Daniyɛli 4:6 - ALLALA KUMƐ

⁶ Wo kɔma, n ya n hɛnkilimɛ bɛɛsi kele minnu bi Babilɔn nyamanɛ kɛ rɔ alako wonu ni nna kiyo wo kɔrɛ fɔ n ye.

Daniyɛli 4:6 Iomraidhean Croise

Bɔ-Koe-Iyipiti 7:11

Mansɛ ya ala hɛnkilimɛnu anubɛ kofo-dannu kele. Ale mansɛla kofo-dannu fanan ya a ma wo nya na le anuta kofo-denyɛ rɔ.

Aiseya 8:19

Mɔgɛnu bi a fɔla wo ye ko wo ni yi-kɔrɔ-fɛlɛnnɛnu manyinika alako wo ni hɛnkili sɔrɔn anu bolo, ado anu bi huma-humana dɔrɔn. Mɔgɛnu bi a fɔla ko, “A kin mɔgɛnu ni furi manyinika kɛndɛwagɛnuna ko la.”

Daniyɛli 1:17

Alla ya hɛnkili di kemini-mɔgɔ nanɛ kɛnu ma ka buku-sɛbɛnɛ damasi kɔrɛ lɔn. Min sanɛ wo kuma, Alla ya a ma, Daniyɛli mara kiyo-kɔrɛ anubɛ ko-rayennɛ-takarannɛ la.

Daniyɛli 2:2

A ya kilayɛ lata ala durinu anubɛ ala bolo-tafɛlɛnnɛnu anubɛ ala ko-rayennɛnu anubɛ ala hɛnkilimɛnu ma ka anu kele alako anu ni ala kiyo wo kɔrɛ rakaran a ye. Anu sɔra mansɛ yarɔ tumɛ min,

Daniyɛli 2:48

A ya fen-koloma-siyaman di Daniyɛli ma. Wo kɔma, a ya a ma ala kandɛ la ka a sigi a hɛnkilimɛnu kun na ala nyamanɛ bɛɛsi rɔ.

Daniyɛli 4:15

Wo ni a kuri to dugi rɔ. Wo ni nɛgɛ anubɛ silɛɛ sa a ma ka a kiri alako a kana na a matii tun. Wo ni a gbankan to sanɛ binyɛ tɛma nyɔ.’ “Melika wo ya a fɔ tun ko, ‘Duri ni to yigila a ma soge anubɛ ki-fannu tɛma nyɔ fɔlɔn.

Daniyɛli 5:11

Mɔgɛ do ye ila nyamanɛ kɛ rɔ, ale Allata sɛnbɛ anubɛ nyinɛnutɛ ye min fɛ. I fa ye mansayɛ la tumɛ min, kei wo ya hɛnkili-nyimɛ labɔ. Ala ko-lɔn mani de iko ale Allata sɛnbɛ anubɛ nyinɛnutɛ ye nya min. I fa Nɛbukanasa ya ale kei ma a durinu anubɛ a bolo-tafɛlɛnnɛnu anubɛ a hɛnkilimɛnuna kun-tigi la.

Daniyɛli 5:7

A ya a kuli mayɛlɛ a fɔ tinɛ ko anu ni ta ala durinu kele anubɛ a bolo-tafɛlɛnnɛnu anubɛ a hɛnkilimɛnu. Wonu nanɛ, mansɛ ya a fɔ anu ye ko, “Ni min kera sɛbɛli kɛ rakaranna ka a kɔrɛ fɔ n ye, n si ko sawa ma wo tigi ye. N si duruki-ba-hakikɛnu di a ma. Wo kɔma, n si sɛnɛ-yɔlɔkɛ bila a tigi kan na. A laban, ale si tugun nna kandɛ la nyamanɛ kɛ rɔ.”