Daniyɛli 6:18 - ALLALA KUMƐ

¹⁸ Mansɛ wo sɛgira a warɛ bɔn la. A kira kudu, a ma kinɔgɔ, ado a ma fen dɔn ka a nyɛrɛ ladiya.

Daniyɛli 6:18 Iomraidhean Croise

2 Samuwɛli 19:24

Mansa Sɔli mamanɛ Mɛfibasɛti ya a lamɔɛn min kɛ ko Mansa Dawuda ye nala Yerusalɛm, a tara a labɛn tinɛ. Kebi Mansa Dawuda ya a to nya min, a ya a taran wo nya na le. A ma a kin maku, a ma a buya matɛgɛ, a ma ala kura ku, ado a ma sɔn wo do-wo-do mala fɔ Mansa Dawuda ya nɔ-ko sɔrɔn min kɛ ka sɛgi Yerusalɛm, a nara to a kula.

1 Mansɛnu 21:27

Mansa Ehabu ya Marita kumɛ wo lamɔɛn Nɛbi Ilaya bolo min kɛ, a ya ala duruki rafara yisi-tinya bolo ka kasa-kurɛ kiri a la. A ya a ban fen-dɔn-koe ma, a kira sani kasa-kurɛ wo kuma, ado hali a tenbi tagamana, a yisi magboyanɛ.

Ɛsita 6:1

Suyi wo nyɛrɛ rɔ, mansɛ ma a sa a yɛ ma. Woletɔ a ya nyamanɛ ko-kɔrɔta-karan-buku makele alako anu ni wo karan a ye.

Yobu 21:12

Anu bi siginu sala sɔrɔn la. Anu bi sewala fulu-kan la.

Yaburi 137:2

Bɔlɔn dunnɛ dandan kɔgɔ rɔ. Sigi-diyama ti sa tun.

Yaburi 77:4

A ye a mala, kinɔgɔ ti sa n yɛ ma. Yisi-tinya ara n tade don!

Makawandili Kumɛnu 2:8

Nyamanɛ bɛɛ minnu bi nta sɛnbɛ kɔrɔ, n ya wonuna sɛnɛ anubɛ anuna wodi-gbɛnu nadɛn kan-tina-kelen n nyɛrɛ ye. Finabanu anubɛ yelebanu taranta n matɔgɔla. Keinu yɛ si bɔ musi minnu na, n ya wo siyaman nadɛn n nyɛrɛ ye.

Nimisa Koe 3:53

Anu ya n nafili denkɛ rɔ ka denkɛ wo dɛ latogon kuri la n ma.

Daniyɛli 10:3

N ma dɔn-fen-nyima fenfen dɔn. N ma soge dɔn. N ma baan-wo-baan min ka n tabɛn a kilɛ fɛ ha lɔgɔkun sawɛ wo banta.

Daniyɛli 2:1

Mansa Nɛbukanasala mansayɛ san fila nyɔgɛ ma, a tora kiyo-makilannɛ sala. Kiyo wo tora a tɔrɔla ha, a ti ke kinɔgɔla.

Daniyɛli 6:19

Wan-takanɛ sɔgɔma doni, ale mansɛ ya a lasɔ. A burimatoe tara denkɛ wo don-dɛ la.

Lankɛnimayɛ 18:22

Sɔrɔn-fɔ-kan anubɛ hadama-den-kan anubɛ fulu-fɛ-kan anubɛ buru-fɛ-kan na ti mɔɛn a rɔ tun! Boloma-wɔli-kɛla fenfen ti taran ale soe wo burɔ tun. Hali kolon-tugu-kan, ala ti mɔɛn a rɔ tun!