Daniyɛli 5:28 - ALLALA KUMƐ

²⁸ Ka a fɔ, ‘A TALA,’ wo kɔrɛ le, Alla ara ila nyamanɛ bi i bolo ka a ratala Midiya kɛnu anubɛ Pasiya kɛnu na.”

Daniyɛli 5:28 Iomraidhean Croise

2 Ko-Kɔrɔta-Karan 36:23

Min sɛbɛnɛ kɛdi rɔ a ko, “Nde, Pasiya Mansa Sairasi kuman-kan le kɛ la. Arinyɛnitɔ Mari Alla, wo le wara n ma mansɛ la ka duninya mumɛ bɛɛ mara. A ara a Bato-Bɔn sɔ-ko-wɔlɛ di n ma Yerusalɛm soe burɔ Yuda nyamanɛ rɔ. Woletɔ ni Allata mɔgɛ ye ile min na, i ni sɛgi i kɔma ita nyamanɛ rɔ. Min ba sɛgi, alamɛ wota Mari Alla taranta a fɛ.”

Aiseya 13:17

Mari ko a ye Midi kɛnu nakɛla Babilɔn kɛnu ma. Anuna sɛnɛ anubɛ anuna wodi-gbɛ miriya fenfen sa anu yoge wonu na

Aiseya 21:2

N ya min yen ko-rayirɛ wo rɔ, yanfɛ anubɛ kasarɛ. Ilam kɛlɛ-dannu, wo ni wo sɛbɛ don! Midiya kɛlɛ-dannu, wo ni wo bui soenu ma! Babilɔn kɛnu bara tɔrɔyɛ min nana, Alla si yili kiri wo dan la.

Aiseya 47:11

Kasarɛ si na i ma. Ila duruya fenfen ti a lasɛgi. Tɔrɔyɛ si na i ma fenfen ti ke i kunyɛ bɔla min tɔ. Halakiyi si na i ma tiriya, i ma kiyo wɛ halakiyi min sufa la wɛ, kɔni.

Yɛrɛmaya 25:13

Mari ara kasarɛ minnu bara-koe fɔ sibolo-gbɛrɛnuna ko la, wonu fɔra nde, Yɛrɛmaya ye, ado wo sɛbɛra buku kɛ rɔ. A ko a si Babilɔn tinya kasarɛ wonu na.

Yɛrɛmaya 51:28

Wo ni Midiya mansɛnu anubɛ anuna kun-tiginu kelelɛnu nata, anubɛ anuna mɔgɔ-banu, anubɛ anuna kɛlɛ-den-siyamɛnu.”

Daniyɛli 2:32

A kunyɛ, sɛnɛ-bɛrɛbɛrɛ le wo la. A kɔgɛ anubɛ a kɛɛ, wodi-gbɛ le wonu na. A tɛmɛ anubɛ a wore, silɛɛ le wo la.

Daniyɛli 2:39

Ileta wati wa ban, nyamani-tigi-gbɛrɛkɛ si ila nyamanɛ bi. I kiyora a kɔgɛ anubɛ a kɛɛ min na, wodi-gbɛ, kɔni, wo le wo la. Wota mansayɛ ti ke iletɛ rɔ. Wo fanan ba tenbi, mansɛ do fanan si nyamanɛ bi wo bolo. Ile, ma tigi, kiyora tɛmɛ min na, silɛɛ, kɔni, mansɛ wo le wo la. Wota mansayɛ ti ke doi wotɛ rɔ.

Daniyɛli 6:28

Daniyɛli wara-koe sabatira Mansa Dariyasi anubɛ Pasiya kɛ Mansa Sairasita wati rɔ.

Daniyɛli 6:8

Woletɔ mansɛ, i ni tɔn kɛ sa ka a sɛbɛ. Wo si ma Midiya anubɛ Pasiya kɛnuta tɔn do la min ti yɛlɛma muk!”

Daniyɛli 8:20

“I ya saga-yigi minnubɛ a kere filɛ yen wo la, wo tamasere le Midiya mansɛ anubɛ Pasiya mansɛ wara-koe la.

Daniyɛli 9:1

Midiya kɛ Sakasisila den Dariyasila mansayɛ san fɔlɔtɛ Babilɔn nyamanɛ kun na, nde, Daniyɛli ya buku-sɛnimɛnu bi. N ya wonu karan ka n miri Yerusalɛm soe tinya-koe ma san bi-wɔrɔnfila kɔrɔ iko Mari ya a fɔ Nɛbi Yɛrɛmaya ye nya min.

Kɛwɔlɛnu 2:9

Male donu bɔra Patiya, Midiya, anubɛ Ilam nyamanɛnu tɔ. Donu bɔra Mɛsapotemiya, Yudiya, anubɛ Kapadosiya nyamanɛnu tɔ. Donu bɔra Ponta, anubɛ Esiya nyamanɛnu tɔ.