Daniyɛli 5:2 - ALLALA KUMƐ

² ale Bɛlisasa ya a fɔ ala wɔli-kɛlɛnu ye ko anu ni ta sɛnɛ-yi-lafɛ anubɛ wodi-gbɛ-mirannu bi. Bɛlisasa fa bɔra miran wonu na a bolo Alla Bato-Bɔn la Yerusalɛm de! A ya wonu makele le alako ala mɔgɔ-banu wo, ala bara-musinu wo, anubɛ ala fɛ-sigi-musinu ni gbɛɛ min wonu tɔ.

Daniyɛli 5:2 Iomraidhean Croise

2 Samuwɛli 9:7

Mansa Dawuda ya a fɔ a ye ko, “Hali i ma kilan. N si ko-nyimɛ kɛ i ye ka a tɛgɛ i fa Yonatanna ko ma. N si i benba Mansa Sɔli halala-dugi bɛɛsi lasɛgi ile ma. N si a ma, ma ni to ma de-nyinina kan-tina-kelen.”

2 Mansɛnu 24:13

Mansa Nɛbukanasa tara fen-kolomɛnu bi Mari Bato-Bɔn anubɛ mansɛla bolɔn la iko Mari ya a fɔ nya min nun. Mansa Silamɛni ara sɛnɛ sa Bato-Bon-miran minnu ma fɔlɔ, Mansa Nɛbukanasa ya sɛnɛ bɔ wonu ma ka ta anu na.

2 Mansɛnu 25:15

Miran minnu nadannɛ sɛnɛ anubɛ wodi-gbɛ la, a ta-kɔ-miran wo, anubɛ a daganɛnu wo, anu tara wonu fanan na.

2 Ko-Kɔrɔta-Karan 11:20

Wati tenbinɛ, a ya Abasalɔmta den Meyaka furu. Anu ya den-kei mɔgɔ nani sɔrɔn, Abaya anubɛ Atayi anubɛ Sisa anubɛ Sɛlomiti.

2 Ko-Kɔrɔta-Karan 15:16

Mansa Esa ya a mama Meyaka bɔ musu-mansayɛ la bawo a ya kɔlɔma lɛsɛ musila muninyɛ la min tɔgɛ Asura, ado wo mamilita. Mansa Esa ya bɛsɛ wo ratɛgɛtɛgɛ ka a mintan Kidirɔn yi-dɛ la.

2 Ko-Kɔrɔta-Karan 36:10

San kurɛ kenɛ, Mansa Nɛbukanasa tara ale Mansa Yɛhoyasin anubɛ Mari Bato-Bɔn fen-kolomɛnu na a bolo Babilɔn. Wo kɔma, a ya Mansa Yɛhoyasin fa dɔgɔma Sɛdɛkaya ma mansɛ la ale Yɛhoyasin gbɛ rɔ Yuda nyamanɛ anubɛ Yerusalɛm soe kun na.

2 Ko-Kɔrɔta-Karan 36:18

Babilɔn mansɛ wo tara Bato-Bɔn fen-kolomɛ bɛɛ la a bolo a warɛ pon! Hali Yuda mansɛ anubɛ ala mɔgɔ-banuna bolo-fannu, a tara wo damasi la.

Ɛsira 5:14

Anu ko Mansa Nɛbukanasa wo ya sɛnɛ anubɛ wodi-gbɛ-miran minnu bi Bato-Bɔn wo la Yerusalɛm soe burɔ ka ta anu na ata bɛsi-kɔ-tinɛ Babilɔn, Mansa Sairasi ya wonu denu nasɛgi anu ma. Anu ko Mansa Sairasi ya miran wonu don kei do bolo min tɔgɛ Sɛsabasa, a ya min ma kun-tigi la Yuda nyamanɛ rɔ.

Yɛrɛmaya 27:7

Ale mansɛ wo, ala dan wo, a mamanɛ wo, nyamanɛ bɛɛ si mansɛ wonu sako kɛ ha ale fananna nyamanɛ bu-wati ni ke. Wo wati wa ke, ale fananta mɔgɛnu kunyɛ si don mansa-gbɛrɛkɛnu bolo min sɛnbɛ kolo aletɛ ko.

Yɛrɛmaya 50:35

Mari ko a bɛnta, Babilɔn kɛnu ni faga. A mɔgɔ-ba wo, a hɛnkilima wo, a mɔgɛ bɛɛ ni faga.

Yɛrɛmaya 52:19

Miran minnu nadannɛ sɛnɛ anubɛ wodi-gbɛ la, a yi-kɛ-fen wo, a ta-kɔ-miran wo, a yele-purupuru-miran wo, a bugura-makɔ-fen wo, a lɛnpu-sigi-fen wo, a isɛnti-mintan-fen wo, a yi-lafɛnu, anu tara wonu fanan na.

Daniyɛli 1:2

Ma tigi Alla le sɔnta Yuda Mansa Yahoyakim anubɛ ala kɛlɛ-dannu bira-koe ma anubɛ Alla Bato-Bɔn fen-kolomɛ donu bi-koe ma. Mansa Nɛbukanasa tara fen-kolomɛ wonu namara ata bɛsi-kɔ-bɔn la Babilɔn nyamanɛ rɔ.

Daniyɛli 5:11

Mɔgɛ do ye ila nyamanɛ kɛ rɔ, ale Allata sɛnbɛ anubɛ nyinɛnutɛ ye min fɛ. I fa ye mansayɛ la tumɛ min, kei wo ya hɛnkili-nyimɛ labɔ. Ala ko-lɔn mani de iko ale Allata sɛnbɛ anubɛ nyinɛnutɛ ye nya min. I fa Nɛbukanasa ya ale kei ma a durinu anubɛ a bolo-tafɛlɛnnɛnu anubɛ a hɛnkilimɛnuna kun-tigi la.

Daniyɛli 5:13

Ale Daniyɛli nanɛ, anu tara a la mansɛ wara. Mansɛ ya a manyinika ko, “Daniyɛli le ile la? N fa tara mɔgɛ minnu bira Yuda nyamanɛ rɔ, wo do le ile la, wa?” Daniyɛli ko, “Mansɛ, tonyɛ le wo la.”

Daniyɛli 5:18

“Alla Min Bi Fan Bɛɛ Kun Na, wo ya i fa Nɛbukanasa ma mansa-sɛnbɛ-tigi la. A ya a ma, mɔgɛnu ya a matɔgɔ ka a gbiliya.

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.

Daniyɛli 5:3

A ma mɛ, anu nara wonu na. Anu damasi ya gbɛɛ min miran wonu tɔ

Daniyɛli 5:30

Wulɔn suyi nyɛrɛ rɔ, mɔgɛ do nara Mansa Bɛlisasa faga tinɛ. Mansa Dariyasi min bi Midiya nyamanɛ kun na, Babilɔn nyamanɛ tora wo bolo. Wo ya a taran, Dariyasi sɔrɔn-san ara san bi-wɔrɔ ani san fila (62) bɔ.

Daniyɛli 5:4

ka anuna bɛsɛnu kɔ. Bɛsɛ wonu nadannɛ sɛnɛ la anubɛ wodi-gbɛ, anubɛ silɛɛ, anubɛ nɛgɛ, anubɛ kɔlɔma, anubɛ kuri.