Daniyɛli 5:17 - ALLALA KUMƐ

¹⁷ Daniyɛli ya a fɔ a ye ko, “Mansɛ, ila fan wonu ni to i bolo. Ni wo ma, i ni wonu di mɔgɔ-gbɛrɛkɛ ma. Nde si sɛbɛli kɛ rakaran ka a kɔrɛ fɔ i ye a kin na.”

Daniyɛli 5:17 Iomraidhean Croise

2 Mansɛnu 3:13

Anu ke a ma, Nɛbi Ilaisa ya a fɔ Isirɛla mansɛ ye ko, “Nfen ko ye ma tɛma? Nfenna i ma ta Beyalita nɛbi wonu manyinika i fa anubɛ i na duruta minnu manyinikala?” Kɔnɔ Mansa Yɔram ko, “Ma ti wo ma bawo Mari le wara ma don Mohabu mansɛ bolo kɛ la.”

2 Mansɛnu 5:16

Nɛbi Ilaisa ya a fɔ a ye ko, “N bi wɔlila Mari-nimɛ min ye, n bara n keli wo tɔgɛ rɔ ko n ti fenfen bira i bolo.” Neyaman nɔrɔta a ma kɔnɔ a ma sɔn.

2 Mansɛnu 5:26

Kɔnɔ Nɛbi Ilaisa ya a fɔ a ye ko, “Kei wo ye bɔla ala kirindi rɔ wati min ka sɔ dugi ma, n kuntɔ-yɛ ye nyɔ nun. Wodi-gbɛ anubɛ kura-bira-wati ma kɛ la. Ki-fen wo, kolo-fen wo, wɔli-kɛla wo, wonu bira-wati ma kɛ la.

Yaburi 119:46

N si ita tɔnnu wara-koe fɔ mansɛnu ye, ado n ti miliya mumɛ!

Daniyɛli 2:6

Kɔnɔ ni wo kera kiyo wonubɛ a kɔrɛ fɔla n ye, n si wo gbiliya-belebele-wɛ-kɛ ka fen-koloma-siyaman di wo ma. Nba kaka, wo ni kiyo wonubɛ a kɔrɛ fɔ n ye gbɛ!”

Daniyɛli 5:29

Tiriyante wo rɔ, Bɛlisasa ya a fɔ ala wɔli-kɛlɛ do ye ko a ni ta duruki-ba-hakikɛ donu bi ka na anu don Daniyɛli bolo. Anu ya sɛnɛ-yɔlɔkɛ fanan bila a kan na. Min sanɛ wo kuma, a ya a mayon ko ale Daniyɛli mara ala kandɛ tatugunnɛ la.

Kɛwɔlɛnu 8:20

Kɔnɔ Pita ya a fɔ a ye ka a gbɛ ko, “I mirinɛ ko i si Allala kɔ-fan san wodi la min kɛ, wobɛ ila wodi ni halaki nyahanama rɔ!