Daniyɛli 7:13 - ALLALA KUMƐ

¹³ “Nna kiyo kɛ rɔ, n ya fan do yen min muninyanɛ hadama-dan la. A ye nala n magbenna, a lafoonɛ banda-finyɛ la. A tara a sɔ Habadan-Tigi-Alla dafɛ, anu ya a raka wo la.

Daniyɛli 7:13 Iomraidhean Croise

Yaburi 110:2

Mari si a ma, ata mansayɛ ni to sɛnbɛ sɔrɔnna hali Yerusalɛm soe kɔma. A ko ale mansɛ ni a yogenu mara.

Yaburi 2:8

A ko hali n ya a manyinika le dɔrɔn, a si sibole bɛɛsi latenbi n ma. A ko duninya mumɛ si ma ntɛ la.

Yaburi 47:5

Alla ye tala a mayigila ata mansaya-waganɛ rɔ san ma. Mari tenbi yɛlɛla san ma, buru-kan ye bɔla, mɔgɛnu bi a lawɔyɔla.

Yɛrɛmaya 49:19

Mari ko a si a ma, Idɔm kɛnu ni anu buri iko yarɛ wa bɔ Yorodan-ba-gbɔngbɔn rɔ ka ta a kun nabɔ kolo-fen de-nyini-tinɛ ma. Wo kɔma, Mari wa mɔgɛ min yabɔ, wo le ye Idɔm kɛnuna nyamanɛ wo marala. Mari ko ale Mari nyɔgɔn sa nyɔ. Yon si a kɔgɔ raka a ye? Kun-tigi yon si ke a rasɛla?

Isikiyɛli 1:26

N ya fan do yen fan wo fanan kuma nyɔ rɔ. Wo mani de iko mansaya-waganɛ min nadannɛ kuru-da-gbɛlɛ-bilolamɛ la. Min siginɛ waganɛ wo rɔ, wo mani de iko hadama-dan.

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Daniyɛli 7:12

Sogo sawɛ minnu tora, anu ya wonuta sɛnbɛ bi anu bolo kɔnɔ wonu tora anu niyi la wati-kundu-ni kɔrɔ.

Daniyɛli 7:2

Daniyɛli ko, “Nna kiyo kɛ rɔ, n ya fɔnyɔ yen bɔla duninya-tonko-nanɛ bɛɛ rɔ. A ye kɔgɔ-yi ralonkon-lankanna.

Daniyɛli 7:22

Kɔnɔ Habadan-Tigi-Alla Min Bi Fan Bɛɛ Kun Na, wo nɛ, a ya yoe di ala mɔgɔ-sɛnimɛnu ma kiti tɛgɛ tinɛ, ado a tumɛ ara ke ala mɔgɔ-sɛnimɛnu ye ka duninya-mansayɛ kɛ.

Daniyɛli 7:9

“N bi wo fanan mafɛlan kun na, anu ya mansaya-waganɛnu nabɔ ka wonu sigi-bole rabɛn iko a bɛnta, anu ni sigi nya min. N ya Habadan-Tigi-Alla yen. Wo tara a mayigi waganɛ wo kelen tɔ. Ala kurɛnu gbɛnɛ perr! A kunyɛ gbɛnɛ ha ka gbɛ! Ala waganɛ wo, kiannu bi a la iko kirindi. Waganɛ wo ye malanna iko ta-mɛlan. Waganɛ wo kiannu silɛɛ ye tiila a ma iko ta-mɛlan.

Daniyɛli 8:15

Nde, Daniyɛli ye ko-rayirɛ kɛ kɔrɛ lɔn-koe rɔ tumɛ min, latiriya-bole wo ma, n ya fan do yen sɔni n yakɔrɔ min muninyanɛ hadama-dan la.

Matiyu 13:41

Mɔgɛ minnu bi donu sɔla hakɛ-kɛ-tinɛ anubɛ min bɛɛ ye ko-yogomɛ kɛla, nde, Hadama-dan si nta melikanu sɔ wonu nadɛn tinɛ ka anu nabɔ nta mansayɛ rɔ.

Matiyu 24:30

Wo kɔma, nde, Hadama-dan tamasere si bɔ gbɛ rɔ san ma. Duninya bɔnsɔn bɛɛ wa nde, Hadama-dan yen nala banda-fin-gbɛ rɔ tumɛ min sɛnbɛ anubɛ gbiliya-ba rɔ, anu si di biribiri!

Matiyu 25:31

“Nde, Hadama-dan wa na nta mansayɛ rɔ tumɛ min nta melikanu fɛ, n si n sigi nta mansaya-sigi-fan rɔ.

Matiyu 26:64

Yisa ya a fɔ a ye ko, “Iko i ya a fɔ nya min, a ye wo nya le, yɔ! Kɔnɔ n ni a fɔ wo dama ye ka a dabira bi ma, wo si nde, Hadama-dan siginɛ yen Sɛnbɛ Bɛɛ Tigi kɔɛn-nyimɛ rɔ. Wo si n namatoe yen banda-fin-gbɛ rɔ!”

