Daniyɛli 7:5 - ALLALA KUMƐ

⁵ “Wo kɔma, n ya sogo-ferema fila nyɔgɛ min yen, wo mani de iko yarama-yɛlɛnkan. Wo sɔnɛ a kɔma kin filɛ kun na. Kɔgɔ-barasa-kolo sawa kankannɛ a dɛ la. Soge wo ya kuman-kan lamɔɛn ko, ‘Ta, i ni soge dɔn iko a di i ye nya min.’

Daniyɛli 7:5 Iomraidhean Croise

2 Mansɛnu 2:24

Nɛbi Ilaisa ya a tintan ka a yɛ wuya a rɔ. Wo kɔma, a ya anu danka Mari tɔgɛ rɔ. Tiriyante wo rɔ, sogo-ferema fila bɔra anu burila firɛ rɔ ka na kemini-mɛsɛ mɔgɔ bi-nani ani mɔgɔ fila (42) mafarafara.

Hɛnkilimaya-Kumɛnu 17:12

Yanni i ni kun-takolɔn taran masiba-koe ladanna, a fisa, i ni yara-denbɛ taran minna dannu bara tunu a ma.

Aiseya 56:9

Mari ko wole sogo-feremɛnu, wo na sagɛnu tafarafara. Wole firarɔ-sogenu, wo na ala mɔgɛnu dɔn kedeku!

Daniyɛli 11:2

Nba, melika min sɔnɛ n dafɛ, wo ko fanan, “Min sɛbɛnɛ Allata Tonya-Buku rɔ, n bi nala wo fɔla i ye, ado tonyɛ le wo la. Mansa-nani-gbɛrɛ si na mansayɛ kɛ Pasiya nyamanɛ kun na kelen-kelenyɛ ma kɔnɔ a nani-nyɔgɛ si ma nɔnfulu-tigi la ka tenbi a to sawɛ kɛnu na. Ala nɔnfulu-tigiyɛ wo si a ma, a ni wuli Kirisi mansɛ kan ma.

Daniyɛli 2:39

Ileta wati wa ban, nyamani-tigi-gbɛrɛkɛ si ila nyamanɛ bi. I kiyora a kɔgɛ anubɛ a kɛɛ min na, wodi-gbɛ, kɔni, wo le wo la. Wota mansayɛ ti ke iletɛ rɔ. Wo fanan ba tenbi, mansɛ do fanan si nyamanɛ bi wo bolo. Ile, ma tigi, kiyora tɛmɛ min na, silɛɛ, kɔni, mansɛ wo le wo la. Wota mansayɛ ti ke doi wotɛ rɔ.

Daniyɛli 5:28

Ka a fɔ, ‘A TALA,’ wo kɔrɛ le, Alla ara ila nyamanɛ bi i bolo ka a ratala Midiya kɛnu anubɛ Pasiya kɛnu na.”

Daniyɛli 7:4

N ya a fɔlɔtɛ min yen, wo mani de iko yarɛ kɔnɔ a kanbannu bi a ma iko kokɛ. N bi a mafɛlan wo kun na, n ya fan do yen a kanban wonu wurunnɛ a ma. Fan do ya a bi ka a sɔ a kin filɛ kun na iko hadama-dan. Hadama-den-miriya dira a ma wati wo rɔ.

Daniyɛli 7:6

“N bi kɛ fanan mafɛlan kun na tumɛ min, n ya a sogo-sawa-nyɔgɛ yen. Wo manɛ le iko kuli kɔnɔ a kanban nani sɔnɛ a kɔɛ ma. Wonu manɛ iko konatɛ, ado a kunyɛ nani. Mansaya-sɛnbɛ dira a ma.

Hoseya 13:8

N si kɛ wo ma iko sogo-ferema-yuwan, ala dan wa tunu a ma. A si wo buyi laka. A ye kɛla wo ma kan min, a ye wo dɔnna nyɔ le sa! N si wo rafarafara iko sogo-dalamɛ si a ma nya min.

Lankɛnimayɛ 13:2

N ya sogo-feremɛ min yen wo la, a manɛ iko kuli. A kiannu mani de iko suluku-kinama-wɛtɛ. A dɛ mani de iko yarɛ-dɛ. Ninkinankɛ le ya a nyɛrɛta sɛnbɛ di sogo-feremɛ wo ma anubɛ ata mansayɛ anubɛ ata sarati-wɛ.