Daniyɛli 4:34 - ALLALA KUMƐ

³⁴ “San wɔrɔnfila tenbinɛ, n ya n yɛ layɛlɛ san ma, n hɛnkili sɛgira a gbɛ rɔ. Alla Min Bi Fan Bɛɛ Kun Na, n ya gbiliyɛ di wo ma ka a tanto. N ko, ‘Allata mansayɛ ti ban. A si to mansayɛ la burubukai!

Daniyɛli 4:34 Iomraidhean Croise

2 Samuwɛli 22:31

“Mata Allala ko-ladan-nyanu telenta. Fɛɛ-wo-fɛɛ sa ala kumɛnu na. Ale manɛ nɛgɛ-walan la wonu ye min bi kisi tinɛ nyinina ale bolo.

1 Ko-Kɔrɔta-Karan 29:10

Mansa Dawuda ya Mari tanto nyama wo yala nyɔ rɔ. A ya Alla matara, a ko, “Ma benba Yakobata Mari Alla, i ni to tantolɛ sɔrɔnna habadan!

1 Ko-Kɔrɔta-Karan 29:13

Woletɔ male ye baraka birala i ye ka tantolɛ di ile mata Alla ma.

Yobu 1:21

A ko, “N bolo-kolɔn le sɔrɔnta. N bolo-kolɔn le ye fagala. Mari min ya anu di n ma, Mari kelan wo le wara anu bi. N si ale Mari tanto!”

Yaburi 10:16

Mansɛ le Mari la burubukai! Bɛsi-kɔlɛnu si ban ata nyamanɛ rɔ feu!

Yaburi 102:24

E, Alla, bawo n ma kɔrɔya wɛ, i kana n natuntun kanbɛ rɔ fɔlɔn. E, Mari, i ye nyɔ tolon!

Yaburi 107:15

Fɔ anu ni baraka bira Marita keninteya-dannatɛgɛbɛlɛla ko la anubɛ a ya kabana-koe minnu kɛ anu ye.

Yaburi 107:22

Fɔ anu ba baraka-bira-sarakɛnu bɔ a ye. A ara ko-nyimɛ minnu kɛ anu ye, fɔ anu ni wonu takaran bɛti-diyamɛnu tɔ.

Yaburi 107:31

Fɔ anu ni baraka bira Marita keninteya-dannatɛgɛbɛlɛla ko la anubɛ a ya kabana-koe minnu kɛ anu ye.

Yaburi 107:8

Fɔ anu ni baraka bira Marita keninteya-dannatɛgɛbɛlɛla ko la anubɛ a ya kabana-koe minnu ma anu ye.

Yaburi 111:7

A ara koe min bɛɛ kɛ tɛrr, fenfen sa wonu tɔ fɔ telenbagayɛ anubɛ lanayɛ. A ya tɔn-wo-tɔn di ma ma, wo telenni de ma ye.

Yaburi 121:1

N si n yɛ layɛlɛ kɔnkɛnu kuma kama? Nta dɛnbɛnɛ kɛ ye bɔla mintɔ?

Yaburi 123:1

E, Mari, n yɛ bɛnnɛ ile ma. N yɛ bɛnnɛ ile ma Arinyɛni tɔ, i ye mansayɛ la kan min.

Yaburi 145:13

Habadan-koe le ila mansayɛ la, ado ila mansayɛ si to nyɔ tolon! Mari si ata lanyiri bɛɛ latɔnbagaya. A si koe bɛɛ ladan kinikinɛ le tɔ.

Yaburi 146:10

Mansɛ le Mari la tolon! A ye Allayɛ la Yerusalɛm ye habadan! Ma ni Mari tanto.

Yaburi 50:14

Kɔnɔ wo ni baraka-birɛ ma sarakɛ la n ye. Wo ara n yili-madiya fan min bɛɛla ko ma, wo ni wonu di nde, Mari Sɛnbɛ-Bɛɛ-Tigi ma.

Yaburi 66:7

A ye ala sɛnbɛ labɔla ka ma mara tolon! A ye a kolan sala sibole bɛɛ fɛ. Min murutiyanɛ Alla ma, wonu kana anu nyɛrɛ lɔn sɛnbɛ-tigi la.

Yaburi 7:17

N si baraka bira ile Mari ye ka a tɛgɛ ila telenbagayɛla ko ma. Ile Mari min bi fan bɛɛ kun na, n bi matɔgɔ-bɛti bɔla ile ye.

