Daniyɛli 7:1 - ALLALA KUMƐ

¹ Bɛlisasata mansayɛ san fɔlɔtɛ Babilɔn nyamanɛ rɔ, Daniyɛli kiyora. Ko-rayirɛ minnu kera a ye kiyo wo rɔ wulɔn suyi rɔ, a ya wonu sɛbɛ.

Daniyɛli 7:1 Iomraidhean Croise

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Ko-Dabirɛnu 46:2

Alla ya ko-rayirɛ kɛ Yakoba ye suyi rɔ ka a rakele. Yakoba ya a labira.

Yobu 4:13

Wonu fɔra n ye kiyo-makilannɛ rɔ bi. Wo mara n na wo tumɛ kinɔgɔ tenbira n ma peru!

Aiseya 30:8

Bawo mɔgɛnu sɔn yogo, Alla ko nde, Aiseya ni anu sɔn-yogomɛ wonu sɛbɛ alako wo la ni mara habadan!

Aiseya 8:1

Mari ya a fɔ nde, Aiseya ye tun ko n ni walan-belebele do bi ka sɛbɛli gbode-gbode do kɛ a ma. A ko n ni a sɛbɛ ko, “Kankan anubɛ bumalɛ si na tiriya!”

Yɛrɛmaya 23:28

A ko nɛbi wa kiyo, a ni a fɔ ko a ara kiyo-gbansan le sa. Kɔnɔ Mari ko nɛbi ye min namɔɛnna ale Mari la, a ni wo le takaran a kilɛ fɛ. A ko fui-fan anubɛ a yanbɛ, kelen de wonu na, wa?

Yɛrɛmaya 27:7

Ale mansɛ wo, ala dan wo, a mamanɛ wo, nyamanɛ bɛɛ si mansɛ wonu sako kɛ ha ale fananna nyamanɛ bu-wati ni ke. Wo wati wa ke, ale fananta mɔgɛnu kunyɛ si don mansa-gbɛrɛkɛnu bolo min sɛnbɛ kolo aletɛ ko.

Yɛrɛmaya 36:32

Woletɔ nde, Yɛrɛmaya ya gbole do bi ka a don nna sɛbɛli-kɛlɛ bolo. A ya wo bɛɛ sɛbɛ tɛrr! Wo le ya a ma, min bɛɛ sɛbɛnɛ gbolo-fɔlɔtɛ ma wo, anubɛ n ya min fɔ tɔ-a-la wo, Baruki ya wo bɛɛ sɛbɛ tun.

Yɛrɛmaya 36:4

Wo le ya a ma, n bara Nɛrayala den Baruki kele. Mari ya min bɛɛ fɔ n ye, a ya wo sɛbɛ gbole wo ma n ye.

Isikiyɛli 1:1

Nde, Busila den Saraka-Masɔla Isikiyɛli siginɛ Yahudiya-biranɛnu tɛma Babilɔn nyamanɛ rɔ Kiba bɛ fɛ. N sɔrɔn-san bi-sawɛ, karɛ nani nyɔgɛ, tele loli nyɔgɛ ma, ko-rayirɛ kɛra n ye. San-kole dɛ lakara, n ya Allata ko-rayirɛ yen. (Mansa Yɛhoyasin, wo birɛ san loli nyɔgɛ ma, kɛ mara wulɔn le!) N bi Kiba bɛ fɛ Babilɔn nyamanɛ rɔ tumɛ min, Mari kumara n ye, ado n ya ata Sɛnbɛ sɔrɔn.

Isikiyɛli 40:2

Isirɛla nyamanɛ rɔ ko-rayirɛ rɔ. A tara n sigi kɔnkɔ-layan-bɛ do kuma. N ya bɔn donu sɔnɛ yen n yarɔ dugula wara la ko-rayirɛ wo rɔ. Anu nadɛnnɛ iko soe.

Daniyɛli 1:17

Alla ya hɛnkili di kemini-mɔgɔ nanɛ kɛnu ma ka buku-sɛbɛnɛ damasi kɔrɛ lɔn. Min sanɛ wo kuma, Alla ya a ma, Daniyɛli mara kiyo-kɔrɛ anubɛ ko-rayennɛ-takarannɛ la.

Daniyɛli 2:1

Mansa Nɛbukanasala mansayɛ san fila nyɔgɛ ma, a tora kiyo-makilannɛ sala. Kiyo wo tora a tɔrɔla ha, a ti ke kinɔgɔla.

Daniyɛli 2:26

Daniyɛli min tɔgɛ yɛlɛmanta Bɛlitisasa, mansɛ ya wo manyinika, a ko, “I lara a la, ile si ke nna kiyo anubɛ a kɔrɛ fɔla n ye, wa?”

Daniyɛli 4:13

“N bi n mirila kɔlɔma kɛ ladan-bole ma tumɛ min, n ya melika-su-do yen yigila ka bɔ san ma.

