Daniyɛli 6:27 - ALLALA KUMƐ

²⁷ Ale le ye ma latankala ka ma kisi fanan. Ale le ye ko-makawanɛnu kɛla san-kole anubɛ dugu-kole ma. Ale le ya Daniyɛli lakanan yarɛnu masibɛ ma.”

Daniyɛli 6:27 Iomraidhean Croise

Yobu 36:15

Alla si tɔrɔyɛ ma anu karan-fan la. A si anu yɛ laka yakɔrɔ-mamɔɛ la.

Yaburi 145:13

Habadan-koe le ila mansayɛ la, ado ila mansayɛ si to nyɔ tolon! Mari si ata lanyiri bɛɛ latɔnbagaya. A si koe bɛɛ ladan kinikinɛ le tɔ.

Yaburi 18:48

Ale le ye n bɔla n yogenu bolo la ka n nafɛrɛ. E, Mari, i ye a mala, n bi nɔ-ko sɔrɔnna n yogenu ma. I ye n nakananna karagbɛlɛnu masibɛ ma.

Yaburi 18:50

Ale Alla le ye a mala, nde, ata mansa-yabɔnɛ ni nɔ-ko sɔrɔn. A ye ata keninteyɛ yirala nde, Dawuda anubɛ n kegeyɛ la burubukai!

Yaburi 32:7

N dogon tinɛ le ile la. Ile si n nakisi tɔrɔyɛ ma. N si kanan-ko-bɛti bɔ bawo i ya n nakisi.

Yaburi 35:17

N Mari, i si to i kolan gbalala n na ha wati nyamintan? N nakisi n yogenu bolo. N bɔ yarɛ kɛnu da la.

Yaburi 97:10

Kɔnɔ n na-kelen-nyɔgɛnu, karagbɛlɛyɛ gbo minnu ye, wonu di Mari ye. A ye ala mɔgɛnu niyi lakananna. A ye anu nakananna karagbɛlɛnu masibɛ ma.

Yɛrɛmaya 10:10

Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Daniyɛli 4:31

“Yanni n ni ban kumɛ wo fɔla, kuman-kan bɔra san ma. Wo ye a fɔla ko, ‘Ile Mansa Nɛbukanasa, i tole masɔ n kuman-kan la. Ila sɛnbɛ ara bɔ i bolo bi.

Daniyɛli 4:34

“San wɔrɔnfila tenbinɛ, n ya n yɛ layɛlɛ san ma, n hɛnkili sɛgira a gbɛ rɔ. Alla Min Bi Fan Bɛɛ Kun Na, n ya gbiliyɛ di wo ma ka a tanto. N ko, ‘Allata mansayɛ ti ban. A si to mansayɛ la burubukai!

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Daniyɛli 6:20

A ke denka don-dɛ la nyɔ, a ya a kuli mayɛlɛ. A yisi-gbalanɛ ya Daniyɛli rakele. A ko, “Allata wɔli-kɛlɛ Daniyɛli, i ye Alla-nimɛ min batola tuma-wo-tuma, wo ara i lakisi, wa?”

Yɔni 4:48

Yisa ya a fɔ a ye ko, “Ni wo ma ko-wɛ anubɛ kabana-koenu tayen, wo fenfen ti dɛnkɛninya.”

Kɛwɔlɛnu 4:30

I ni i kɔɛn rasagan ka lakɛndɛyalɛ kɛ. I ni sɔn ko kabana-koenu anubɛ tamaserenu ni kɛ ila wɔli-kɛla-sɛnimɛ Yisa tɔgɛ rɔ.”

Hiburunu 2:4

Wo wati nyɛrɛ rɔ, Alla ya kabana-koe anubɛ kɛwɔli-sɛnbɛma-su-siyaman kɛ. A ya ata sereyɛ labɔ gbɛ rɔ kabana-koe wonu fɛ. A ya ata Ni-Sɛnimɛta kɔ-fannu fanan tafara iko a di a ye nya min.

1 Samuwɛli 17:26

Kɛlɛ-dan minnu sɔnɛ Dawuda dafɛ, Dawuda ya wonu manyinika ko, “Mɔgɛ min bi Filisiti keinɛ kɛ fagala ka Isirɛla mɔgɛnu bɔ miliya-su kɛ rɔ, wo tigi si nfen sɔrɔn? Nfen bi Filisiti keini-kemininyabɛlɛ kɛ la? Ale ma a lɔn, ba ko a ye a kɔgɔ raka Alla-nimɛta kɛlɛ-dannu denu na kɛ la?”