Matiyu 28:18

Yisa nara sɔ anu tɛma. A ko, “Sɛnbɛ bɛɛ ara di n ma san-kole rɔ anubɛ dugu-kole kuma.

Matiyu 8:20

Yisa ya a fɔ a ye ko, “Farannu bi banbannu bolo anu si ki kan min. Kona-nyagannu bi konanu bolo fanan kɔnɔ kun sa tinɛ sa nde, Hadama-dan bolo.”

Maraka 13:26

Mɔgɛnu si nde, Hadama-dan yen nala banda-fin-gbɛ rɔ sɛnbɛ-ba anubɛ gbiliya-wɛ la n bolo.

Luka 21:27

Nba, nde, Hadama-dan si bɔ gbɛ rɔ wo wati rɔ. N bi nala banda-fin-gbɛ rɔ sɛnbɛ anubɛ gbiliya-ba rɔ.

Luka 21:36

Wo ni wo yɛ lakalan ka madiyali kɛ tuma-wo-tuma alako wo ni sɛnbɛ sɔrɔn ka tanka koe kɛ bɛɛ ma minnu si ma. Wo ni sɛnbɛ sɔrɔn alako wo si wo sɔ nde, Hadama-dan yakɔrɔ nya min.”

Luka 24:27

Wo kɔma, min sɛbɛnɛ alela ko la Allata kitabu rɔ ka a dabira Nɛbi Musala kitabunu ma ka a sigi nɛbinuna kɛdi-sɛbɛnɛ bɛɛ ma, Yisa ya wo bɛɛ fɛsɛfɛsɛ anu ye.

Yɔni 12:34

Nyama ya a yabi ko, “A sɛbɛnɛ mala tɔn rɔ ko Allata-Mɔgɔ-Yabɔnɛ si to habadan! Ile ye a fɔla kama worɔ ko ale, Hadama-dan la ni yɛlɛ san ma? Hadama-dan kɛ ye yon na?”

Yɔni 3:13

Mɔgɔ-wo-mɔgɔ ma yɛlɛ wɛ Arinyɛni tɔ fɔlɔ, fɔ nde, Hadama-dan min yigira ka bɔ Arinyɛni tɔ.

Yɔni 5:27

“A ara kiti-tɛgɛ-sɛnbɛ di nde, ala dan ma bawo nɛbi-kɔrɔmɛnu bi min kelela ko, ‘Hadama-dan,’ wo le nde la.

Kɛwɔlɛnu 7:56

A ko, “Wo yɛ lata. N bara Arinyɛnɛ dɛ lakanɛ yen. Hadama-den, Yisa, sɔnɛ Alla kɔɛn-nyimɛ rɔ!”

1 Tɛsalonaika 4:17

Nba, male min kɛndɛ wo wati, ma dama la si dɛn wonu fɛ san-kole rɔ tiriya ka Mari labɛn fɔnyɔ rɔ. Wo kɔma, ma si to Mari fɛ habadan!

1 Timoti 6:16

Ale kelen pe ti faga. A ye waan min tɔ, mɔgɔ-wo-mɔgɔ ti a madon wo la. Mɔgɔ-wo-mɔgɔ ma ale yen bɛ, ado mɔgɔ-wo-mɔgɔ ti ke a yenna lefan. Alamɛ gbiliyɛ anubɛ habadan-sɛnbɛ dira ale ma! Amina.

Hiburunu 2:14

Nba, dan wonu, fɛrɛ-bɔnkɛ anubɛ yele le anu na. Yisa nyɛrɛ mara iko anu denu ka anuna mɔgɔyɛ-nyɔgɔn bi. A ya wo ma alako a si Setanɛta sɛnbɛ kasara nya min ata sayɛ fɛ, ado sɛnbɛ ye Setanɛ bolo nun ka mɔgɛnu faga.

Hiburunu 9:24

Kirasiti ma don Kan-Tina-Sɛnimɛ rɔ min nadannɛ hadama-dan bolo. Min bi Arinyɛni tɔ, fani-bɔn wola muninyɛ le wo la dɔrɔn. Kirasiti tara Arinyɛnɛ nyɛrɛ le tɔ, a ye Alla yakɔrɔ kan min kaka ma dɛnbɛn-koe la.

Lankɛnimayɛ 1:13

N ya dali-fan do yen wonu tɛma min manɛ iko hadama-dan. Duruki ye a kan na min yiginɛ fɔɔ a kin-nɔlɔnɛ. Sɛnɛ-butɛ-kiri-fan kirinɛ a kɔgɛ ma.

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.

Lankɛnimayɛ 14:14

Wo kɔma, n ya banda-fin-gbɛ yen. Min siginɛ banda-finyɛ wo kuma, wo manɛ iko mɔgɛ. Sɛnɛ-mansaya-fulɛ ye a kunyɛ la. Wɔrɔtɔ-da-diyamɛ ye a bole la.