Daniyɛli 4:35 - ALLALA KUMƐ

³⁵ Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Daniyɛli 4:35 Iomraidhean Croise

Yobu 23:13

Alla ti yɛlɛma, ado mɔgɔ ti ke a sɔla a la. Mɔgɔ ti ke a lakalala.

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Yobu 9:4

Fanka-tigi anubɛ hɛnkilimɛ le Alla la. Mɔgɔ-wo-mɔgɔ ti ke a sɔla Alla yala.

Yaburi 115:3

Mata Alla ye Arinyɛni tɔ. Min ba diya a ye, a ye wo le mala.

Yaburi 135:6

San-kole kuma wo, dugu-kole kuma wo, kɔgɔ-yi rɔ wo, kɔgɔ-yi-dumɛ rɔ wo, min ba diya ale ye, a ye wo le mala.

Yaburi 33:14

A si to ala mansaya-tinɛ rɔ ka duninya-mɔgɛ bɛɛ mafɛlɛn.

Yaburi 39:5

I wara n siyi-fɛ wuruya. Fenfen ma nde niyi la i yala. Hadama-dan bɛɛ niyi mani de iko ni-lafɛ kelan i yala.

Yaburi 49:1

N bi kumɛ min fɔla, duninya-mɔgɛ bɛɛ ni a tole masɔ kɛ la.

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Makawandili Kumɛnu 8:4

Ale letan ala sɛnbɛ la. Yon si a nyinika?

Aiseya 19:17

Mari Sɛnbɛ-Bɛɛ-Tigi ara ban min natɛgɛla Iyipiti kɛnu kan ma, ni anu ya anu hɛnkili bila wo la, anu si kilan Yuda kɛnu na.

Aiseya 26:9

A la wa fin, i sɔgɛ si n tabɔ dɔgɔma-ma-de! Banda wa ka, a ni ma iko ma ni taran ma nyɔgɔn fɛ. Ni ile ya duninya-mɔgɛ bɛɛ kiti, anu si a lɔn telenbagayɛ ye nya min.

Aiseya 43:13

A ko Habadan-Alla le ale la. Mɔgɔ-wo-mɔgɔ ti ke a burila ata sɛnbɛ kɔrɔ. Mɔgɔ-wo-mɔgɔ ti ke ala ko-ladannɛ bɔla a gbɛ rɔ.

Daniyɛli 6:27

Ale le ye ma latankala ka ma kisi fanan. Ale le ye ko-makawanɛnu kɛla san-kole anubɛ dugu-kole ma. Ale le ya Daniyɛli lakanan yarɛnu masibɛ ma.”

Yona 1:14

Anu dira Nɛbi Yonata Mari dala, anu ko, “E, Mari, ni ma ya kei kɛ lakɛ yi rɔ, i kana ma faga a niyi-bɔ-koe la. Ile Mari kelan gbɛ le kɛ dama la.”

Kɛwɔlɛnu 11:17

ado a ara gbɛ feu, ko male dɛnkɛninyara Mari Yisa, Allata-Mɔgɔ-Yabɔnɛ ma tumɛ min ko Alla ya kɔ-fan min di male ma, a ara wo sifa le di sibolo-gbɛrɛnu ma. Nba, nfen bi nde la nun worɔ ko n ni Alla lakala?”

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

Kɛwɔlɛnu 5:39

Kɔnɔ ni Allatɛ le wo la, wo ti ke anu nɔla mumɛ! Wo si a yen ko wo ye Alla le kɛlɛla tun!” Mɔgɔ-banu ya karan-mɔgɔ Kamaliyɛlila kumɛ bira.

Kɛwɔlɛnu 9:5

Sɔli ya nyinikalɛ kɛ ko, “N fa, yon bi ile la?” Kuman-kan wo ko, “Yisa le nde la, i ye min tɔrɔla.

1 Kɔrɛnti 10:22

Ka, a di ma ye, keliyɛ ni don Mari rɔ, wa? Ma miriya ko ma sɛnbɛ kolo atɛ ko woletɔ a ti ma tɔrɔ, wa?

1 Kɔrɛnti 2:16

Iko a sɛbɛnɛ Allala kitabu rɔ nya min, “Yon ya Mari miriya lɔn? Yon si ke a makawandila?” Kɔnɔ malebɛ Kirasiti, miriya kelen de!

Ɛfɛsa 1:11

Fan bɛɛ si ma iko Allata ko-latɛgɛnɛ anubɛ a sako ye nya min. Woletɔ a ya ma yabɔ ko mabɛ Kirasiti ni to ko kelen tɔ ka ma a halalɛ la, ado a ara a latɛgɛ wo nya le kebi fɔlɔ.

Yasowa 2:2

Mansɛ ya wo lamɔɛn tumɛ min ko mɔgɛ donu bara na anuna so lakɔrɔsi tinɛ,

1 Samuwɛli 3:18

Mari ya koe min bɛɛsi fɔ a ye, Samuwɛli ya wonu fɔ a ye. A ma ko-wo-ko dogon a ma. Samuwɛli ban wo fɔla, Ilayi ya a fɔ ko, “Mari le ale la. Ko-wo-ko diyara ale ye, a si wo ma.”