Daniyɛli 6:10 - ALLALA KUMƐ

¹⁰ Nba, Daniyɛli ya a lamɔɛn ko tɔn-sa-koe kɛ ara ma tonyɛ la, a tara a warɛ bɔn la. A yɛlɛta ala san-bon-burɛ do rɔ min wundan yɛ-lamununnɛ Yerusalɛm waralɛ la. Iko a duruta Alla matarala nya min kinyama sawa tele la, a ya ala wundan-dɛ laka ka Alla matara.

Daniyɛli 6:10 Iomraidhean Croise

1 Mansɛnu 8:30

Isirɛla mɔgɛnu fanan ba anu ya-lamunun bɔn kɛ la tumɛ min, i yandi, i ni i wɔlɔ matɔlɔ anuta matarali-kɛ-kan la. I ni ma kan lamɔɛn i warɛ san-kole rɔ ka ma makoto ma hakɛ la.

1 Mansɛnu 8:38

Ni min nara bɔn kɛ yakɔrɔ ka nimisa a sɔn-yogomɛla ko la ka a bole sigi san ma bɔn kɛ telen tɔ, i ni wo tigi kan lamɔɛn ka wo makoto bawo ile le kelen pe ya mɔgɔ-burɛ lɔn. A bɛnta, i ni min ma mɔgɛ wo la, i si wo ma.

1 Mansɛnu 8:44

“I wa ila mɔgɛnu nata anu yogenu kɛlɛ tinɛ tumɛ min, anu ba i matara ka anu ya-lamunun ita so-yabɔnɛ anubɛ bɔn kɛ la tumɛ min n ya min sɔ i ye,

1 Mansɛnu 8:54

Kɛ dama rɔ, Mansa Silamɛni nyɛnkinnɛ Marita saraka-mintan-tinɛ yakɔrɔ, a bole rasiginɛ san ma Alla ye. A banta mataralɛ kundonna tumɛ min, a ya a lakɔɛnma

2 Ko-Kɔrɔta-Karan 6:13

(Mansa Silamɛni ya bɛndɛ do ladan silɛɛ la nun ka wo sɔ kata-kɔmatɛ burɔ. Bɛndɛ wo lɔngbɔn nunkan-nya loli, a kɔnɛ nunkan-nya loli, a sɔɛ nunkan-nya sawa. A yɛlɛta bɛndɛ wo kuma, a ya a nyɛnkin mɔgɛ bɛɛ yala nyɔ. A ya a bolo filɛ sigi san ma.)

2 Ko-Kɔrɔta-Karan 6:38

Wo kɔma, ni anu ya i matara ka anu ya-lamunun Bato-Bɔn kɛ la min sɔnɛ Yerusalɛm soe burɔ Isirɛla nyamanɛ kɛ rɔ, ile Mari min bi Arinyɛni tɔ, i ni anuna matarali-kan wo lamɔɛn ka kinikini anu ma ka anu makoto anu hakɛ la. Ile Mari ara soe kɛ yabɔ ka nyamanɛ kɛ di ma benbanu ma.

Ɛsira 9:5

Wurala-saraka-bɔ-wati kenɛ, n ya n nasɔ n gbɛ rɔ, n bi dila kan min nun, ado wati wo bɛɛ ya a taran, nna duruki rafaranɛ n kan na. N ya n kunbelan gbangban dugi ma ka n bolo filɛ rasagan nta Mari Alla ye san ma.

Nihɛmaya 6:11

N ya a fɔ a ye ko, “Wo mɔgɔ-su ma nde la min bi a burila ka a dogon. Saraka-masɔla ma nde la iko n bi tala n niyi-lakisi-koe rɔ Bato-Bɔn la. N ta-tina ma nyɔ la, ado n ti ta nyɔ mumɛ!”

Yaburi 34:1

N si baraka bira Mari ye tuma-wo-tuma. N ti n tade a tantolɛ ma mumɛ!

Yaburi 5:7

Mari, n si ke tala le ita Bato-Bon-sɛnimɛ la ka a tɛgɛ ila keninteya-dannatɛgɛbɛlɛ ma. N ba ke nyɔ, n si n sa i kɔrɔ ka i bato.

Yaburi 55:17

Su-ni-tele, nta yasere-masɛ ye kɛla a ma, ado fɔ a wa n kan lamɔɛn de, yɔ!

Yaburi 86:3

E, Mari, i ni kinikini nde ma. Telen-gbɛn, n bi i madiyala.

Yaburi 95:6

Wo na, ma ni ma madu ka a bato. Ma ni ma nyɛnkin ma Dali-Mari ye.

Daniyɛli 6:13

Anu ya a fɔ mansɛ ye tun ko, “Kɛlɛ bɔra mɔgɛ minnu na Yuda nyamanɛ rɔ, wo mɔgɔ kelen bi nyɔ, a sa sɔnna ila tɔn birala, ila kandɛ, Daniyɛli, kɔni. A ye matarali-kɛla a nyɛrɛ ma iko sawa tele la.”

