Daniyɛli 5:16 - ALLALA KUMƐ

¹⁶ N bara a lamɔɛn fanan ko ile si ke ko-dogonnɛnu kɔrɛ lɔnna le. Hali kɔndɔfili-koenu, i si wonu nya-yen. Ni ile kera sɛbɛli kɛ rakaranna ka a kɔrɛ fɔ n ye, n si ko sawa ma i ye. N si duruki-ba-hakikɛnu di i ma. N si sɛnɛ-yɔlɔkɛ bila i kan na. Wo kɔma, n si i tugun nna kandɛ la nyamanɛ kɛ rɔ.”

Daniyɛli 5:16 Iomraidhean Croise

Ko-Dabirɛnu 40:8

Anu ya a fɔ a ye ko, “Ma ara kiyo sa su-tenbinɛ kɔnɔ mɔgɔ sa yan min si mala kiyo wonu kɔrɛ fɔ ma ye.” Yusufu ya a fɔ anu ye ko, “Alla le si kiyo kɔrɔ-takaran-hɛnkili di mɔgɛ ma. Wo kiyora nfen na?”

Ko-Dabirɛnu 41:15

Mansɛ wo ya a fɔ Yusufu ye ko, “N bara kiyo min sa, mɔgɔ-wo-mɔgɔ ma ke nna kiyo wo kɔrɛ fɔla n ye. Kɔnɔ n bara ile wara-koe lamɔɛn ko ile si ke le ka mɔgɛnuna kiyo kɔrɛ rakaran.”

Ko-Dabirɛnu 41:42

Ale mansɛla mandan ye ala dɛɛn-kɔlɔnɛ min ma, a ya wo bɔ a bole la ka a don Yusufu bole la. A ya fɛrɛya-bɔ-hakikɛnu di a ma ka sɛnɛ-yɔlɔkɛ don a kan na.

Daniyɛli 2:48

A ya fen-koloma-siyaman di Daniyɛli ma. Wo kɔma, a ya a ma ala kandɛ la ka a sigi a hɛnkilimɛnu kun na ala nyamanɛ bɛɛsi rɔ.

Daniyɛli 2:6

Kɔnɔ ni wo kera kiyo wonubɛ a kɔrɛ fɔla n ye, n si wo gbiliya-belebele-wɛ-kɛ ka fen-koloma-siyaman di wo ma. Nba kaka, wo ni kiyo wonubɛ a kɔrɛ fɔ n ye gbɛ!”

Daniyɛli 5:29

Tiriyante wo rɔ, Bɛlisasa ya a fɔ ala wɔli-kɛlɛ do ye ko a ni ta duruki-ba-hakikɛ donu bi ka na anu don Daniyɛli bolo. Anu ya sɛnɛ-yɔlɔkɛ fanan bila a kan na. Min sanɛ wo kuma, a ya a mayon ko ale Daniyɛli mara ala kandɛ tatugunnɛ la.

Daniyɛli 5:7

A ya a kuli mayɛlɛ a fɔ tinɛ ko anu ni ta ala durinu kele anubɛ a bolo-tafɛlɛnnɛnu anubɛ a hɛnkilimɛnu. Wonu nanɛ, mansɛ ya a fɔ anu ye ko, “Ni min kera sɛbɛli kɛ rakaranna ka a kɔrɛ fɔ n ye, n si ko sawa ma wo tigi ye. N si duruki-ba-hakikɛnu di a ma. Wo kɔma, n si sɛnɛ-yɔlɔkɛ bila a tigi kan na. A laban, ale si tugun nna kandɛ la nyamanɛ kɛ rɔ.”

Daniyɛli 6:2

A ya mɔgɔ fila sa Daniyɛli kuma ka wonu sigi ata mɔgɔ-siginɛ kɛnu kun na pati-mansayɛ la alako wonu kana ale mansɛ yakɔrɔ-mamɔ.

Kɛwɔlɛnu 8:18

Saimon ya a yen ko Marita kilayɛnu ba anu bole sa min kuma, wo si Allata Ni-Sɛnimɛ sɔrɔn. Wo ya a ma, a ya wodi do yira Pita anubɛ Yɔni la.