rɔ, wo si tele waga kelen, tele kɛmɛ fila ani tele bi-kɔnɔntɔ (1,290) bɔ.

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.

Daniyɛli 7:25

Alla Min Bi Fan Bɛɛ Kun Na, mansɛ wo si wo rasɛ ka ala mɔgɔ-sɛnimɛnu nyankankantan. A si anuta ladɛn-sɛnimɛnu tinya anubɛ anuta tɔnnu, ado Allata mɔgɛnu si taran ata sɛnbɛ kɔrɔ san sawa anubɛ a tala.

Daniyɛli 8:12

Ka a tɛgɛ mɔgɛna kisimiriya-ko-ladan la nyɔ, mɔgɛnu ma ke sarakɛnu bɔla tun iko anu duruta a mala nya min. Kere wo ya Alla-bato-koe fili dugu ma, ado a ya koe min bɛɛsi ma, a mara-a-la wonu dama rɔ.

Daniyɛli 8:24

Wo si sɛnbɛ sɔrɔn dɔgɔma-ma-de kɔnɔ a nyɛrɛ sako ma. A si kasara-siyaman kɛ, ado a ya a bole don ko-wo-ko rɔ, wo ra si bɛn a ma. A si sɛnbɛ-tiginu kasara, hali Allata mɔgɛnu.

Daniyɛli 8:25

Ka a tɛgɛ ala kɛwuyɛ wo ma, ala yanfanteyɛ wo bɛɛ ra si bɛn a ma. A si ma mɔgɔ-makawanɛ la a nyɛrɛ yala. Hali a ma minnu nalɔn, a si wonu natɛrɛna ka anu kasara. Hali wo, a si Mansɛ-Bɛɛta-Mansɛ kɛlɛ, Alla nyɛrɛ, kɔni. Kɔnɔ tɔ-a-la, a si kasara kɔnɔ a tɔgɔ ti to hadama-den na.

Daniyɛli 9:25

I tole masɔ bɛrɛkɛ! Ka a bi anu ya Yerusalɛm sɔ-koe fɔ a kurɛ la tumɛ min ha Allata-Mɔgɔ-Yabɔnɛ ni na, fɔ san wɔrɔnfila sigi tina wɔrɔnfila (49) wa tenbi. Anu si soe wo tarɛ kɔmɛ lafoo denka-rayan-bɛ la ka so-burɔ-luyinu tabɛn a kilɛ fɛ. A si san bi-wɔrɔ san fila sigi tina wɔrɔnfila (434) bɔ, soe wo sɔnɛ si to. Kɔnɔ wati wo bɛɛ si ma anu bolo tɔrɔyɛ la.

Yilan-Yilan Koe 28:3

“Saraka-mintantɛ le kɛ la wo si min dantɛgɛ Mari ma. Tele-wo-tele, wo si na saga-yigi fila la wo bolo. Sagɛ wonu si ma san-kelen-sagɛ la fɛɛ sa minnu na.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.

Hiburunu 2:10

Alla min bi dali-mansɛ la, a bɛnta ko a ni Yisa lakanbali tɔrɔyɛ fɛ. A ya wo ma alako Allata den siyamɛnu si ata gbiliyɛ sɔrɔn a fɛ nya min, ado Yisa le sɔra anu yarɔ anu kisi-koe la.

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”