Daniyɛli 5:29 - ALLALA KUMƐ

²⁹ Tiriyante wo rɔ, Bɛlisasa ya a fɔ ala wɔli-kɛlɛ do ye ko a ni ta duruki-ba-hakikɛ donu bi ka na anu don Daniyɛli bolo. Anu ya sɛnɛ-yɔlɔkɛ fanan bila a kan na. Min sanɛ wo kuma, a ya a mayon ko ale Daniyɛli mara ala kandɛ tatugunnɛ la.

Daniyɛli 5:29 Iomraidhean Croise

Ko-Dabirɛnu 41:42

Ale mansɛla mandan ye ala dɛɛn-kɔlɔnɛ min ma, a ya wo bɔ a bole la ka a don Yusufu bole la. A ya fɛrɛya-bɔ-hakikɛnu di a ma ka sɛnɛ-yɔlɔkɛ don a kan na.

Ɛsita 10:3

Mɔdekɛyai Yahudiya kɛ, ale le manɛ mansɛ wo kan-kɔrɔ-sigilɛ la, ado a di a ta-nyɔgɛ Yahudiyanu ye. Anu ma a wara-koe sa fi fila rɔ. A wɔlita a kin na alako ala mɔgɛnu anubɛ anu kegeyɛnu ni sigi anu diya.

Hɛnkilimaya-Kumɛnu 1:9

Ni i ya wo ma, anuna karan si ila kɛ-nya-nyimɛ yira duninya la iko kun-yili anubɛ kan-na-fan si musi lakinya nya min.

Daniyɛli 2:48

A ya fen-koloma-siyaman di Daniyɛli ma. Wo kɔma, a ya a ma ala kandɛ la ka a sigi a hɛnkilimɛnu kun na ala nyamanɛ bɛɛsi rɔ.

Daniyɛli 5:16

N bara a lamɔɛn fanan ko ile si ke ko-dogonnɛnu kɔrɛ lɔnna le. Hali kɔndɔfili-koenu, i si wonu nya-yen. Ni ile kera sɛbɛli kɛ rakaranna ka a kɔrɛ fɔ n ye, n si ko sawa ma i ye. N si duruki-ba-hakikɛnu di i ma. N si sɛnɛ-yɔlɔkɛ bila i kan na. Wo kɔma, n si i tugun nna kandɛ la nyamanɛ kɛ rɔ.”

Daniyɛli 5:7

A ya a kuli mayɛlɛ a fɔ tinɛ ko anu ni ta ala durinu kele anubɛ a bolo-tafɛlɛnnɛnu anubɛ a hɛnkilimɛnu. Wonu nanɛ, mansɛ ya a fɔ anu ye ko, “Ni min kera sɛbɛli kɛ rakaranna ka a kɔrɛ fɔ n ye, n si ko sawa ma wo tigi ye. N si duruki-ba-hakikɛnu di a ma. Wo kɔma, n si sɛnɛ-yɔlɔkɛ bila a tigi kan na. A laban, ale si tugun nna kandɛ la nyamanɛ kɛ rɔ.”

Daniyɛli 6:2

A ya mɔgɔ fila sa Daniyɛli kuma ka wonu sigi ata mɔgɔ-siginɛ kɛnu kun na pati-mansayɛ la alako wonu kana ale mansɛ yakɔrɔ-mamɔ.