Daniyɛli 7:25 - ALLALA KUMƐ

²⁵ Alla Min Bi Fan Bɛɛ Kun Na, mansɛ wo si wo rasɛ ka ala mɔgɔ-sɛnimɛnu nyankankantan. A si anuta ladɛn-sɛnimɛnu tinya anubɛ anuta tɔnnu, ado Allata mɔgɛnu si taran ata sɛnbɛ kɔrɔ san sawa anubɛ a tala.

Daniyɛli 7:25 Iomraidhean Croise

Aiseya 37:23

A ko ale Sɛnakaribu mirinɛ ko a ye yon nafɛyala? A sa Isirɛlata Mari Alla-sɛnimɛ gbiliyala,

Daniyɛli 11:28

Siriya mansɛ wo si fan min bɛɛsi bira kɛlɛ rɔ, a si a warɛ-kilɛ bira wonu na a bolo. Wo miriya ye a bolo ka Alla-bato-koe tinya, ado a si wo ma. A wa ban wonu mala, a ni to sɛgila a warɛ-nyamanɛ rɔ.

Daniyɛli 12:7

Melika wo ya a bolo filɛ layɛlɛ san ma ka lanyiri kiri habadan-Mari tɔgɛ rɔ. Nde, Daniyɛli ya a lamɔɛn a ye a fɔla ko, “A si san sawa ani a tala bɔ. Allata mɔgɛnuta tɔrɔya-wati wa ban tumɛ min, wo le ye a taranna ko-nya kɛ damasi ara ka-a-la.”

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

Daniyɛli 3:26

Ale mansɛ wo nyɛrɛ-nyɛrɛ tara sulubondɔn wo don-dɛ la. A ya a kuli mayɛlɛ ka kemini-mɔgɔ sawɛ wonu takele. A ko, “Sadiraki! Mɛsaki! Abɛdinigɔ! Alla Min Bi Fan Bɛɛ Kun Na, wole, a batolɛnu, wo bɔ tɛ rɔ. Wo ni na yan.” Mɔgɔ sawɛ wonu bɔra tɛ rɔ.

Daniyɛli 4:17

Melikanu denu-denu bara ban a latɛgɛla wo nya. Woletɔ duninya-mɔgɛ bɛɛ si a lɔn ko Alla Min Bi Fan Bɛɛ Kun Na, sɛnbɛ ye wo le bolo duninya-mansɛnu kun na. Min ba diya a ye, a si ke le mansayɛ dila wo ma, hali wo tigi ma kolo.’

Daniyɛli 4:2

Alla Min Bi Fan Bɛɛ Kun Na, wo ara kabana-ko-siyaman yira n na. Wo ni wo tole masɔ. A di n ye, n ni wonu takaran wo ye.

Daniyɛli 4:25

anu si nde gben mɔgɔni-gbuyinu tɛma alako n ni ta basan sogenu na binyɛ rɔ. A ko san wɔrɔnfila, n bi binyɛ dɔnna iko ninki. A ko n si to kila gbɛkole ma. Duri si to yigila n ma nyɔ. A ko wonu ba ma n na tumɛ min, wo ara a yira n na worɔ ko Alla Min Bi Fan Bɛɛ Kun Na, sɛnbɛ ye wo bolo duninya-mansɛnu kun na. Min ba diya a ye, a si ke le mansayɛ dila wo ma.

Daniyɛli 4:32

I hadama-den-nyɔgɛnu si i gben anu tɛma. I si ta basan sogenu na binyɛ rɔ. San wɔrɔnfila, i ye binyɛ dɔnna wonu fɛ iko ninki. San wɔrɔnfila wo wa ban tumɛ min, i si a lɔn worɔ ko sɛnbɛ ye nde, Alla Min Bi Fan Bɛɛ Kun Na bolo duninya-mansɛnu kun na. Min ba diya n ye, n si ke le mansayɛ dila wo ma.’

Daniyɛli 7:18

Kɔnɔ tɔ-a-la, Alla Min Bi Fan Bɛɛ Kun Na, wola mɔgɔ-sɛnimɛnu si duninyama-kun-tigiyɛ sɔrɔn, ado wo ti bɔ anu bolo muk!’

Daniyɛli 7:20

A sɔgɛ ye n na fanan, a kere tan minnu bi a kuma, n ni wonu bara-koe lɔn. A sɔgɛ ye n na fanan, kere-nɛ min yɛlɛta kere doinu tɛma ka sawa bɔ nyɔ, n ni wo wara-koe lɔn fanan. Kere-nɛ wo, a yɛ ye nyɔ, ado mankan-tugu-dɛ ye a kuma. Hali a dɔgɔ kɔnɔ a ragbɛlɛ a ta-nyɔgɛnu ko.

Daniyɛli 7:8

N bi n mirila kere wonu bara-koe ma tumɛ min, n ya kere-nɛ do yen yɛlɛla kere doi wonu tɛma. A yɛlɛmatoe ya kere sawa tuntun kere kɛnu tɛma ka wonu nabɔ. Hadama-den-yɛ ye kere nɛ wo bolo, ado mankan-tugu-dɛ ye a bolo.