Yaburi 9:2

N si sewa-bɛtinu bɔ ilela ko la. E, Mari min bi fan bɛɛ kun na, n si i matɔgɔ-siginu sa.

Yaburi 92:1

E, Mari, ka baraka bira i ye, wo kin dɔgɔma-ma-de! E, Alla Min Bi Fan Bɛɛ Kun Na, a kin ka bɛti bɔ ile le ye.

Aiseya 13:11

Mari ya a fɔ ko a si duninya mumɛ kasara ka wunduyogenu tɔrɔ anu hakɛla ko la. A ko min bɛɛ wasinɛ, a si wonu famayigi. A ko karagbɛlɛ bɛɛ si tɔrɔ tɛrr!

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 24:15

Minnu bi tele-bɔɛ wara la, wonu si a tanto. Minnu siginɛ kɔgɔ-yi dafɛ, wonu si Isirɛlata Mari Alla matɔgɔ.

Yɛrɛmaya 10:10

Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Nimisa Koe 3:38

Alla Min Bi Fan Bɛɛ Kun Na, tɔrɛ anubɛ duwɛ sa bɔla wo le bolo, wa?

Daniyɛli 12:7

Melika wo ya a bolo filɛ layɛlɛ san ma ka lanyiri kiri habadan-Mari tɔgɛ rɔ. Nde, Daniyɛli ya a lamɔɛn a ye a fɔla ko, “A si san sawa ani a tala bɔ. Allata mɔgɛnuta tɔrɔya-wati wa ban tumɛ min, wo le ye a taranna ko-nya kɛ damasi ara ka-a-la.”

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Daniyɛli 4:2

Alla Min Bi Fan Bɛɛ Kun Na, wo ara kabana-ko-siyaman yira n na. Wo ni wo tole masɔ. A di n ye, n ni wonu takaran wo ye.

Daniyɛli 4:26

A ko melika ya a fɔ min kɛ wo la ko kɔlɔma wo ni to dugi rɔ, a ko wo kɔrɛ le n ba ban hɛnkili sɔrɔnna Arinyɛnɛ-Tigi Alla, ko wo le duninya kɛ kun na, n si ma mansɛ la tun.

Daniyɛli 4:3

Alla ara kabana-koe minnu yira ma la, wonu kolo dɔgɔma-ma-de! Alla ye kabana-koe minnu nadanna, wonu makilanta. Habadan-mansɛ le ale la. Ale si to kun-tigiyɛ la tolon!

Daniyɛli 4:32

I hadama-den-nyɔgɛnu si i gben anu tɛma. I si ta basan sogenu na binyɛ rɔ. San wɔrɔnfila, i ye binyɛ dɔnna wonu fɛ iko ninki. San wɔrɔnfila wo wa ban tumɛ min, i si a lɔn worɔ ko sɛnbɛ ye nde, Alla Min Bi Fan Bɛɛ Kun Na bolo duninya-mansɛnu kun na. Min ba diya n ye, n si ke le mansayɛ dila wo ma.’

Daniyɛli 4:36

“N hɛnkili sɛgira a gbɛ rɔ tumɛ min, Alla ya nta mansayɛ anubɛ nta gbiliyɛ lasɛgi n ma tun. Nna makawandilɛnu anubɛ nna mɔgɔ-banu ya n sɛnibɔ ka nna sɔ tinɛ bɛɛsi lasɛgi n ma tun, ado n ya gbiliyɛ sɔrɔn anu bolo ka tenbi nna mansayɛ fɔlɔtɛ la.

Daniyɛli 5:18

“Alla Min Bi Fan Bɛɛ Kun Na, wo ya i fa Nɛbukanasa ma mansa-sɛnbɛ-tigi la. A ya a ma, mɔgɛnu ya a matɔgɔ ka a gbiliya.

Daniyɛli 5:21

Mɔgɛnu ya a gben anu kurun tɔ. A hɛnkili mara iko sogenutɛ. A tora tagamana sogenu fɛ binyɛ rɔ ka binyɛ dɔn iko ninki. A tora kila gbɛkole ma. Duri tora yigila a ma nyɔ. Kɔnɔ tɔ-a-la, a sɔnta ko Alla Min Bi Fan Bɛɛ Kun Na, wo le ye duninya-mansɛ-bɛɛ kun na. Min ba diya a ye, a si mansayɛ di le wo ma.

