Daniyɛli 7:6 - ALLALA KUMƐ

⁶ “N bi kɛ fanan mafɛlan kun na tumɛ min, n ya a sogo-sawa-nyɔgɛ yen. Wo manɛ le iko kuli kɔnɔ a kanban nani sɔnɛ a kɔɛ ma. Wonu manɛ iko konatɛ, ado a kunyɛ nani. Mansaya-sɛnbɛ dira a ma.

Daniyɛli 7:6 Iomraidhean Croise

Isikiyɛli 17:3

alako anu ni a lɔn nde, wo Tigi Mari ye min fɔla wo ye. Kokɛ-belebele do ye nyɔ nun min kanban tafulennɛ. A kanban-tiyi wonu kin dɔgɔma-ma-de! A kanban wonu tagbɛlɛ. A gbanta ka ta Lɛbanan kɔnkɛnu kuma. A ke nyɔ, a ya sida-kɔn-sungban do keri.

Daniyɛli 10:20

Wo kɔma a ko, “I ya a lɔn n nara i wara min na, wa? Min sɛbɛnɛ Allata Tonya-Buku rɔ, n nara wo ragbɛ tinɛ i ye. N ba ban kɛ rakaranna i ye, n bi sɛgila Pasiya nyina-yogomɛ kɛlɛ tinɛ. N ban wo kɛlɛla, Kirisi nyamanɛ nyina-yogomɛ si na n kan ma. Mɔgɔ-wo-mɔgɔ ti na n dɛnbɛn n yoge kɛnu kɛlɛ tinɛ, fɔ Isirɛla kandan-melika, Maikali, kɔni.”

Daniyɛli 2:39

Ileta wati wa ban, nyamani-tigi-gbɛrɛkɛ si ila nyamanɛ bi. I kiyora a kɔgɛ anubɛ a kɛɛ min na, wodi-gbɛ, kɔni, wo le wo la. Wota mansayɛ ti ke iletɛ rɔ. Wo fanan ba tenbi, mansɛ do fanan si nyamanɛ bi wo bolo. Ile, ma tigi, kiyora tɛmɛ min na, silɛɛ, kɔni, mansɛ wo le wo la. Wota mansayɛ ti ke doi wotɛ rɔ.

Daniyɛli 7:4

N ya a fɔlɔtɛ min yen, wo mani de iko yarɛ kɔnɔ a kanbannu bi a ma iko kokɛ. N bi a mafɛlan wo kun na, n ya fan do yen a kanban wonu wurunnɛ a ma. Fan do ya a bi ka a sɔ a kin filɛ kun na iko hadama-dan. Hadama-den-miriya dira a ma wati wo rɔ.

Daniyɛli 7:5

“Wo kɔma, n ya sogo-ferema fila nyɔgɛ min yen, wo mani de iko yarama-yɛlɛnkan. Wo sɔnɛ a kɔma kin filɛ kun na. Kɔgɔ-barasa-kolo sawa kankannɛ a dɛ la. Soge wo ya kuman-kan lamɔɛn ko, ‘Ta, i ni soge dɔn iko a di i ye nya min.’

Hoseya 13:7

Woletɔ n si kɛ wo ma iko yarɛ. N si wo makɔni kilɛ la iko kuli.

Lankɛnimayɛ 13:2

N ya sogo-feremɛ min yen wo la, a manɛ iko kuli. A kiannu mani de iko suluku-kinama-wɛtɛ. A dɛ mani de iko yarɛ-dɛ. Ninkinankɛ le ya a nyɛrɛta sɛnbɛ di sogo-feremɛ wo ma anubɛ ata mansayɛ anubɛ ata sarati-wɛ.