Daniyɛli 6:4 - ALLALA KUMƐ

⁴ Daniyɛli wɔli-kɛ-nyɔgɛnu anubɛ nyamanita-mɔgɔ-banu ya anu taya ka fɛɛ sa Daniyɛlila wɔlɛ la kɔnɔ anu ma ke a nɔla. Mɔgɔ-latelennɛ le Daniyɛli la, ado a ti sɔn ko-radunɛ ma.

Daniyɛli 6:4 Iomraidhean Croise

Ko-Dabirɛnu 41:38

Mansɛ ya a fɔ ala mɔgɔ-banu ye ko, “Ma si ke mɔgɔ-kɛndɛ-gbɛrɛkɛ sɔrɔnna Allata sɛnbɛ ye min tɔ iko Yusufu kɛ?”

Ko-Dabirɛnu 43:18

Yusufu kɔrɔ wonu kilanta bawo anu bara anu nadon Yusufula bɔn la. Anu ko, “Ni i ya a yen anu bara ma ladon bɔn la yan, ma ya wodi minnu yen mala bɔrɛnu tɔ nun, anu bara ma ladon yan ka a tɛgɛ wodi wo lela ko la. Tumado a ye fɛrɛ nyinina ka bui ma ma ka mala sofɛlɛnu bi ma bolo alako ka ma ma yɔɔnnu na.”

Hɛnkilimaya-Kumɛnu 29:27

Mɔgɔ-radunɛ ma di telenbagɛ ye, ado mɔgɔ-latelennɛ ma di mɔgɔ-radunɛ fanan ye.

Makawandili Kumɛnu 4:4

N bara a lɔn gbɛ, mɔgɛ bɛɛ sɛbɛ donnɛ wɔlɛ ma minna ko la. Ni i ya mɔgɔ-sɛbɛ-donnɛ yen, a sɔgɛ le a la, a ni tenbi a sigi-nyɔgɛ la. Hali wo, wo fanan tagbɛlɛ. Wo mani de fanan iko mɔgɔ tenbi fɔnyɔ birala.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 18:23

Mari, ile ya n faga-koe lɔn anu bolo. I ka kinikini anu ma anuna ko-yogomɛnuna ko la. I kana anu hakɛ makoto. I ni anu nabɔ anuna sɔ-tinɛnu tɔ. Anu tɔrɔ i fondo-bɔnɛ la.

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Yɛrɛmaya 29:7

A ko a ya wo lata birɛ rɔ soe min tɔ, wo ni wɔli-nyimɛnu kɛ nyɔ. Wo ni Mari madiya wola soela ko la wo siginɛ min tɔ. Ni yisi-kimɛ ye soe wo rɔ, wole fanan si taran yisi-kimɛ rɔ.

Daniyɛli 3:8

Wo ya a taran, Babilɔn kɛ donu bi Yahudiyanu madɔnna.

Daniyɛli 5:12

A hɛnkili ye kiyo wo kɔrɛ takaran tinɛ, ado a ya sɔgɔsɔgɔma-tilinu-kɔrɛ lɔn. Hali ka ko-dogonni-kɔrɛ fɔ i ye, a ya wo lɔn. Ale keminɛ kele. A tɔgɔ le Daniyɛli. Anu bi a kelela fanan ko Bɛlitisasa. Wo si ke le sɛbɛli kɛ damasi kɔrɛ fɔla i ye.”

Daniyɛli 6:22

Nta Alla ara ata melika lana ka yarɛ kɛnu dɛ makiri alako anu kana ko ma n na. A ya kɛ ma le bawo n ma ko tinya, ado n ma ko-yogoma ma i la.”

Matiyu 26:4

Anu ya Yisa bira-koe rabɛn dogɔn rɔ a faga-koe la.

Matiyu 27:18

A ya a lɔn serr, ko Yahudiyanuna kun-tiginu bara Yisa don a bolo keliyɛ lela ko la.

Luka 20:20

Woletɔ anu ya dɛdɛ rasa a ma. Anu ya mɔgɛ donu sɔ minnu si anu nyɛrɛ ma iko mɔgɔ-nyimɛnu. Anu ya wonu sɔ alako ka Yisa bira nyinikalɛnu fɛ. Woletɔ anu si ke ka a ladon Romu kun-tigila fanka anubɛ sɛnbɛ kɔrɔ.

