Daniyɛli 7:24 - ALLALA KUMƐ

²⁴ A ko kere tan kɛ, mansa tan de wonu na. Mansa-gbɛrɛkɛ si na minnubɛ mansɛ doi kɛnu ma kɛn. Wo si mansa sawa labui mansa tan kɛnu tɔ.

Daniyɛli 7:24 Iomraidhean Croise

Daniyɛli 11:36

“Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Daniyɛli 2:41

Ile, ma tigi, ya a yen mɔgɔla muninyɛ wo kin-farɛ anubɛ a kin-nɔlɔnɛnu manɛ nɛgɛ anubɛ bɔnkɛ la. Wo kɔrɛ le ko mɔgɛnu ti to kan kelen tɔ wola nyamanɛ kɛ rɔ wo wati rɔ. Kɔnɔ hali wo, a si fanka sɔrɔn iko nɛgɛ bawo nɛgɛ basannɛ bɔnkɛ la.

Daniyɛli 7:20

A sɔgɛ ye n na fanan, a kere tan minnu bi a kuma, n ni wonu bara-koe lɔn. A sɔgɛ ye n na fanan, kere-nɛ min yɛlɛta kere doinu tɛma ka sawa bɔ nyɔ, n ni wo wara-koe lɔn fanan. Kere-nɛ wo, a yɛ ye nyɔ, ado mankan-tugu-dɛ ye a kuma. Hali a dɔgɔ kɔnɔ a ragbɛlɛ a ta-nyɔgɛnu ko.

Daniyɛli 7:23

“Melika kelan wo ya kiyo kɛ kɔrɛ rakaran n ye nya min, wo le kɛ la. A ko a sogo-ferema-nani-nyɔgɛ kɛ si ma mansa-bon-nani-nyɔgɛ la. Dan-nafarɛ ye mansa-bon sawɛ anubɛ a nani-nyɔgɛ kɛ tɛma. A nani nyɔgɛ si duninya kɛ rakese-kesen ka a nunku.

Lankɛnimayɛ 12:3

Kabana-ko-gbɛrɛ bɔra Arinyɛni tɔ. Ninkinanka-wulen-ba bɔra gbɛ rɔ nyɔ. A kunyɛ wɔrɔnfila. A kere tan. Mansaya-fulɛ ye a kunyɛ wo kelen-kelennamɛ-bɛɛ la.

Lankɛnimayɛ 13:1

Wo kɔma, n ya sogo-feremɛ namatoe yen bɔla kɔgɔ-yi rɔ. A kere tan. A kunyɛ wɔrɔnfila. Mansaya-fulɛ ye a kere kelen-kelennamɛ-bɛɛ la. Alla-rapɔsi-kumɛnu sɛbɛnɛ a kunyɛ wonu ma.

Lankɛnimayɛ 17:3

Melika tara n na wulɛ rɔ Allata Ni-Sɛnimɛ baraka rɔ. N ya musi do yen nyɔ, a siginɛ sogo-ferema-wulan la. Sogo-feremɛ wo, a kunyɛ wɔrɔnfila, a kere tan. Alla-rapɔsi-kumɛnu sɛbɛnɛ a kan tinɛ bɛɛ ma.