Daniyɛli 6:12 - ALLALA KUMƐ

¹² anu dama tara anu nyɔgɔn fɛ mansɛ wara ka Daniyɛli maburi. Anu ya a fɔ mansɛ wo ye ko, “Ma tigi, i wara tɔn sa nun ka a sɛbɛ. I ko ni mɔgɔ-wo-mɔgɔ ya fenfen matara ile kɔma tele bi-sawɛ kɛ kɔrɔ, i ko i si wo tigi lafili ila yarɛnu kɔrɔ denkɛ rɔ.” Mansɛ wo ya a fɔ ko, “Tonyɛ le. Wo ara ma Midiya anubɛ Pasiya kɛnuta tɔn la, ado a ti yɛlɛma muk!”

Daniyɛli 6:12 Iomraidhean Croise

Ɛsita 1:19

Mansɛ, ni i si sɔn, musi kɛ to a nyɛrɛ ma. I ni a ma, anu ni Fasati wara-koe sɛbɛ Pasiya kɛnu ani Midiya kɛnuna tɔn-buku rɔ ka a fɔ ko a ye a nyɛrɛ ma le gbɛ! Ni wo sɛbɛnɛ de, a ti yɛlɛma muk! Wo kɔma, i ni ata sɔ tinɛ wo bi a bolo ka a di musu-gbɛrɛkɛ ma.

Daniyɛli 6:15

Kun-tigi wonu nara tun ale mansɛ wara. Anu ko, “Ma tigi, ile ya a lɔn serr, iko Midiya anubɛ Pasiya kɛnuta tɔn ye nya min, ni mansɛ ya tɔn min sɛbɛ, wo ti yɛlɛma muk!”

Daniyɛli 6:8

Woletɔ mansɛ, i ni tɔn kɛ sa ka a sɛbɛ. Wo si ma Midiya anubɛ Pasiya kɛnuta tɔn do la min ti yɛlɛma muk!”

Kɛwɔlɛnu 16:19

Nba, a tiginu ya a lɔn tumɛ min ko anu sa wodi sɔrɔnna a fɛ tun, anu ya Pɔli anubɛ Sailasi bira ka anu sagan anuna kun-tiginu bara barɛ rɔ.

Kɛwɔlɛnu 16:24

Yele-kandannɛ wo ya a ma iko a fɔra a ye nya min. A ya anu nakɛ yele burɔ pon ka anu kiannu sa kurɔn la gben!