Daniyɛli 5:11 - ALLALA KUMƐ

¹¹ Mɔgɛ do ye ila nyamanɛ kɛ rɔ, ale Allata sɛnbɛ anubɛ nyinɛnutɛ ye min fɛ. I fa ye mansayɛ la tumɛ min, kei wo ya hɛnkili-nyimɛ labɔ. Ala ko-lɔn mani de iko ale Allata sɛnbɛ anubɛ nyinɛnutɛ ye nya min. I fa Nɛbukanasa ya ale kei ma a durinu anubɛ a bolo-tafɛlɛnnɛnu anubɛ a hɛnkilimɛnuna kun-tigi la.

Daniyɛli 5:11 Iomraidhean Croise

Ko-Dabirɛnu 41:38

Mansɛ ya a fɔ ala mɔgɔ-banu ye ko, “Ma si ke mɔgɔ-kɛndɛ-gbɛrɛkɛ sɔrɔnna Allata sɛnbɛ ye min tɔ iko Yusufu kɛ?”

2 Samuwɛli 14:17

N ya n miri n nyɛrɛ ma n ko hali ita kuman-kan wo si a ma, n ni kisi. Mansɛ mani de iko Allata melika bawo a ya ko-nyimɛ anubɛ ko-yogomɛ dan-nafarɛ lɔn. Mansɛ, alamɛ ita Mari Alla tora i fɛ.”

Isikiyɛli 28:3

A miri ko hɛnkili ye a bolo ka tenbi Danɛli la ko mɔgɔ ti gbundu-ko dogon a ma.

Isikiyɛli 28:4

Ala hɛnkilimayɛ anubɛ ala halliyɛ ara a ma nɔnfulu-tigi la ka sɛnɛ anubɛ wodi-gbɛ sɔrɔn duk!

Daniyɛli 1:4

Kɔnɔ a ye min yatɔnbɔnna, anu ni kinya, anu ni ma hɛnkilimɛnu na, anu ni ma mɔgɔ-kolonɛnu na, anu ni ko nya-yen yona, ado fɛɛ kana taran anu na fanan. A bɛnta, wo mɔgɔ-sufanu ni sigi mansa-bolɔn la. Ale mansɛ ya a fɔ tun ko ale Asipinasi si to wonu karanna anuna Babilɔn kan anubɛ anuna buku-sɛbɛni-kɔrɛnu karan ma.

Daniyɛli 2:11

A ara ma manyinika minna ko la, wo gbɛlɛ. Fɔ nyinɛnu dɔrɔn, wonu denu si ke wo fɔla, ado hadama-dannu sa anu yenna.”

Daniyɛli 2:22

Koe minnu nya-yen ma di anubɛ koe minnu dogonnɛ, ale le ye wonu nabɔla gbɛ ma mɔgɛ ye. Hali pinpirɔ-koenu, wonu bi gbɛ ma ale bolo bawo ale mayiginɛ wan-takanɛ rɔ.

Daniyɛli 4:18

“Nde, Nɛbukanasa ya kiyo min sa, wo le kɛ la. N ya a fɔ Daniyɛli ye ko a ni nna kiyo kɛ kɔrɛ fɔ n ye. Nyamani-hɛnkilimɛnu, wo do-wo-do ma ke a kɔrɛ fɔla n ye fɔ ale Daniyɛli bawo ale Allata sɛnbɛ anubɛ nyinɛnutɛ ye a fɛ.”

Daniyɛli 4:5

N tara n sa tumɛ min, n ya ko-rayen min kɛ nna kiyo rɔ, wo ya n kumakɔ kilan bolo.

Daniyɛli 4:6

Wo kɔma, n ya n hɛnkilimɛ bɛɛsi kele minnu bi Babilɔn nyamanɛ kɛ rɔ alako wonu ni nna kiyo wo kɔrɛ fɔ n ye.

Daniyɛli 5:14

Mansɛ wo ya a fɔ a ye ko, “N bara a lamɔɛn ko Allata sɛnbɛ anubɛ nyinɛnutɛ ye i fɛ. N bara a lamɔɛn fanan ko i ya hɛnkili-nyimɛ labɔ, ado ko i ya ko-lɔn bɛrɛkɛ!

Daniyɛli 5:7

A ya a kuli mayɛlɛ a fɔ tinɛ ko anu ni ta ala durinu kele anubɛ a bolo-tafɛlɛnnɛnu anubɛ a hɛnkilimɛnu. Wonu nanɛ, mansɛ ya a fɔ anu ye ko, “Ni min kera sɛbɛli kɛ rakaranna ka a kɔrɛ fɔ n ye, n si ko sawa ma wo tigi ye. N si duruki-ba-hakikɛnu di a ma. Wo kɔma, n si sɛnɛ-yɔlɔkɛ bila a tigi kan na. A laban, ale si tugun nna kandɛ la nyamanɛ kɛ rɔ.”

Kɛwɔlɛnu 12:22

Anu ya wɔyɔ layɛlɛ ko, “Mɔgɔ sa kumala kɛ la fɔ Alla!”

Kɛwɔlɛnu 14:11

Nyama ya wo yen tumɛ min, anu gbele-gbelenta anuna Laikoninya-kan rɔ ko, “Allanu bara yɛlɛma mɔgɛnu na ka yigi ma wara!”

Kɛwɔlɛnu 16:16

Lunyɛ do, ma ye tala Alla matara tinɛ tumɛ min, mabɛ yɔɔn-sunkurɔn do bɛnta nyina-yoge ye min fɛ. Wo ara ma nya-nyini-kɛlɛ la mɔgɛ do bolo. A ya wodi siyaman sɔrɔnna a tiginu ye nya-nyini-kɛ wo fɛ.

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.