Daniyɛli 4:8 - ALLALA KUMƐ

⁸ Wo kɔma, Daniyɛli nara. (N kɛnɛna a kelela ko Bɛlitisasa bawo nna bɛsi-tɔgɔma le ale la, ado ale Allata sɛnbɛ anubɛ nyinɛnutɛ ye a fɛ fanan.) N ya nna kiyo kɛ rakaran ale ye. N ya a fɔ a ye ko

Daniyɛli 4:8 Iomraidhean Croise

Ko-Dabirɛnu 41:38

Mansɛ ya a fɔ ala mɔgɔ-banu ye ko, “Ma si ke mɔgɔ-kɛndɛ-gbɛrɛkɛ sɔrɔnna Allata sɛnbɛ ye min tɔ iko Yusufu kɛ?”

Aiseya 46:1

Mari ko Babilɔn bɛsɛnu wara-koe dan le kɛ la sɔɛn! Bɛsɛ min tɔgɛ Bɛli anubɛ Nibɔ, anu bi wonu kɔla nun kɔnɔ kaka, bɛsɛ wonu kirinɛ sofɛlɛnu kɔ tɛma. Anu bara ma dunɛ la dɔrɔn kolo-fen-bandannɛnu ye.

Aiseya 63:11

Wo kɔma, ala mɔgɛnu hɛnkili na ara to bilala ko-tenbini-kɔrɛnu ko. Anu hɛnkili tugura Musa la. Anu ko, “Mari min ya mabɛ mala kun-tiginu natɛgɛ kɔgɔ-yi la, wo ye mintɔ? Min ya ata Ni-Sɛnimɛ layigi mala mɔgɔ-banu kuma, wo ye mintɔ?”

Yɛrɛmaya 50:2

“Wo ni kɛ fɔ sibolenu ye ka a mayon ko anu ka a ma gbundu la de! Wo ni falafalɛ layɛlɛ tamasereyɛ la ko Babilɔn si na bui, yɔ! Anuna bɛsɛ min tɔgɛ Maraduku, wo si na nyɛnsɛn kesemeren! Babilɔn kɛnuna bɛsɛnu bara miliya kɔgɔrɔyɔlɔ! Anuna kisimiriya-bɛsɛ wonu si na serendi ha ka anu nunku iko gbangban.

Isikiyɛli 17:23

Isirɛla kɔnkɔ-layan-bɛ, kɔni. A si a matii ka a bolon-siyaman sɔ a ma. A si gbɔ ka ma sida-kɔn-hakikɛ la. Nyɔ si ma kona-su bɛɛ sigi-tinɛ la. Anu si to anu sigila a ninɛ la.

Daniyɛli 1:7

Anu karan-mɔgɛ ya tɔgɔ-kura sa anu kuma. A ya Daniyɛli tɔgɔ yɛlɛma Bɛlitisasa. A ya Hananaya tɔgɔ yɛlɛma Sadiraki. A ya Misiyɛli tɔgɔ yɛlɛma Mɛsaki. A ya Asaraya tɔgɔ yɛlɛma Abɛdinigɔ.

Daniyɛli 2:11

A ara ma manyinika minna ko la, wo gbɛlɛ. Fɔ nyinɛnu dɔrɔn, wonu denu si ke wo fɔla, ado hadama-dannu sa anu yenna.”

Daniyɛli 2:26

Daniyɛli min tɔgɛ yɛlɛmanta Bɛlitisasa, mansɛ ya wo manyinika, a ko, “I lara a la, ile si ke nna kiyo anubɛ a kɔrɛ fɔla n ye, wa?”

Daniyɛli 3:14

Mansa Nɛbukanasa ya a fɔ wonu ye ko, “N bara a lamɔɛn ko wo sa sɔnna wo madu-koe ma nna bɛsɛ kɔrɔ n bara min nadan sɛnɛ la anubɛ nna bɛsi-toenu. Tonyɛ le wo la, wa?

Daniyɛli 4:18

“Nde, Nɛbukanasa ya kiyo min sa, wo le kɛ la. N ya a fɔ Daniyɛli ye ko a ni nna kiyo kɛ kɔrɛ fɔ n ye. Nyamani-hɛnkilimɛnu, wo do-wo-do ma ke a kɔrɛ fɔla n ye fɔ ale Daniyɛli bawo ale Allata sɛnbɛ anubɛ nyinɛnutɛ ye a fɛ.”

Daniyɛli 4:9

nna durinuna kun-tigi le ale la, ado n ya a lɔn fanan ko ale Allata sɛnbɛ anubɛ nyinɛnutɛ ye a fɛ. Ale le si ko-dogonnɛ bɛɛ nya-yen. N ban nna kiyo wo rakaranna a ye, n ko a ni a kɔrɛ fɔ n ye.

Daniyɛli 5:14

Mansɛ wo ya a fɔ a ye ko, “N bara a lamɔɛn ko Allata sɛnbɛ anubɛ nyinɛnutɛ ye i fɛ. N bara a lamɔɛn fanan ko i ya hɛnkili-nyimɛ labɔ, ado ko i ya ko-lɔn bɛrɛkɛ!