Yona 2:4

N ya a lɔn nun ko i wara n kɔn. N ya a lɔn nun ko n ti ita bon-sɛnimɛ yen tun.

Maraka 3:3

Yisa ya a fɔ kei bolo-faganɛ ye ko, “Na, i sɔ mɔgɛ bɛɛ yala yan.”

Luka 14:26

“Mɔgɔ-wo-mɔgɔ nara nde wara, a ti ke mala nna karan-dan la fɔ a wa a kan-kɔ sɔ a na anubɛ a fa la, ala musi anubɛ ala dannu anubɛ a na-kelen-nyɔgɛnu anubɛ a nyɛrɛ fanan.

Luka 22:41

Yisa ya a masɛgi anu na doni ka ta a dan na. A ya a nyɛnkin madiyali-kɛ-tinɛ.

Kɛwɔlɛnu 10:9

Wo banda kɛ, anu gbɛrɛnnɛ Yapa soe ma tumɛ min, wo ya a taran, Pita ye Alla matara tinɛ bɔn kuma tele-latelan.

Kɛwɔlɛnu 2:15

Gbɛɛ ma kɛnu bira iko a ye wo kɔntɔ nya min bawo sun-tele-wati le kɛ la (9 am).

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kɛwɔlɛnu 20:36

Pɔli banta kumala tumɛ min, a ya a nyɛnkin anu dama fɛ ka Alla matara.

Kɛwɔlɛnu 21:5

Ma ya lɔgɔkun kelen ban anu fɛ tumɛ min, ma tara kulun bi tinɛ. Anu dama tara ma bila-silala kilɛ fɛ, hali anuna musinu anubɛ anuna dannu. Ma dama ya ma nyɛnkin gbele ma ka Alla matara.

Kɛwɔlɛnu 3:1

Lunyɛ do tele-makima-wati (3 pm), Pita anubɛ Yɔni tara Alla-Bato-Bɔn la madiyali-kɛ-tinɛ.

Kɛwɔlɛnu 4:29

Nba, Mari, anu bi niyi-ragbɛrɛn-kumɛ minnu fɔla, i wɔlɔ matɔlɔ wonu na. I ni sɔn ko male, ila wɔli-kɛlɛnu ni ila kumɛ fɔ yisi-latɛgɛ bɛɛ rɔ.

Kɛwɔlɛnu 5:20

“Wo ta wo sɔ Alla-Bato-Bɔn la ka ni-kurɛ kɛ wara-koe fɔ mɔgɛnu ye.”

Kɛwɔlɛnu 5:29

Pita anubɛ Marita kilayɛnu ya a yabi ko, “A fɛrɛ sa fɔ ma ni Allala kumɛ bira ka mɔgɛnutɛ to nyɔ.

Kɛwɔlɛnu 7:60

A ya a nyɛnkin ka gbele-gbelen kan-ba la, a ko, “Mari! I kana i fonde lamiri anuna hakɛ kɛ ma!” A ban wo fɔla, a niyi bɔra.

Kɛwɔlɛnu 9:40

Pita ya anu dama labɔ bɔn la. Anuna bɔɛ kɔma, a ya a nyɛnkin ka Alla matara. Wo kɔma, a ya a yɛ lamunun furi la. A ko, “Tabita, i lasɔ.” Tabita ya a yɛ laka. A ya Pita yen tumɛ min, a ya a sigi.

Ɛfɛsa 3:14

Ka a tɛgɛ wo kɔsɔn ma, n bi n nyɛnkinna ma Fa Alla kɔrɔ

Filipai 1:14

N bi yele la min kɛ, wo ara yisi-latɛgɛ di yan-dɛnkɛninya-mɔgɔ-siyaman ma. Woletɔ anu yisi ragbɛlɛyanɛ wati bɛɛ Allala kumɛ kawandili-bɔɛ ma. Anu kilanni ma tun.

Filipai 1:20

A sɔgɛ ye n na, ado n yili latɛgɛnɛ ko n ti bandan nna wɔlɛ kɛ la mumɛ! N bi a fɛ, n ni fa yisi-latɛgɛ la wati bɛɛ, katarala kaka ma. Woletɔ n tenbi n niyi la wo, n faganɛ wo, fɔ n ni Kirasiti gbiliya tumɛ bɛɛ.

Filipai 4:6

Wo kana hɔn ko-wo-ko la fɔ ka to wo makoenu fɔla Alla ye madiyalɛ rɔ. Wo ni baraka bira a ye wo yisi bɛɛ la tumɛ bɛɛ.

Kɔlɔsi 3:17

Wo ye koe min bɛɛ kɛla anubɛ wo ye koe min bɛɛ fɔla, wo ni wo bɛɛ kɛ Mari Yisa tɔgɛ rɔ. Wo ni baraka bira ma Fa Alla ye Mari Yisa baraka rɔ.

Hiburunu 13:15

Nba, ma ye Alla matɔgɔla tuma-wo-tuma min kɛ, ma wa sɔn ata Mariyɛ ma tumɛ min, wo ye sarakayɛ le la Alla ye Yisa baraka rɔ.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!