Luka 20:26

Anu ma ke Yisa birala fenfen na mɔgɛnu yala. Ata yabilɛnu ya a ma, anu ya anu made ka kawa.

Luka 22:2

saraka-masɔla-wɛnu anubɛ tɔn-karan-mɔgɛnu ya anu taya ka fɛrɛ nyini Yisa faga-koe ma dogɔn rɔ bawo anu kilannɛ mɔgɛnu na.

Yɔni 19:4

Pailɛti bɔra luyi ma tun ka a fɔ nyama ye ko, “Wo ni wo tole masɔ, n si a ma, anu ni Yisa labɔ wo ma alako wole fanan ni a yen ko n ma a yiliki-nya yen hali!”

2 Kɔrɛnti 11:12

N bi min ma tinɛ kaka, n si to wo kɛla bawo foninya-kilaya-makawanɛ doi wonu kana nyɛrɛ-matɔgɔ-kunya sɔrɔn ka a fɔ ko male ye wɔlila nya min, anu fanan bi wɔlila wo nya na le.

Filipai 2:15

Wo ni ma Allala den-sɛninyanɛnu na minnu telennɛ, ado fɛɛ-wo-fɛɛ sa wole la. Hali wo siginɛ duninya-mɔgɔ-radunɛnu anubɛ mɔgɔ-yogomɛnu tɛma, wo tenbi anu makawandila nimaya-kumɛ la, wole ni malan iko lolenu. Ni wo ya wo ma, Kirasiti wa na lunyɛ min, n si n nyɛrɛ-matɔgɔ-kunya sɔrɔn wola ko la worɔ, ado a si gbɛ bɛɛ yala ko nta wɔlɛ ma kɛ fu!

1 Timoti 5:14

Woletɔ min fisa, kɛɛ-musu-fonikenu ni sigi furi rɔ ka to dannu sɔrɔnna. Anu ni anuna bɔnnu fɛ-bira alako ma kana fɛrɛ di ma yogenu ma ka kuma-yogomɛ fɔ ma ma,

Taita 2:8

I wa mɔgɛnu karan, i ni kuma-latelennɛnu fɔ alako ko-yogoma wo ko-yogoma kana taran anu yisi rɔ malela ko la. Ni i tora kuma-latelennɛnu fɔla, anu si miliya bawo anuna kumɛ, kolo sa a rɔ.

1 Pita 2:12

Wo ni wo kɛ-nya-nyimɛ yira Alla-batobɛlɛnu na. Woletɔ anu tenbi wo maburila tumɛ min ko ko-yogoma-kɛlɛ le wole la, anu si wola kɛwɔli-nyimɛnu yen, ado Alla wa na lunyɛ min, anu si a tanto tele wo rɔ.

1 Pita 3:16

Kɔnɔ wo tenbi a faranfasila, wo ni a kɛ dinyɛ anubɛ gbiliyɛ rɔ. Wo sɔndɔma-sɛninyanɛ ni to, woletɔ anu ba wo manyini tumɛ min, minnu bi kuma-yogomɛ fɔla wo ma wo kɛ-nya-nyimɛla ko la Kirasiti rɔ, wonu si miliya anuna kumɛ wonuna ko la,

Kɛlɛ-Kurugbɛnu 14:4

Kɔnɔ a fa anubɛ a na ma a lɔn ko Mari le ye Samsin natuntunna kɛ rɔ. Mari ye kilɛ nyinina anu kunka-koe ma Samsin bolo. Wo wati ya a taran, Isirɛla mɔgɛnu bi Filisitinu kɔrɔ.

1 Samuwɛli 12:4

Nyama ya a lasɔnkɔ, anu ko, “Ade, i ma ma kensunya wɛ, hali ka ma tɔrɔ ha ma kɔndɔ ni fili. I ma fen bɔ wɛ ma fenfen bolo.”

1 Samuwɛli 18:14

A ya kɛlɛ min bɛɛsi kɛ, a ya nɔ-ko sɔrɔn bawo Mari ye a fɛ.

1 Samuwɛli 22:14

Saraka-Masɔla Ahimɛlɛki ya a fɔ a ye ko, “Dawuda telenta ka tenbi ila kun-tigi bɛɛ la, ado i biran-kei le ale la. I makandannɛnuna kun-tigi le ale la. Ila mɔgɛ bɛɛ ye a gbiliyala.”