Daniyɛli 4:5

N tara n sa tumɛ min, n ya ko-rayen min kɛ nna kiyo rɔ, wo ya n kumakɔ kilan bolo.

Daniyɛli 5:1

Lunyɛ do, Nɛbukanasala den Mansa Bɛlisasa ya mɔgɔ waga kelen kele ladiyɛ rɔ, ala mɔgɔ-banu, kɔni. Anubɛ wonu bi gbɛɛ minna nyɔ tumɛ min,

Daniyɛli 5:22

“Kɔnɔ ile, ala dan, i sa i famayigila, ado min mara i fa la, i ya kɛ dama lɔn.

Daniyɛli 5:30

Wulɔn suyi nyɛrɛ rɔ, mɔgɛ do nara Mansa Bɛlisasa faga tinɛ. Mansa Dariyasi min bi Midiya nyamanɛ kun na, Babilɔn nyamanɛ tora wo bolo. Wo ya a taran, Dariyasi sɔrɔn-san ara san bi-wɔrɔ ani san fila (62) bɔ.

Daniyɛli 7:13

“Nna kiyo kɛ rɔ, n ya fan do yen min muninyanɛ hadama-dan la. A ye nala n magbenna, a lafoonɛ banda-finyɛ la. A tara a sɔ Habadan-Tigi-Alla dafɛ, anu ya a raka wo la.

Daniyɛli 7:15

“Kiyo kɛ ya n yakɔrɔ-mamɔ ka nde, Daniyɛli takilan dɔgɔma-ma-de!

Daniyɛli 7:7

“N bi kɛ fanan mafɛlan kun na tumɛ min, n ya a sogo-nani-nyɔgɛ wo yen. A makilanta dɔgɔma-ma-de, ado a fanka kolo. Nɛgɛ-belebelenu denu manɛ a nyin la. A ye fan min birala, a nyin si wo ramɛsɛ-mɛsɛya. A toe min bi tola, a si wo nunku a kian la. Ale faranɛ soge doinu ma feufeu, bawo kere tan ye a kunyɛ ma.

Daniyɛli 8:1

Bɛlisasata mansayɛ san fila, a sawa nyɔgɛ ma Babilɔn nyamanɛ rɔ, ko-rayira fila nyɔgɛ kera nde, Daniyɛli ye.

Yowɛli 2:28

A ko wo wa ban, a si ata Ni-Sɛnimɛ layigi mɔgɛ bɛɛ ma. A ko wola den-keinu anubɛ wola dunmusinu si wɔlɔyiya-kumɛnu fɔ. Wola kinanu si kiyonu sa, ko-rayen si kɛ wola kemini-mɛsɛnu ye.

Emɔsi 3:7

Ni yarɛ wɔrɔndɔra, mɔgɔ kuma ti kɔ, wa? Allatala ti ko-wo-ko ladan a ti min kɔrɛ fɔ male nɛbinu ye. Woletɔ ni Allatala kumara, male nɛbinu ti a kuman-kan latenbi, wa?

Habakuku 2:2

Mari le ya yabilɛ kɛnu fɔ n ye. A ko, “N bi nala ko-rayirɛ min kɛla i ye, i ni wo sɛbɛ walan ma alako ko-mayonnɛ si ke a karanna nya min ka a mayon.

Yilan-Yilan Koe 12:6

Mari ya a fɔ anu ye ko, “Wo ni wo tole masɔ. Nɛbinu bi wo tɛma tumɛ min, n si ko-rayirɛ kɛ anu ye kiyo rɔ.

Romu 15:4

Min bɛɛ sɛbɛnɛ Allala kitabu rɔ kɔrɔma la, wo sɛbɛnɛ alako ka ma karan. Anu si a ma, ma ni ma munyu ka ma sɛnbɛ don alako ma si yigi sɔrɔn nya min.

2 Kɔrɛnti 12:1

Nyɛrɛ-matɔgɛ kɛ ti ko-nyinya n ma kɔnɔ hali wo, n ni n nyɛrɛ matɔgɔ fɔlɔn. Mari ya ko-rayirɛ anubɛ lankɛnimayɛ minnu di n ma, n ni wonu bara-koe fɔ kaka.

Lankɛnimayɛ 1:19

Nba, i wara minnu tayen, minnu bi kaka wo, minnu si na kɛ kɔma wo, i ni wo bɛɛ sɛbɛ.

Lankɛnimayɛ 10:4

Anu banta kumala nya min wo, n bi a fɛ nun ka sɛbɛli kɛ. Kɔnɔ n ya kuman-kan lamɔɛn bɔla Arinyɛni tɔ. A ko, “San-sɛrɛn wɔrɔnfilɛ ya min fɔ, i kana wo sɛbɛ bɛ min na. Gbundu-koe le wo la. A mara fɔlɔn!”