Daniyɛli 4:7 - ALLALA KUMƐ

⁷ Durinu anubɛ bolo-tafɛlɛnnɛnu anubɛ hɛnkilimɛnu nara. N ya nna kiyo rakaran anu ye min kɛ, anu ma ke a kɔrɛ fɔla n ye.

Daniyɛli 4:7 Iomraidhean Croise

Ko-Dabirɛnu 41:24

Nyɔ-sɔnfɔlɔn wɔrɔnfilɛ wonu ya nyɔ-kunba wɔrɔnfilɛ wonu nakunu salon! Kɔnɔ n ya kiyo kɛnu takaran hɛnkilimɛ anubɛ nya-nyini-kɛlɛnu ye kɔnɔ anu fenfen ma ke kiyo kɛnu kɔrɛ fɔla n ye.”

Ko-Dabirɛnu 41:8

Kiyo wonu ya mansɛ lafili pirikali! Wo wulun sɔgɔma, mansɛ wo ya kilayɛnu tanyɛnsɛn ala nyamanɛ rɔ ka hɛnkilimɛnu anubɛ nya-nyini-kɛlɛnu kele. Ale Iyipiti mansɛ ya ala kiyo rakaran anu ye kɔnɔ ala nyamanita-mɔgɛ wonu fenfen ma ke ala kiyo wonu kɔrɛ fɔla a ye.

Yaburi 37:35

N ya karagbɛlɛ do lɔn min si to nyɛɛla mɔgɛnu ma. A sankanya ye mɔgɛ bɛɛ kuma iko kɔlɔma-kuru-wɛ minnu bi Lɛbanan kɔnkɔ-nyamanɛ rɔ.

Aiseya 44:25

A ko a ara yi-kɔrɔ-fɛlɛnnɛnu ma kun-takolɔnnu na. Lole-lakɔrɔsilɛnu bi ko-natoe minnu fɔla, a ara wonu ma ko fuyi la. A ko minnu bi anu hɛnkili mayirala, a ara wonu sɔsɔ feu, woletɔ anu si a lɔn ko ko-fuyi le anuna hɛnkilimayɛ la.

Isikiyɛli 31:3

Anuna nyamanɛ mani de iko Lɛbanan-sida-kɔlɔma-tapinpini-bɛ min yanyanɛ ka ke banda-finyɛ ma.

Daniyɛli 1:4

Kɔnɔ a ye min yatɔnbɔnna, anu ni kinya, anu ni ma hɛnkilimɛnu na, anu ni ma mɔgɔ-kolonɛnu na, anu ni ko nya-yen yona, ado fɛɛ kana taran anu na fanan. A bɛnta, wo mɔgɔ-sufanu ni sigi mansa-bolɔn la. Ale mansɛ ya a fɔ tun ko ale Asipinasi si to wonu karanna anuna Babilɔn kan anubɛ anuna buku-sɛbɛni-kɔrɛnu karan ma.

Daniyɛli 2:10

A makawandilɛnu ya a fɔ a ye ko, “Ile ma tigi ara ma manyinika min na, mɔgɔ-wo-mɔgɔ sa duninya kɛ rɔ min si kɛ ma. Hali mansɛ makawara nya-wo-nya, a ti durinu anubɛ bolo-tafɛlɛnnɛnu anubɛ hɛnkilimɛnu manyinika kɛ nya na.

Daniyɛli 2:27

Daniyɛli ko, “A hɛnkilima wo, a duru wo, a bolo-tafɛlɛnna wo, wo fenfen sa nyɔ min si ke n tigita kiyo wonubɛ a kɔrɛ fɔla a ye

Daniyɛli 2:7

Anu ya a fɔ mansɛ ye ko, “Ni ma tigi ya kiyo rakaran ma ye, ma si a kɔrɛ fɔ le.”

Daniyɛli 3:8

Wo ya a taran, Babilɔn kɛ donu bi Yahudiyanu madɔnna.

Daniyɛli 4:18

“Nde, Nɛbukanasa ya kiyo min sa, wo le kɛ la. N ya a fɔ Daniyɛli ye ko a ni nna kiyo kɛ kɔrɛ fɔ n ye. Nyamani-hɛnkilimɛnu, wo do-wo-do ma ke a kɔrɛ fɔla n ye fɔ ale Daniyɛli bawo ale Allata sɛnbɛ anubɛ nyinɛnutɛ ye a fɛ.”

Daniyɛli 5:7

A ya a kuli mayɛlɛ a fɔ tinɛ ko anu ni ta ala durinu kele anubɛ a bolo-tafɛlɛnnɛnu anubɛ a hɛnkilimɛnu. Wonu nanɛ, mansɛ ya a fɔ anu ye ko, “Ni min kera sɛbɛli kɛ rakaranna ka a kɔrɛ fɔ n ye, n si ko sawa ma wo tigi ye. N si duruki-ba-hakikɛnu di a ma. Wo kɔma, n si sɛnɛ-yɔlɔkɛ bila a tigi kan na. A laban, ale si tugun nna kandɛ la nyamanɛ kɛ rɔ.”

Daniyɛli 5:8

A hɛnkilimɛnu ya anu taya kɔnɔ mɔgɔ-wo-mɔgɔ ma taran wonu tɔ min si ke sɛbɛli wo rakaranna anubɛ ka a kɔrɛ fɔ.