Daniyɛli 8:11

Kere wo nyɛrɛ bilara Alla nyɛrɛ la, ale min bi Arinyɛnɛta-kɛlɛ-dannu kun na, kɔni. Anu bi sarakɛ minnu bɔla Alla ye tele-wo-tele, a ya wo tinya. A ya Mari Bato-Bɔn tinya.

Daniyɛli 8:14

Melika doi fanan ya a yabi, a ko, “Anu si to kɛ kun na tele waga kelen, tele kɛmɛ kelen ani tele bi-loli kɔrɔ (1,150). Tele kɛnu ma, anu si to foola saraka-bɔɛ la sɔgɔma ani wurɛ la tele-wo-tele. Tele kɛnu ba tenbi tumɛ min, Bato-Bɔn wara-koe si ta a kilɛ fɛ.”

Daniyɛli 8:9

A kere nanɛ wonu tɔ, kelan bolɔn sɔra a ma, ado mɔgɔ nɛn-naban a yenna, i yɛ si bɛn a kere fɔlɔn na. Bolon-nɛ min sɔra a ma wo la, wo fanka tara dugula wara la anubɛ tele-bɔɛ wara la anubɛ lanyiri-nyamanɛ waralɛ rɔ, Isirɛla, kɔni.

Daniyɛli 9:27

Ale kun-tigi-sɛnbɛmɛ wonubɛ mɔgɔ-siyaman si lanyiri kiri anu nyɔgɔn tɛma san wɔrɔnfila kɔrɔ. Wati wo wa tala a tɛma, a si tɔn sigi saraka-mintantɛnu anubɛ saraka doinu na. Kun-tigi wo si kisimiriya-bɛsɛ do sigi Alla Bato-Bɔn la kan-tina-sɛnimɛ rɔ. A si to nyɔ ha min ya ale bɛsɛ ladan, wo tɔrɔya-wati ni na iko Alla ya a rabɛn a ye nya min.”

Hoseya 7:16

Wo ye wo kan-kɔ donna n na ka ta bɛsɛnu bara la, sɛ sa minnu ye. Ni mɔgɛ si la kalabɛn tadunɛ la, mani mɔgɛ si la wole la. Wola kun-tiginu mɔnima-faga si kɛ bawo mankan-tugu-kan le ye anu da rɔ, ado Iyipiti kɛnu si na wo mayɛlɛn.”

2 Tɛsalonaika 2:3

Wo kana sɔn, mɔgɔ-wo-mɔgɔ ni wo yanfa kila-wo-kila fɛ. Yanni ma tigi ni na tumɛ min, mɔgɔ siyaman si anu kan-kɔ sɔ Alla la, ado ale min bi Alla kɛlɛla, ale fanan si bɔ gbɛ rɔ.

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.

2 Tɛsalonaika 2:8

Nba, “Kirasiti-yogo-finma-wɛ” wo wa bɔ gbɛ rɔ tumɛ min, Mari Yisa si a faga a darɔ-fɔnyɔ la. Marila nɛ si a halaki ala gbiliya-makawanɛ la.

Lankɛnimayɛ 12:14

Kokɛ-wɛ kanban filɛ dira musi wo ma alako a ni gban ka ta a warɛ wula-da-rakolɔn rɔ. Anu si a kandan nyɔ san sawa ani a tala ka kisi ninkinankɛ ma.

Lankɛnimayɛ 12:6

Musi wo ya a buri tala wulɛ rɔ. Alla ara wulɛ min tabɛn musi wo ye, a ya a buri tala nyɔ a kanan-koe la. A tora nyɔ tele waga kelen, tele kɛmɛ fila, ani tele bi-wɔrɔ (1,260) kɔrɔ.

Lankɛnimayɛ 14:12

Allala mɔgɛnu ni anu munyu, ado anu ni to Allala tɔnnu birala ka lanayɛ kɛ Yisa ye.

Lankɛnimayɛ 16:6

Anu bara ila mɔgɛnu anubɛ nɛbinu yele labɔ. Woletɔ i wara yele di anu ma ka a min. A bɛnta anu ni min sɔrɔn, anu bara ban wo sɔrɔnna feu!”

Lankɛnimayɛ 17:6

N ya a yen ko musu-yɛlan wo mara gbɛɛtoe la Allala mɔgɛnu yele-minyɛ bolo. Allata mɔgɛ wonu fagara anuta lanayɛla ko la Yisa ye. N ya musi wo yen tumɛ min, n kawara kati!

Lankɛnimayɛ 18:24

Babilɔn tɔrɔta bawo nɛbinu yele anubɛ Allata mɔgɛnu yele taranta soe wo burɔ. Ɔnde, min bɛɛ fagara dugu-kole kuma, wonu yele taranta soe wo burɔ.