Daniyɛli 5:13 - ALLALA KUMƐ

¹³ Ale Daniyɛli nanɛ, anu tara a la mansɛ wara. Mansɛ ya a manyinika ko, “Daniyɛli le ile la? N fa tara mɔgɛ minnu bira Yuda nyamanɛ rɔ, wo do le ile la, wa?” Daniyɛli ko, “Mansɛ, tonyɛ le wo la.”

Daniyɛli 5:13 Iomraidhean Croise

Ɛsira 10:16

Mɔgɔ-birani-kɔrɛnu ma anu kunyɛnu masɔsɔ. Woletɔ nde, Ɛsira min bi saraka-masɔlɛnu kun na, n ya kun-tiginu yabɔ ka bɔ kebila-kunyɛnu tɔ. N ya wonu tɔgɛ sɛbɛ. San wo karɛ tan, a tele fɔlɔtɛ ma, anu donta anu nyɔgɔn manyinikala sibolo-gbɛrɛkɛ-musi ye min bolo.

Ɛsira 10:7

Anu ya sarakanɛ lata Yerusalɛm anubɛ Yuda nyamanɛ tonke bɛɛ rɔ ko mɔgɔ-birani-kɔrɛ bɛɛsi ni na Yerusalɛm soe burɔ.

Ɛsira 4:1

Yuda bɔnsɔn anubɛ Bɛnyamɛ bɔnsɔn yogenu ya a lamɔɛn ko mɔgɔ-birani-kɔrɛnu bi Isirɛlata Mari Alla Bato-Bon-sɔɛ kun na tumɛ min,

Ɛsira 6:16

Wo kɔma, Isirɛla mɔgɛ bɛɛ, a mara a saraka-masɔla la wo, a Lifayi wo, anubɛ a mɔgɔ-birani-kɔrɔ-toe minnu sɛgira Yerusalɛm, wonu ya Bato-Bɔn dantɛgɛ sewɛ rɔ.

Daniyɛli 1:1

Mansa Yahoyakimta mansayɛ san sawa nyɔgɛ Yuda nyamanɛ rɔ, mansɛ min tɔgɛ Nɛbukanasa, wo ye Babilɔn nyamanɛ kun na. Wo wati rɔ, mansɛ wonubɛ ala kɛlɛ-dannu tara kurɔn don Yerusalɛm soe ma ka nyɔ-mɔgɛnu kɛlɛ.

Daniyɛli 1:2

Ma tigi Alla le sɔnta Yuda Mansa Yahoyakim anubɛ ala kɛlɛ-dannu bira-koe ma anubɛ Alla Bato-Bɔn fen-kolomɛ donu bi-koe ma. Mansa Nɛbukanasa tara fen-kolomɛ wonu namara ata bɛsi-kɔ-bɔn la Babilɔn nyamanɛ rɔ.

Daniyɛli 1:21

Daniyɛli tora mansɛ fɛ bolɔn la nyɔ furr, ha Pasiya nyamani-tigi min tɔgɛ Sairasi ya Babilɔn nyamanɛ bi.

Daniyɛli 1:6

Mɔgɔ nanɛ minnu taranta mɔgɔ-yabɔnɛnu tɛma, wonu tɔgɛ le kɛnu na, Daniyɛli wo, Hananaya wo, Misiyɛli wo anubɛ Asaraya. Yuda bɔnsɔn-mɔgɛ le kɛ dama la.

Daniyɛli 2:25

Tiriyante wo rɔ, Ariyoki tara Daniyɛli la Mansa Nɛbukanasa wara. Anu ke mansɛ ma, Ariyoki ya a fɔ ko, “Kɛlɛ ya Yahudiya minnu bira, n bara wo mɔgɔ kelen yen min si ke ma tigita kiyo wo kɔrɛ fɔla a ye.”

Daniyɛli 2:48

A ya fen-koloma-siyaman di Daniyɛli ma. Wo kɔma, a ya a ma ala kandɛ la ka a sigi a hɛnkilimɛnu kun na ala nyamanɛ bɛɛsi rɔ.

Daniyɛli 5:11

Mɔgɛ do ye ila nyamanɛ kɛ rɔ, ale Allata sɛnbɛ anubɛ nyinɛnutɛ ye min fɛ. I fa ye mansayɛ la tumɛ min, kei wo ya hɛnkili-nyimɛ labɔ. Ala ko-lɔn mani de iko ale Allata sɛnbɛ anubɛ nyinɛnutɛ ye nya min. I fa Nɛbukanasa ya ale kei ma a durinu anubɛ a bolo-tafɛlɛnnɛnu anubɛ a hɛnkilimɛnuna kun-tigi la.

Daniyɛli 5:14

Mansɛ wo ya a fɔ a ye ko, “N bara a lamɔɛn ko Allata sɛnbɛ anubɛ nyinɛnutɛ ye i fɛ. N bara a lamɔɛn fanan ko i ya hɛnkili-nyimɛ labɔ, ado ko i ya ko-lɔn bɛrɛkɛ!

Daniyɛli 5:18

“Alla Min Bi Fan Bɛɛ Kun Na, wo ya i fa Nɛbukanasa ma mansa-sɛnbɛ-tigi la. A ya a ma, mɔgɛnu ya a matɔgɔ ka a gbiliya.

Daniyɛli 5:2

ale Bɛlisasa ya a fɔ ala wɔli-kɛlɛnu ye ko anu ni ta sɛnɛ-yi-lafɛ anubɛ wodi-gbɛ-mirannu bi. Bɛlisasa fa bɔra miran wonu na a bolo Alla Bato-Bɔn la Yerusalɛm de! A ya wonu makele le alako ala mɔgɔ-banu wo, ala bara-musinu wo, anubɛ ala fɛ-sigi-musinu ni gbɛɛ min wonu tɔ.

Daniyɛli 6:13

Anu ya a fɔ mansɛ ye tun ko, “Kɛlɛ bɔra mɔgɛ minnu na Yuda nyamanɛ rɔ, wo mɔgɔ kelen bi nyɔ, a sa sɔnna ila tɔn birala, ila kandɛ, Daniyɛli, kɔni. A ye matarali-kɛla a nyɛrɛ ma iko sawa tele la.”

Daniyɛli 8:1

Bɛlisasata mansayɛ san fila, a sawa nyɔgɛ ma Babilɔn nyamanɛ rɔ, ko-rayira fila nyɔgɛ kera nde, Daniyɛli ye.

Daniyɛli 8:27

Ka a tɛgɛ nde, Daniyɛlita ko-rayen kɛnu ma, a ya tele-siyaman bɔ n mankulan bɔnɛ n ma. Wo kɔma, Mansa Bɛlisasa wo ya n sɔ wɔli min na, n tara wo kɛ tinɛ. Kɔnɔ hali wo, ko-rayen wo ya n kɔndɔfili. N ma ban nun a nya-yenna.

Yɔni 7:1

Wo kɔma, Yisa ya Kalili sigisɔn ratagama. A ma sɔn tala Yudiya nyamanɛ rɔ bawo Yahudiyanuna kun-tigi minnu bi nyɔ, wonu bi a faga-koe rɔ.

Yɔni 7:3

Woletɔ Yisa na-kelen-nyɔgɛnu ya a fɔ a ye ko, “I ni bɔ kan tinɛ kɛ rɔ. I ni ta Yudiya nyamanɛ rɔ, ila karan-dannu si ila kabana-koenu yen kan min.