Daniyɛli 6:26

Min sanɛ wo kuma, n bara ban a latɛgɛla nun nyamanɛ kɛ rɔ, n ko, mɔgɛ bɛɛsi ni kilan Daniyɛlita Alla la ka a gbiliya. Alla-nimɛ le ale la, Aado ale le ye ma lamarala burubukai! Ala mansayɛ ti tinya mumɛ, ado ala fanka dan sa.

Daniyɛli 7:14

Habadan-Tigi-Alla wo ya sarati anubɛ gbiliyɛ anubɛ mansaya-sɛnbɛ di a ma alako duninya-sibole bɛɛ ni wɔli a ye. Ala saratiyi si to burubukai, ado ala mansayɛ ti ban mumɛ!

Daniyɛli 7:27

Alla Min Bi Fan Bɛɛ Kun Na, mansaya-sɛnbɛ anubɛ ala kinyɛ min bi duninya bɛɛ rɔ, a si wo latenbi ala mɔgɔ-sɛnimɛnu ma. A ko anu si to mansayɛ la burubukai! Min sanɛ wo kuma, duninya-mansɛ toenu si wɔlɛ kɛ anu ye ka anu gbiliya.

Daniyɛli 9:14

Ile, mata Mari Alla, i ya i rabɛn ma tɔrɔ kan ma, ado i ya a ma le, yɔ! I ya wo ma bawo i ya ko-wo-ko ma, wo telennɛ le tede! Kɔnɔ hali wo, ma ma ma tole masɔ i la.

Yona 1:14

Anu dira Nɛbi Yonata Mari dala, anu ko, “E, Mari, ni ma ya kei kɛ lakɛ yi rɔ, i kana ma faga a niyi-bɔ-koe la. Ile Mari kelan gbɛ le kɛ dama la.”

Maika 4:7

Anu toe minnu bi tola, minnu manɛ iko namarɛnu, a si wonu ma bɔnsɔn-kurɛ dabirɛ la. Wonu si yiri boi! Hali anu bi wula-yannu na pon, a si anu nana anuna nyamanɛ rɔ tun. Mari ko ale le si ma wonuna mansɛ la ata Bon-Sɛnimɛ la Yerusalɛm kɔnkɛ kuma.

Luka 1:33

A si mansayɛ kɛ Yakoba bɔnsɔnnu kun na, ado ala mansayɛ ti ban habadan!”

Luka 18:13

“Kɔnɔ duti-makelelɛ wo ya a masɛgi a la. A ma sɔn hali ka a yɛ layɛlɛ san ma fɔ ka a kɔgɔ-dɛ matugu. A ko, ‘E, Alla, kinikini nde hakɛ-tigi ma!’

Yɔni 5:26

Iko n Fa Alla si niyi di mɔgɛ ma nya min, a ara sɛnbɛ di nde, ala dan ma ko n ni niyi di mɔgɛ ma wo nya na le.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!

1 Timoti 6:16

Ale kelen pe ti faga. A ye waan min tɔ, mɔgɔ-wo-mɔgɔ ti a madon wo la. Mɔgɔ-wo-mɔgɔ ma ale yen bɛ, ado mɔgɔ-wo-mɔgɔ ti ke a yenna lefan. Alamɛ gbiliyɛ anubɛ habadan-sɛnbɛ dira ale ma! Amina.

Lankɛnimayɛ 10:6

A ya a gboro Alla rɔ min nimayanɛ habadan! San-kole anubɛ fan minnu bi a rɔ wo, dugu-kole anubɛ a kuma-fannu wo, kɔgɔ-yi anubɛ fan minnu bi a rɔ wo, ale le ya wo bɛɛ dan. Melika ko, “Matanbani mumɛ ti kɛ tun!

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 4:10

kɛmɔgɔ mogan-ni-nani wonu si anu sa a kɔrɔ. Ale min nimayanɛ habadan, anu bi wo batola ka anuna mansaya-fulɛnu sa mansaya-sigi-fan wo kɔrɔ ka a fɔ ko,

Lankɛnimayɛ 4:9

Dali-fen nani wonu bi tola bonyɛ anubɛ gbiliyɛ anubɛ baraka-birɛ bɔla a ye tumɛ bɛɛ, ale min mayiginɛ mansaya-sigi-fan rɔ, kɔni. A nimayanɛ nyɔ habadan! Anu tenbi wo mala,