Daniyɛli 6:28 - ALLALA KUMƐ

²⁸ Daniyɛli wara-koe sabatira Mansa Dariyasi anubɛ Pasiya kɛ Mansa Sairasita wati rɔ.

Daniyɛli 6:28 Iomraidhean Croise

2 Ko-Kɔrɔta-Karan 36:22

Mansa Sairasila mansayɛ san fɔlɔtɛ Pasiya nyamanɛ rɔ, Marita Nɛbi Yɛrɛmayata nɛbiya-kumɛ bɔra-a-la. Mari ya Mansa Sairasi yisi-kɔrɔ-tugu alako ka kilayɛ kɛ ranyɛnsɛn ala nyamanɛ mumɛ bɛɛ rɔ.

2 Ko-Kɔrɔta-Karan 36:23

Min sɛbɛnɛ kɛdi rɔ a ko, “Nde, Pasiya Mansa Sairasi kuman-kan le kɛ la. Arinyɛnitɔ Mari Alla, wo le wara n ma mansɛ la ka duninya mumɛ bɛɛ mara. A ara a Bato-Bɔn sɔ-ko-wɔlɛ di n ma Yerusalɛm soe burɔ Yuda nyamanɛ rɔ. Woletɔ ni Allata mɔgɛ ye ile min na, i ni sɛgi i kɔma ita nyamanɛ rɔ. Min ba sɛgi, alamɛ wota Mari Alla taranta a fɛ.”

Yaburi 77:15

I ya ila mɔgɛnu kisi ila sɛnbɛ-wɛ la, Yakoba anubɛ Yusufu kegeyɛnu, kɔni.

Aiseya 44:28

A ko a si a fɔ Babilɔn Mansa Sairasi ye ko a ni ma mansɛ la ale ye, wo ni a sako bɛɛ kɛ. A ko Yerusalɛm soe ni sɔ a kurɛ la tun. A ko fanan, Bato-Bɔn kuru ni kɛ tun.

Yɛrɛmaya 32:20

Kebi fɔlɔ, i taranta kabana-koenu mala Iyipiti, ado ha bi, i ye i gbɛ wo latugunna Isirɛla mɔgɛnu anubɛ sibole doinu tɛma. Wo ara a ma, mɔgɛnu bara i lɔn kan-tinɛ bɛɛ rɔ.

Daniyɛli 1:21

Daniyɛli tora mansɛ fɛ bolɔn la nyɔ furr, ha Pasiya nyamani-tigi min tɔgɛ Sairasi ya Babilɔn nyamanɛ bi.

Daniyɛli 10:1

Pasiya Mansa Sairasila mansayɛ san sawa nyɔgɛ ma, Alla ya koe do yira nde, Daniyɛli la. N tɔgɛ le fanan Bɛlitisasa. Sarakanɛ wo, tonyɛ le kɔnɔ a ragbɛ ma di. Yanni n ni kɛ nya-yen, Mari ya ko-rayirɛ kɛ n ye.

Daniyɛli 3:29

Ale mansɛ ya a fɔ tun ko, “N bara ban a latɛgɛla bi, n ko ni mɔgɔ-wo-mɔgɔ ya mɔgɔ sawɛ kɛnuta Alla lafɛya, wo tigi si gbegbe ka ala bɔn ma sundu-kunyɛ la. Bɛsi-wo-bɛsi sa nyɔ min si ke mɔgɛ latankala iko kɛnutɛ.”

Daniyɛli 5:28

Ka a fɔ, ‘A TALA,’ wo kɔrɛ le, Alla ara ila nyamanɛ bi i bolo ka a ratala Midiya kɛnu anubɛ Pasiya kɛnu na.”